小娜執媽的部落格

今次三日兩夜o既旅程﹐得到台灣朋友仔o既熱誠招待﹐帶我地食左好多好味o既地道小食﹐進補餐﹐海鮮等等~~某程度上我覺得高雄同台南o既美食仲好味過台北哩!!而且佢地比台北人熱情﹐當地消費又低﹐真係好值得去!

不過交通方面嚇死人啦!﹐無咩交通安全可言﹐任你隨便迫車(就算大大隻字寫住嚴禁迫車一樣唔理照停)超速遇上警察都無有怕照衝!! 我自問唔敢響佢地地頭開車﹐坐車都驚險百出﹐少D心血都唔掂!!

黎到台灣D可以唔食o既牛肉麵(高雄大牛﹐連市長都係佢fans)

超薄皮小籠包(好食過鼎泰豐)

台灣人最喜歡飲綠豆同苡仁湯

肉圓﹐有d似厚皮小籠包﹐配汁一齊食好好味!!!

台南周氐蝦卷

點少得行夜市呢~台南最大o既花園夜市

海鮮店﹐同香港o既西貢海鮮唔同!!佢地o既海產店唔止食海鮮仲有好多壯陽大補湯﹐老闆娘極力推介﹐最後我地都唔敢試

最後只敢食雞子

羊肉爐好似都話係補湯黎wor

xo醬炒翅仔﹐我覺得比紅燒大裙翅更好味

鯊魚皮又係一個推介菜

 

台灣創o既綿綿冰﹐但係我反而覺得香港o既松記好食D﹐果汁味重D﹐台灣o既就奶味重

 

有咩令我忍唔住要響街頭即時食呢?

熱辣辣o既豬腳

 

呢個就係我接生o既BB女﹐已經兩歲幾啦

 

居然可以將架車迫響馬路中心o既斑馬線﹐問你死未?