近排以陽光見稱o既悶蛋國進入雨季﹐連續落左一個星期狗屎﹐攪到個人心情唔多好!!菲菲亦因為呢個好眠天氣日o訓夜o訓!!今日仲牙肉紅腫﹐打左兩日邊爐je﹐駛唔駛o甘熱氣呀!!好掛住東京美食!!好恨.........口水直流!!
朋友仔推介新宿一間神戶牛鐵板燒﹐果然係超讚!!你睇親愛的個食相就知!
- 1月 26 週二 201005:27
推介日食第一回
近排以陽光見稱o既悶蛋國進入雨季﹐連續落左一個星期狗屎﹐攪到個人心情唔多好!!菲菲亦因為呢個好眠天氣日o訓夜o訓!!今日仲牙肉紅腫﹐打左兩日邊爐je﹐駛唔駛o甘熱氣呀!!好掛住東京美食!!好恨.........口水直流!!
朋友仔推介新宿一間神戶牛鐵板燒﹐果然係超讚!!你睇親愛的個食相就知!
- 12月 15 週二 200912:41
甜蜜東京
日本簡直係一個美食天堂﹐特別係甜品﹐靚到好似一件藝術品!!本來己經預備每一餐都要有甜品到肚﹐點知眼闊肚窄﹐已經盡食啦!!!
Aiya..........越唸就越想去!!!STOP!!!努力工作呀!執媽小姐!!!有得做先有得食!!!(雖然我仍然好期待下一次再去日本﹐我發誓一定唔會要自己等太耐!!!)
而更離譜o既係: 有一日我老公無啦啦同我講"D機票都無我地去o個時o甘平!!" WHAT??我老公比我更愛日本美食﹐返到黎都仲要check住d機票﹐如果有平又搵藉口再去過!!而家佢一見到"Product of Japan" "Made in Japan"o既野食就雙眼發光!!!!
唉........我地呢兩隻中左日本魔o既小鬼!!
- 12月 14 週一 200909:36
紅葉處處
十一月中到十二月頭係日本紅葉盛放o既日子﹐有幸我地可以睇到唔同地方o既紅葉~兩個人暫時忘記原宿o既竹下通﹐築地o既壽司﹐欣賞美麗o既紅葉~~嘻嘻~~Relax desu!!
鐮倉o既紅葉
- 12月 09 週三 200909:24
Our Pre-Anniversary Dinner with Molecular Gastronomy
由於太多相o既關係﹐而每篇blog又只能upload 20 張相﹐所以只能介紹部份得意o既courses~
Lychee Saketini~
- 12月 08 週二 200908:18
給親愛的surprise pre-anniversary dinner part 1
適逢今年係第一年o既結婚週年紀念﹐我當然不忘surprise我的親愛的! (我其實係一個好浪漫o既人﹐如果係男人o既話一定罧死唔少女﹐哈哈)
唔 知幾時有一晚我同佢響屋企睇新聞透視定係其他港台節目介紹歐洲最近流行o既分子料理﹐睇到我honey定哂 形﹐似乎對分子料理好有興趣o既樣子﹐而o甘o岩今次東京之旅居然比我搵到有得食分子料理o既餐廳﹐於是我就有呢餐好野食啦!分子料理 (Molecular Gastronomy)其實係"用科學方式破解食物分子的物理及化學原理，搵出最理想的烹調方法及溫度，將食物改變成意想不到的形態!!
響日本暫時只有文華東方有分子料理食﹐每晚serve兩輪﹐每次只serve最多7個人﹐
所以我提早左大半個月訂位好彩仲有位!由於平時我honey著衫太隨意﹐而酒店餐廳方面又話dress code要smart causal所以最後都係響去之前透露左少少比佢知我呢個surprise﹐費時佢到時著件衛衣去就大穫!!
- 12月 06 週日 200908:10
東京近郊@江之島+鐮倉
黎到日本旅行shopping係在所難免﹐但係要我地日日涉谷原宿行足o甘多日就肯定會死人﹐荷包先死!去近郊行下食下比較輕鬆D﹐所以我地今次旅行去左唔少公園同埋一個小遠行-->江之島~
由新宿直接搭小田急特急車就可以去到藤伬再轉江之島線一個鐘就會到江之島!同搭浪漫特快o既時間差不多﹐價錢平少 少!不過就要停幾個站同有可能無位坐!其實我會鍾意坐浪漫特快多D因為唔駛轉車﹐架車又新又舒服﹐黎到近郊遠行都係想relax下﹐無謂同人迫車啦!但係 浪漫特快班次比較疏d﹐所以要上網check定schedule先去車站!同埋記得要買江之島週遊票﹐抵好多架!!連去江之島o個程特急車﹐去到江之島後 搭o既江之電都包埋﹐慳返唔少!
江之島有沙灘又有好多寺廟又有好多鋪頭仔買海產小食﹐要大半日先行得完!佢地最出名係海螺﹐街邊到處都有燒螺 肉﹐仲有燒大蜆﹐對我呢D喜歡海鮮o既人簡直係天堂!超級推介江之亭o既螺蛋飯﹐嘩嘩嘩!!D蛋滑到不得之了﹐海螺又鮮到暈﹐超好味!簡直係meal of the day!而我地仲叫左一set 大蜆+海螺Sashimi 套餐2500yen 有兩隻燒大蜆又有海螺Sashimi﹐都係推介之選!!對住一望無際o既海邊食呢個螺蛋飯當堂感動到兩行眼淚~~
- 11月 25 週三 200907:55
Happy Thanksgiving~~~
每次去旅行前總會有一刻突然抽離症候群﹐即係完全唔覺得自己要去遠行﹐唔想執行李﹐唔想routing等等!!返完三日工好累﹐希望唔會影響心情去玩啦!!求求其帶左幾件衫﹐一d日用品﹐仲有我幾本天書!!
今次我要買多d野﹐食多d野﹐因為上次買得太少啦﹐哈哈~
各位感恩節快樂﹐大家懷住感恩o既心渡過每一日!!
- 11月 18 週三 200907:59
Budget Tokyo
由於今次東京之旅實屬即興﹐所以係budget travel!住o既酒店應該係只能容納一張床兩件行李﹐唔知仲有無位行tim!不過我地唸過度過如果要住好少少o既酒店差唔多要比多一萬yen!嘩!! 一萬yen可以食到好多好野架啦!又只係住幾日﹐所以決定食好d﹐住衰d!!
我地兩個都唔係fashion迷﹐唔會血拼響衫褲鞋襪度﹐但係如血拼壽司﹐和牛扒﹐蛋糕﹐咩咩 3.6/4.5北海道牛奶﹐日式串燒﹐25層炸豬扒﹐shabu-shabu(我個減肥計劃又再無限期postpone)仲有一個我送比老公o既神秘 pre-anniversary dinner!!
好期待呀!!!我地幾個朋友仔已經飛左啦﹐下個禮拜我地就meet埋佢地去玩lu!!睇紅葉同埋江之島郊遊都係今次 o既highlight~~至於富士山可能今次未必會去啦﹐因為我地一心想上富士山睇日出﹐由於唔係season﹐可能唔開加上天氣太凍﹐我地會留返下次 夏天先再去!!(又留下再去o既後路)
- 11月 07 週六 200907:37
不能抗拒的東京
如果唔係今年有驛馬星動﹐就一定係我地中左旅行出遊毒!!! 繼馬爾代夫之旅後﹐今年將會出現兩次大旅行!!(By our definition: 由於住響北美洲關係﹐要坐超過8個鐘飛機o既會列入"大旅行"﹐而小旅行係包括內陸地方同埋唔駛坐飛機o既)
有一日我老公打比我﹐同我講去東京機票超平呀!! $522美金(平時係$700-$1000!!!)真係好抵wor! 但係冷靜o既我都話唔好啦﹐o岩o岩先去完大旅行﹐又去好似好敗家甘﹐加上我o個段日子都schedule左要返去﹐更表又出左好難改(呢個係最大o既原 因)﹐於是我就拒絕左我老公呢個o甘吸引o既敗家主意!!不過內心一直都係心癢癢﹐日本wor!!又有好野食又有野買﹐上次又洗剩左好多日圓﹐機票又o甘 平唔去好似好浪費!! 於是我暗暗地問下同事可唔可以同我調更﹐打定輸數架啦﹐因為o個個weekend係美國o既thanksgiving﹐響美國人心目中 thanksgiving仲大過聖誕﹐一家人團圓點會有人肯同我換!! 響放棄之際﹐居然有同事肯同我調更!!!嘩!!!超開心!!即係可以去啦!!!!(完全忘記左唔想敗家洗錢o既心態)
魔鬼又一次贏左天使!!我地過幾個禮拜就去探富士山啦!!
由於事出突然﹐我又無plan過﹐即時急call老友響香港DHL幾本東京攻掠過黎! 其中兩本係流行東京主持杜如風出o既旅遊書﹐如果你有睇無線生活台o既流行東京﹐佢本書有好多講佢去食去買o既地道地方﹐都值得一睇!!唔駛兩日我地兩個 已經KO左呢幾本書﹐現階段就係planning啦!!!
1
環遊世界 (16)