小娜執媽的部落格

響香港結婚要洗o既錢同煩o既野比響美國結婚多好多!可能香港人要求高D﹐而提供呢類服務o既公司又多﹐平有平做﹐ 貴有貴做!唔似得美國要有靚少少有DD要求o既Wedding service就超貴!所以我響美國參加o既wedding都好DIY﹐wedding佈置可有可無! 我地因為響香港結婚﹐基本上咩都做足!響結婚前大半年我已經research左好幾間decor公司﹐仲親自飛返香港去搵tim!
我搵o既呢間雖然唔係主流o既大型decor公司﹐不過佢地服務好好﹐細心有交帶﹐價錢亦合理! 而我要求o既野佢地基乎都滿足到我﹐最緊要係態度親切﹐唔會迫你買佢地extra o既服務﹐佢地亦係少有唔駛join package o既decor公司﹐你要咩佢地就整咩!!你鍾意o既淨係叫佢地整個backdrop又得!因為我去過幾間decor公司問﹐大多數都要 join package﹐有時有d野你唔需要都照要買咩!
老闆呀ken好好人架﹐好細心解釋比我聽我個場整D咩好睇﹐有D咩唔適合!結婚當日佢地亦準時交場﹐不過我因為成晚太忙招呼朋友都無特別細心欣賞佢地o既傑作﹐到後來睇返相先覺得原來佢地整得好靚!
我條樓梯上放左幾個花樽﹐樽裡面有花同金魚﹐呢個idea係我有一日行街時見到一間時裝店櫥窗擺左一個花樽裡面養左幾條魚仔好得意所有就用黎做Wedding decor﹐比起淨係放花有生氣!!而呢幾條魚仔響我結婚之後就比呀KEN放生左!

一見到我台灣黎生BB o既朋友仔就令我唸返起兩年前去台中影婚紗相o既回憶!短短4日3夜﹐好忙好充實﹐由挑選婚紗到影相到選相都係4日攪掂!!呢次o既婚照之旅我同老公都好 滿意﹐因為serve我地o個間婚紗店o既職員真係好熱情好細心﹐照顧周到﹐我唸響香港就無o甘好服務啦!而且價錢又好合理﹐唯一就係佢地企硬價錢﹐無 discount至於d 相我都覺得幾靚﹐一貫台灣style﹐好多外景照!!不過幫我地影相o既攝影師D style就比較artistic﹐唔係太似婚紗相!!但係我同老公都鍾意呢個Style﹐唔會下下都係影歐式花園﹐書房o甘嘛!! 不過老人家都鍾意D傳統野﹐我呀媽同我奶奶就話似生活照多D!!哈哈~生活照唔會著成o甘掛!! 呢間婚紗店provide 7件婚紗連晚裝﹐男禮同出外景都唔駛加錢﹐仲送埋午晚餐tim~~ (因為由朝影到晚)
或者下次有機會都會返去影多次(大肚照or 結婚週年照)嘻。。。我老公知道一定會嚇親﹐因為上次真係影到佢傻左^^
http://www.masalili.com.tw/

今日我地終於結婚啦!!成個婚禮好趕好亂好開心~~唔知係太緊張定係真係呀媽醒我個兩隻大閘蟹出事!!我地兩個齊齊響結婚前兩日上吐下瀉﹐我仲發冷發熱成個人軟哂!!好彩食左葯急救後到正日就出奇地兩個人都好返哂!!

宣誓時地兩個都喊到豬頭o甘!!唔知點解就係一刻感覺湧埋黎﹐我老公可能見到我喊﹐佢又喊埋一份!不過響宣 誓o既十五分鐘前我老公仲好開心o甘同個監禮人律師講到興起﹐而我就發緊炆因為對結婚鞋同身份証唔知擺左去邊!!!!唔著鞋行禮我無所謂﹐但係無身份証係 行唔到禮架嘛!!急死我!!好彩班兄弟都搵得返!!多謝哂各位兄弟姊妹當日o既幫忙!!

而我最覺得遺憾o既係我響reception 時無食到好多野﹐只係食到第三味菜jar﹐跟住d翅﹐東星﹐甜品咩都食唔到!!最慘係d朋友仔話返比我聽d野食好好味呀!!唉。。。真係好想食﹐之後又唔 知有無機會響返o個度飲!!!不過酒店都好細心﹐預備左一餐好正o既宵夜送上房比我地食!!真係好值得一讚係呢間酒店真係服務一流又細心!!而我地個 event manager仲好好人將我地間Junior suite upgrade去 executive suite﹐成間房對住個維港夜景!!好靚好靚!!

由於聖誕節去馬爾代夫係天文數字﹐所以我地決定先去北海道當小蜜月﹐等下年淡季再去過馬爾代夫! 雖然又係要等﹐不過好過無得去啦!!
北海道都應該可以relax一下﹐浸下溫泉﹐睇下風景﹐不過我最有興趣係去海鮮市場海鮮﹐哈哈~ 之後會再去東京玩幾日﹐因為上次去得太短時間!!同埋再浸多次溫泉!由於係Honeymoon﹐我會同我honey去一間好D o既溫泉旅館同埋食懷石料理~係一個surprise﹐我唔會話比佢知我地去邊間酒店, 不過我仲未知會去邊間架﹐仲做緊資料搜集﹐有幾間自己房有露天溫泉o既旅館真係好靚好靚﹐不過都幾貴﹐加上旺季仲貴!!鬼叫我要響旺季結婚咩。。。。。不 過唔緊要啦﹐一世人一次je。。。(已經有好多一世人一次﹐嘻嘻~)

早一個禮拜基乎每日都上網搵Honeymoon o既旅行資料﹐經過一改再改﹐大概會去北海道黎個小蜜月﹐等出年再去馬爾代夫大蜜月!!本來只係想去Maldives就算﹐不過聖誕大檔期去 Maldives簡直係天價﹐淨係酒店仲未包食已經要一萬美金﹐實實在在好貴﹐雖然真係好想去﹐不過唔係旺季去平好多﹐又多D優惠﹐所以忍一忍﹐等下年先 啦!!

最初我地係大算去東京o既﹐不過經過上一次慘痛o既經歷之後﹐我覺得結完婚應該搵個地方真真正正relax下﹐去東京又係打仗o甘﹐我驚會精神緊張!! 北海道都唔錯﹐又可以滿足我去日本o既慾望﹐又可以relax下!!

但係我仍然係好期待下年o既馬爾代夫大旅行﹐為左呢個大旅行﹐我會努力工作﹐加油加油!!Fighting!!!

本來理想中o既wedding gown係簡單為主﹐唔想要好多珠片bling bling﹐不過搵左好幾間婚紗鋪都無類似o既款。又無時間再搵﹐最後同呀媽入左Marry Clarie﹐個服務員又幾細心﹐又比我試左好多件!(響香港試婚紗原來要收$500三套﹐如果最後唔響佢地公司租就唔會退返錢比你﹐所以都唔敢亂試) 試左一件同我想要o既款有8成似﹐但係就無隻蝴蝶﹐又係A-Line﹐不過呀媽話太簡單唔大方。之後再試左一套法國紗大拖尾款﹐都OK wor﹐都唔錯!不過就係隻蝴碟細d~ 結果好快就落訂啦﹐但係又唸會唔會太急決定﹐但唸到過幾日要走啦﹐再唔搵就無﹐好啦﹐就呢套!!

有時太過堅持原有要求會令人好辛苦﹐唔好唸太多啦!!

我的婚紗前(本來唔比影相﹐sales姐姐見我落左訂就比我影兩張!)

今日去左中環試妝﹐由兩點試到六點!好累~結果遲到小學同學聚會!!
呢個化妝師又係叫Jonathan﹐不過好Cool﹐好似好惡o甘!!不過我覺得佢個assistant好靚~ 試左好幾個妝啦﹐但係我都係覺得自己無化妝好d﹐可能唔慣﹐覺得唔係好自己!!B先生都覺得係~ 聽講呢個化妝師響日本讀化妝﹐而家響中環開化妝學校﹐好似好勁甘﹐試個妝都要成800蚊﹐好貴呀!!不過表哥識得佢友情價所以已經平左wor~
http://www.mod-makeup.com/

結婚真係幾頭痛o既事﹐為左wedding band都argue左幾次~終於大家一致決定左呢隻完全唔似婚介o既介子!!我未來Hubby係一個低調o既人(佢自己話) 又話唔要人人都有o既款﹐所以有好多款我鍾意o既都無份!!
呢隻介子應該夠低調啦~
Cartier Tank Francaise
不過訂造連刻字要3-4個月﹐無相post~

Quote from 姚先生的"明年今日"將會是另一個新開始﹐ 一個快樂又充滿挑戰的新開始~~
又邁近了我可以半退休的一天了﹐yeah^^
 
We are coming next year

第二天正式開始拍照﹐心情都沒有特別緊張。我們在酒店旁邊的小餐廳吃早餐﹐也不錯哩﹐小小一份精緻又夠飽!!服務員的 招呼都不錯﹐只是當我問他拿menu的時候﹐居然聽不明白menu這個英文﹐令我有點驚訝!!吃過酒店附送的早餐之後就坐taxi到門市!!試過昨天挑的 白紗晚裝﹐他們居然一晚就可以改到合我身﹐超有效率!
今日第一天我會到教堂﹐樹林﹐和濕地取景﹐分別有兩套衫﹐白紗就配樹林教堂﹐紫色Tube top款晚裝就配濕地。最後一套粉紅色蛋糕裙就留在廠景﹐這亦是我最喜歡的一套衫~我的造型師幫我化了個淡妝﹐我自己一向不喜歡化妝又不化妝﹐所以都不慣 化妝後的自己﹐不過這個妝我都完全可以接受﹐可想而知真的很Light~
出發lu~由攝影師Roger開車﹐跟車還有打燈師呀昌~他們買了火腿蛋三文治和紅茶給我們醫肚~好喜歡那三文治﹐因為麵包超軟﹐比起美國吃硬崩崩的麵包好吃多﹐但B就比較喜歡吃有咬口的包﹐果然係兩種taste~~兩個完全不同Taste的人在一起﹐應該會好攪笑~
教堂沒有什麼特別﹐樹林卻讓我嚇一跳!!原來照片中的美麗樹林﹐原來是在Freeway旁邊迴旋處的一棵大樹﹐真佩 服攝影師和現代的先進科技化腐螻為神奇!! 拍了大半日最後差不黃昏才到濕地拍最後一個外景。Roger幫我補了少少妝和換了個造型﹐我們就赤腳往濕地去!濕地位於近海的地方﹐風超級超級大﹐差點把 我吹走!!我真的不是誇張﹐我真的差點站不穩哩!!面對有如颱風的吹擊﹐單薄的穿著露肩的晚裝﹐加上自己又抱病在身﹐真的怕自己會頂唔順﹐所以有聽話地聽 Roger的指示﹐他的要求我們都盡量快快手完成﹐好讓能快點拍完!!對一個勁怕凍的我來說今次真的是"捱了過去"~~