小娜執媽的部落格

潛水已經成為我呢個全職媽+半職女工既慣常動作!! 之前因為D yen 跌，攪到我呢個敗家媽媽又再失控，瘋狂地上日本Website買野比對仔女!! 我唸有響日本website
買過野既blog友仔都知，日本d site買野幾鬼麻煩，又要翻釋又鬼甘多靚野，攪到我一睇一買就一日啦! 總算幫佢地換左季!
至 於返工方面，我雖然仍然係一個禮拜返兩日，但唔知點解最近好似返得好密甘，攪到好早就訓左!!成日比豆爸話我渴睡，訓十幾個鐘!! 哈哈~基本上我每日暗女訓時(九點 幾)自己都訓埋，第朝7點起身陪仔食早餐!下個月家妹master畢業，又將會有十幾個親戚黎，又要Plan行程，又要做導遊，睇怕我又會再潛水架啦!!
最近返工成日遇到d "lucky case"!!! 不如講黎嚇下大家!!!!! (怕核突者慎入!!)
恐怖case 1: 生出蟲來
有 一個由中美洲一個比較落後既媽媽黎生仔，當佢push B出黎個刻痾出一舊拳甘大既"黃金" 出黎!!大家生過既媽媽都知，生產時候要push 個下力，分分鐘大小便齊出埋架嘛，呢個情況基本上對我黎講已經係家常便飯，但最嘔既係"舊金"上面有條勁大既白色生歐歐寄生蟲!!-__-!! 痾出黎個下所有醫生同護士都嚇呆左!!
恐怖case 2: 勤力開工，險爆子宮
有睇開我早期blog 既blog友仔都知道我比較鼓勵自然生產，因為開刀生的確比順產危險得多!有一個媽媽，十個月前先開刀生第一胎!生完後，月都未坐完又再懷孕，結果兩胎相 差只係慬慬十個月! 打開個肚後，又係成team 醫生護士呆左!!! 因為個媽媽個子宮已經簿到好似一個吹到就黎爆既汽球甘，簿到己經見到成個羊膜，見埋BB個頭啦!! 相信如果呢個媽媽一作動，子宮一收縮，個子宮一定會爆，隨時媽媽同BB都有生命危險!!所以開刀生完之後至少等半年先好再開工呀!!
恐怖case 3: 真爆子宮
又 係開刀case，第二胎! 不過今次媽媽選擇順產!! 基本上媽媽己開到10cm，但BB頭仔仲係高，所以Push左好耐都未生得出!! 個媽媽又唔識push，又唔比開燈又唔比我地開bb monitor個volume，攪到我地好難聽到bb心跳情況!! 結果真係出事，一個push，bb 心跳急降，攪到我地飛奔入手術室開刀!! 一開子宮，點解見唔到BB個頭?? 正常一開子宮就會見頭! 個手術醫生係甘摷係甘摷都搵唔到BB個頭!摷到大小腸都出哂黎，血肉橫飛!!原來媽媽個子宮響push既過程中爆左，BB 已經爆出子宮外!!我地呢D見慣大場面既都嚇到面青!! 唉~ 真係"登"個媽媽傷!!好彩BB搶救後都救得返!!

有好幾次有BLOG友仔問我響悶蛋國做護士既事，我都未得閒一一回覆，不如就等我講下我D血淚史啦!!
響悶蛋國要成為護士基本上可以報讀 大專院校/社區大學( community college，CC) 或者大學(university ) 既nursing program! CC既 nursing program 係兩年制，而大學既nursing program就係四年制! 兩者畢業後，再考一個專業試(NCLEX) 就可以正式成為註冊護士，registered nurse!! 甘大家會問啦，兩年同四年都係註冊護士，點解要讀四年呢? 其實正式黎講，完成四年大學既nursing program，正式係叫做BSN( Bachelor of Science in Nursing)，但係出黎做既野同普通兩年制CC畢業出黎既RN係一樣，人工基本上都係一樣(有d醫院會因為你係BSN而比多少少人工，不過唔多醫院係 甘)，所以我地唔會特別同人講我係BSN! 但係他日如果你想做management既話呢，即係想做護士長，管理層之類呢，甘你就要起碼有一個大學學位做background啦!
由 於護士人手不足，但肯出黎教學既講師唔多(因為人工唔理想)，所以就算有好多人想讀都因為唔係間間學校都有nursing program同埋收生有限既關係，就算你想讀都要排隊!! 想當年經濟未係太差時，唔係甘多人想入呢行，因為怕辛苦所以我入學既時候都未至於要等好多先入到個program，但後尾越黎越多人想讀nursing， 因為一定搵到野做，差不多鐵飯碗甘滯，人工又不錯，人人爭崩頭想讀，之後想入既人差不多要等一年或以上既waiting list 先入到!
入 學要求係GPA 3.0以上!! 佢地亦會require一定既general education例如biochem，organic chem， physiology，anatomy，biology等等science 既科目，你要讀哂先可以排隊入nursing program!! 要入讀既朋友仔最好有d science底子!!!
好啦~到你入左program啦，咪以為一天光哂，坐定粒六等畢業!! 其實nursing呢一科，絕對係唔易入唔易出(當然讀醫科就更加難啦) ! 以我讀個間大學為例，佢一年收大約50個學生，最終成功畢業既大概不足30人!! 點解呢? 因為無論你讀4年又好，2年又好，總之你成個nursing program 唔可以肥佬超過兩科/兩次，如果超過就會比人kick out of the program!!! 同時亦由於學校既funding唔夠，開班唔多，有時今個學期會開既班，下個學期又未必夠位預留比留班既同學，所有成日出現我肥佬一班，要等兩個學期先可 以重讀，但係又唔可以跳班先讀其他既科目先，因為你要完全第一個level先可以讀第二個level既班!! 加上我地要一路讀一路實習，晨早7點去醫院實習，下午又要返學校上堂，放學又要應付考試同做好多功課，所以一路上有好多同學唔係頂唔順自己退科就係肥左兩 次比人踢出黎!!! 
想當年，我真係每個weekend都係做功課同溫書，做百幾頁既case study做到三更半夜，真係壓力大到以淚洗面!! 我老公都唔知幫我抹過幾多眼淚!!! 好怕會肥佬，好怕畢唔到業!!! 四年非人生活終於都過去，終於都畢到業，真係謝天謝地!!!不過都仲未過關架，因為仲要考埋個牌先可正式成為護士! 我當年都用左三個月時間溫書,好彩一次過pass，唔駛再重考!!!
聽落都覺得辛苦呀，我都唔知自己當年係點捱架! 不過。。。。。辛苦過後係有回報既!!~~
講真做護士的確係一個長期飯碗，你唔係犯咩大錯都唔會比人炒!!! 起薪點大概28-33蚊美金一個鐘，depends on你做咩科!!! 如果做ICU，產科，一D專科就會再多少少人工!
而 我地呢邊亦都係返shift既，不過就唔駛輪更，一係就做日，一係就做夜班!!!大部份都係7am-7:30pm(日)7:00pm- 7:00am(夜)， 12個半鐘一更!!不過全職都只係返三日，如果好似我返part time就係一個禮拜兩日! 夜班工作會比日班多3-5蚊美金一個鐘!! 如果加班，絕對要補水啦!例如你返12個鐘既shift，超時工作係會有雙倍人工一個鐘!! 又例如你一個禮拜返36個鐘，但係想加班返搵多d錢，第40個鐘開始就會有倍半人工! 我地係打咭制，遲放工一分鐘都要補水，好圴睜!! 而且悶蛋國既法律係有限制病人與護士既比例!!以我產科為例，待產係1:4，待產後期(3cm後)時係1:2，生產中係1:1!! 如果你老細要你接多過呢個比例，你可以告間醫院! 不過一切好似好保護我地d護士仔甘，但係始終人手長期唔夠，我地都一樣係做到唔停手，只不過無香港甘離譜，收症收到病人要訓走廊!!我相信訓走廊呢回事唔 可能發生響呢度!!!
福利方面，大部份醫院都會包員工，員工配偶，同埋26歲以下子女既所有醫療，牙科，眼科基本保險!! 如果大時大節例如新年聖誕要返工一律要比倍半人工，有d醫院更加係唔駛返都照比錢!! 不過我地就要輪weekend同大節日，有時大假期唔可以同屋企人一齊過!! 有部份醫院更加有長俸，強積金就一直有架啦!!
不過我地悶蛋國出名多肥人，要搬要抬佢地真係好辛苦，好容易受工傷!!加上人種複雜，有時有d homeless呀，濫葯既人入到黎，都唔知佢地有咩病，所以都有一定風險!!!
但點講都好，我都相信響悶蛋國做護士一定無香港甘辛苦!! 呢幾年多左好多大陸人落黎香港睇醫生，醫護人員壓力真係不少，有時睇到d新聞，見到佢地做地死死下都好登佢地辛苦!! 出左事又係甘比病人，病人家屬鬧，真係好慘!!!
你話我點敢回流返黎做oY!!!?? 唉~~~
如果本身響香港做開護左既，又想黎悶蛋國做護士亦都唔係太難!只要你考過TOEFL，再成功考過NCLEX就可以黎做護士架啦!!不過因為係外國人關係，唔係間間醫院都肯請，但係因為人手唔夠，有某D醫院都肯請外國人，而且更加會幫佢地申請綠咭tim~~
唔知d資料夠詳細未啦，有問題再問我啦!!

悠長o既終極產假終於都完滿結束啦!!
感 恩我響悶蛋國生仔，唔駛同人爭床位，整個生產過程都好順利!! 同時亦感恩家庭狀況許何我放五個月產假，比我休息同湊女! 雖然唔捨得呢個悠長假期，更加唔捨得返工要離開我個心肝寶貝~~BB仔實在大得太快啦，轉下眼佢地已經唔再係BB啦，實在一刻都唔想錯過佢地o既童年!! 不過人始終要工作，唯有安慰自己同自己講都係返兩日je，時間好快過~
唔知係我腳頭好定點，同事話我知四月整個月都出奇地"淡"，無咩人入院生仔!! 點知我第一日復工，D產婦湧哂入黎"歡迎"我!!一更12個鐘通常我地生6-8個BB，我
一開工就一更生14個B!!!!!! 痴左線!!!! 仲要我之前個晚可能緊張得滯o訓得好差，嘩!!做到隻蟹o甘打橫行出產房!! 仲要比我遇到"long 黎" 媽媽!!!
話 說我呢個18歲第二胎o既黑人媽媽響我接更後就話要打無痛針，於是我安排好哂打哂針之後個媽媽笑哂無問題啦!!埋門要推BB出黎個下因為無痛o既情況下呢 位媽媽唔知係唔識定係唔想用力push個B出黎，教極都唔肯用力推，攪到push左兩個鐘都push唔到BB出黎! 於是呢位年輕媽媽開始發憫話點解push o甘耐都未出，有無攪錯呀!!下刪一堆粗口..........跟手佢呀媽仲打黎鬧我話點解佢個女生o甘耐都未生得出，問我係咪應該做d野幫佢 ，又話o甘樣唔得架，生o甘耐一定有問題!!其實我好想話佢知係佢個女唔合作，叫佢hold住啖氣推10秒佢又同我推三四秒就停，教哂佢點呼吸又唔照做， 鬼唔係推極都推唔出個B咩!! 我已經好聲好氣好有耐性o甘鼓勵佢，因為我自己三個月前都生過B，我知道生BB唔係一件易事! 你估我陪佢push兩個鐘唔累咩，我都想佢快d生!!
唉~ 有時都好明白響香港做醫護o既同行點解做到發哂脾四，有時對住d無理病人真係EQ低d都會爆炸!!!更何況佢地仲要一個人睇十幾個病人，我地悶蛋國呢邊產房睇兩個產婦已經做到踢哂腳，真係登佢地辛苦!!!
最後個B都順利出世，母女平安! 我個媽媽終於笑返啦!!但我就成副骨頭散o甘滯，唔知係耐無返工定係個人老左，已經有d力不從心!!
十三個鐘頭後放工返到屋企終於見到我個寶貝Kori，但已經無力同佢玩啦!!!
之後第二日返工仲病埋!!!!! 唉~~~ 真係撞鬼!!!!

我工作生涯中o既第一次, 因為產後大出血因而要子宮完全切除! 比想像中黎得平靜, 雖然四個鐘頭o既手術企到腳仔軟(平時開刀最多一個鐘)
我的不幸中之大幸媽媽,38歲,今次係生第三胎,亦唸住今次生完就紮埋佢,唔會再生! (好彩唔係後生女,又唔係生第一胎) 呢個媽媽有胎盤前置問題, 唔可以順產一定要開刀,因為胎盤前置好易大出血危及媽媽同BB!
B 女順利出世,不過媽媽子宮無法收縮,不停流血!醫生已經用盡方法令子宮收縮同埋止血, 又打收縮針落子宮又紮子宮等等都無法控制出血情況!到差不多流到一公斤血時,主診醫生終於下決定將整個子宮切除,保著媽媽條命! 好彩手術順利, 子宮切除後,流血情況受到控制,媽媽亦只不過需要輸兩包血同一包血清! 但生呢個女足足流左佢1700cc血, 差不多一樽兩公斤可樂,平時正常剖腹生產大概出血500-1000cc!!
以前我好怕要幫病人輸血,更加求神拜佛希望唔好遇到要切子宮o既case!!  但今次自己親身遇到啦,居然比我想像中處理得冷靜, 出黎o既outcome亦好好!! 我唸係經驗比到我信心,嘻~~有成功感!!
四個小時, 六十五塊染血紗布,三十八支縫合針, 1700cc血,結束左我一個超唔應該忙o既星期日!!
祝呢位媽媽早日康復!

我幾時都覺得女人一生人會經歷好多大大小小o既痛!!
打從青春期開始,每個月都要痛一次!小則陰陰痛,大則痛到嘔!!(真係嘔o個隻!!) 如果你完全唔痛,恭喜哂你! 只有好少數o既女人月經黎時唔會痛!
 
到學人拍拖啦,甩拖時又會心痛!! 搵到真愛結婚生仔啦,無講你順產定開刀一樣逃不過陣痛,傷口痛!! 到餵人奶啦,谷奶時又痛,BB啜奶唔正確啜到乳頭損又痛,一唔覺意塞左乳腺簡直就係痛不欲生!!
 

痛痛痛痛痛,做女人真係成日都要痛!!
 
我前幾日返工,同事o既一個產婦因為血壓高入院,用重葯控制血壓所以要尿管,點知對尿管o既膠有敏感(LatexAllergy),結果成個外陰腫哂!!!!我從來從來都無見過o甘大o既陰唇,大過一個橙呀!!而且腫脹到好似一個吹脹左p既汽球,大力D掂都會爆o甘,好恐怖呀!!

點解唔係我病人我都會見到哩?因為呢個媽媽整日都痾唔出尿,又要再插話尿管(當然今次就用Non-latex既尿管啦) 我同事要拎埋支大光燈去照都搵唔到尿道口,因為腫得太緊要啦! 我要幫手用兩隻手分開大陰唇先可以勉強搵到尿道口,好彩一次就插入尿道!!嘩~呢個媽媽痛到大喊,成條走廊都聽到!!我好肯定佢一定痛過生仔!!  陰公囉!!佢喊左半個鐘都未收到聲呀!!  一定痛死啦!!
 
唉~入院打針食葯插尿管已經夠慘架啦,仲要禍不單行敏感到腫成o甘! 唸起到覺得痛

今年的元旦寶寶特別多! 做到我無得停手,打破左一貫大時大節會比較"無生意"o既慣例!!
大家會覺得產房係開心之地,係生命起源的地 方,全醫院最多笑容就係我地個ward!不過產房亦可以係生命結束之地! 今日我接左個胎死腹中case! 媽媽因為呼吸困難送院,28週,第二胎! 經過Ultrasound檢查後發現BB只得23週,而且媽媽有發燒,我地估計BB可能已經死左一段時間,留響媽媽體內導致感染發炎!媽媽唔係高齡產婦, 不過本身患有鐮刀型貧血(Sickle Cell Anemia )由於長期自己都唔夠氧氣,BB亦得唔到足夠氧氣導致生長緩慢,甚至死亡!
醫 生開葯幫佢引產,拎返個死胎出黎!過程同生一個健康BB無異,會經歷產痛,唔同o既係BB出黎唔會喊!我覺得引產過程會令媽媽非常難受,一心以為有個新生 命來臨,但卻變成迎接死亡,會令媽媽留下好大o既陰影!而我亦最唔識得處理呢D case!!媽媽喊都仲可以安慰,但通常佢地都會異常平靜又目無表情,令我都唔知講咩好!唯一可以做既就係拍一拍佢地,用身體語言表示支持同埋盡量令佢地 生產時既痛楚減到最低!! 最難受莫過於話比媽媽既親人知BB已經無左時面對佢相擁而哭o既慘情場面!
我放工時,呢個媽媽仲未生得,我希望佢快D康復,忘記唔開心既事,快樂地過每一日!

 
 
 

好多謝大家對我地o既祝福!!我相信我老公一早接收哂架啦,因為佢o禽晚成晚陰陰咀笑!!
明 天我終於終於要返工啦!結束左我人生最長o既悠長假期!!! 希望明天開工大吉唔好做到氣咳啦!! 由於Nato一路都係埋身餵(除左最尾一餐之外),我非常之擔心佢唔多願意食奶咀同埋埋身少左會令奶量下降!! 我份工一係唔忙,一忙起上黎連去廁所都無時間,莫講話要去pump奶!! 好彩我只係一星期返兩日,不過就返12個鐘一日,希望唔會提早結束我o既媽媽奶生涯啦!!
產房事終於再有entry啦! 不過我仍然會定時發放Natto o既成長進程!!
大家祝我聽日好運吧!!

上個禮拜唔知係吹咩風,接親都係巨B!!! 一個差不多10磅,一個11磅!!!兩個都順產,勁!!!
如果比著響以前間私家醫院,一check到BB超過9磅,二話不說就會叫你去開刀啦!因為生巨B都有危險,好容易出到 個頭出唔到shoulder,o甘BB就有生命危險,所以好多醫生都唔會搏!!  我接呢個巨B case時都以為佢會開刀,不過我地呢間teaching hospital 會比機會病人試左順產唔得先開刀,佢地都係大無畏精神D!!

我自己就唔想Natto太大隻,怕好難生!!最多7磅半好啦我呢D細粒媽,生巨B會好辛苦!!我已經成日比人話個肚大,而家腰骨都開始好痛,連訓覺轉身時都痛,都唔知捱唔捱到去9月!!!
睇黎我要去做下prenatal yoga先得!!

呢兩日返工做死人啦!!生左十幾個B,接到手軟!!下個禮拜預料都係忙到痴肺!!
仲有三個crazy工作天,大阪呀大阪!!!我要黎啦!!!
加油呀!!Natto都一齊同MaMi加油 please!~~ 星期五等我同Baba見完你之後就可以去玩玩啦!! YEAH!!!!