日本。。。一個我一直都好想去o既國家!!心裡面有丁點點崇日﹐就只係丁點!!今次去完﹐我仍然係好喜歡日本呢個地方﹐不過我都係最想做香港人!!
日本同香港都係一個極繁忙o既都市﹐生活壓力大﹐從人行路o既速度可以得知﹐比美國起碼快一倍!!不過繁忙 都市裡o既人﹐通常比較冷漠!! 記得響火車月台我同朋友仔拎住一個幾重o既行李上火車﹐行李卡左響月台與列車中間個gap度﹐而火車就快開啦﹐車上o既人都無一個人起身幫忙!!!(最後 我用九牛二虎之力將個行李搬上車)
以前以為日本係超乾淨o既地方﹐今次去完改哂觀!!響日本成日聞到坑渠味﹐又有人隨地吐痰!! 另外日本人真係英文超差!!!!我細細個就一個人出國﹐從來都未試過好似今次o甘﹐有恐懼感!!因為我真係無辦法同佢地溝通到!!九成o既日本人一句英文 都唔識﹐於是我終日就係用丁屎o既日文去問路﹐然後聽到一大堆日文教路﹐之後迷路再迷路!!去電器鋪買電話﹐用左半個鐘都無辦法同店員講到我想要咩﹐最後 旁邊o既鬼佬見我地o甘慘﹐出手相助我先買到個電話!!歷時個幾鐘做本來15分鐘都唔駛o既野!!!
Shopping嘛﹐輕量地啦!!因為一唸到要搬上搬落月台就唔敢買啦!!今次買得最多係日用品﹐哈哈~本來想買o既BB野同狗仔野都買得好少!!下次去一定要買到!!!(雖然被極力反對日本shopping團)
今次好多謝Min o既招待﹐雖然我地都係日日迷路搵路度日﹐不過佢地1%日文都幫到好多啦!!下次去唔知可唔可以變成80%或以上日本通呢?
環遊世界 (16)