小娜執媽的部落格

你睇我個樣殘到哩!!一個人湊仔真係好辛苦!!!

 

 
前菜ss

 
每次睇，每次感動!
今日係我地結婚三週年紀念! 由於上次"唔等洗事件"，所以我今年真係無準備禮物! 如常會食餐好o既當慶祝，不過今日間餐廳休息，聽日先補返個Anniversary Dinner!!
原來已經三年啦!!
呢三年好似好短但又好似已經做左好多野!!頭一年，二人世界，想快D添個家庭成員，點知等左成年都無料到! 差D以為我地要二人世界過埋下半世
(心唸o甘咪好悶?)不過第一年過左一個係o甘去旅行o既快樂時光，日本，馬爾代夫，新加坡，台灣~兩個人自由自在，去邊都得!
第二年，Natto面世，陪我地過結婚週年!三個月人仔，成舊綿花糖o甘! 呢一年初為人父母，專注湊仔，時間過得好快，轉眼Natto已經一歲啦!! 呢一年好忙，但係過得好開心!!
踏入第三年啦，意想不到天父再賜比我地一個小天使，Kori! (雖然佢未出世己經成個頂心杉，頂到我氣都透唔順)我發夢都無唸過自己會三年抱兩!!哈哈~~一家兩口變四口!!! 生活除左忙同開心，我都唸唔到其他野去形容啦!!
雖然我唔係徐子淇，但係我好肯定自己嫁得好!! 我無附屬黑金咭，但係我老公會響我陀BB時幫我做哂D家務(90%都係佢做)，其實未陀B之前都係佢做多!! 放工返屋企
已經好累仲堅持會幫Natto沖涼，等我唔駛o甘辛苦!! 我相信呢樣野李家誠肯定無做(人地有工人嘛，我知oY，但o個份心意已經夠啦)
多謝你包容我呢個十大惡人!!! 特別係今次陀Kori，辛苦你啦!我知我平時已經好難頂，但陀埋Kori簡直係一個萬世long黎+極度難相處o既臭四!忍左快十個月，辛苦哂!!! 生完之後，我會盡量補償你，做你呀四。。。。一陣o甘多啦!!嘻嘻~^^
以後o既日子會好忙好辛苦，不過我地兩個互橕啦!!一齊加油啦!!Fighting!!!!!

今個月係我個結婚週年月! 不過我同Natto爸一早講左週年紀念唔會送禮物比大家，只會出街食餐好，所以呢幾年週年紀念我地都無互送禮物!! 呢個我唔介意，不嬲唔覺得要有咩節日或紀念日先可以送野比對方!
我 老公係一個情趣不合格o既人，呢個我地拍拖時已經知道!  而我其實自問係一個幾有情趣o既人，做人女朋友時都不時有驚喜比我D男朋友!係嫁左人，生左BB之後就懶左，少左攪D花臣野! 我深深明白，一世人流流長，對住自己另一半成世如果要保持大家o既感情係需要用心去經營，唔係過左海就神仙!兩個人o既關係亦係雙向o既，或者我對佢有情 趣D，佢會"學到野" 變得有情趣D(當然係我自己空想) 於是我唸住今年週年紀念攪D花臣，送下禮物比佢，等佢知道我記得呢個重要日子!!(因為上年我唔記得寫咭比佢，佢講到今時今日)
我知道 佢有一樣野，用左好耐已經舊舊地，雖然未壞但都想幫佢換左佢!!上網見到有o岩就買左，唸住週年紀念日比個驚喜佢啦!!!!!!點知我自己大意，唔記得 log out個e-mail，比人睇到我上網買左野(佢堅稱無睇內容，唔知我買左咩，亦唔知係買比佢) 本來大家扮唔知就無事，最多事敗無驚喜je!!點知好衰唔衰，o禽晚食完飯大家講開上網買野(當時有我，Natto爸，我奶奶+我呀媽在場)，我比人話成 日上網買D"唔等洗"o既野!!!此話一出，我已經火火地!!我自問唔係一個亂買名牌，狂買衫褲鞋o既購物狂，頂多有時買野比Natto會癲D，但都係偶 爾一兩次! 再比人話買"唔等洗"野呢個罪名我點都唔服!!於是我問Natto爸，我買過咩唔等洗o既野呢? 此時Natto爸竟然答我"o甘你今日買過咩黎oY??" 我即時火大!!!!咩事呀!!!點解我六點上網買過野，我老公九點已經知道，唔通佢一直check緊我?? 我亦好似記得自己好似唔知淨係買野比佢，仲有買野比Kori! o甘佢到底講緊我買咩野?我個surprise係咪已經事敗呢? 於是大肚婆EQ急降，好嬲o甘追問我老公點知我今日上網買過野，但我老公死人都唔答我點知，知道D咩!! 我當時興過火屎，覺得無哂私癮，好惱氣!!!突然我奶奶仲爆一句"買咩o甘巴閉，駛唔駛o甘神秘唔比人知呀!!!!!"
嘩!!!!呢下簡直係響三級火再潑D油，差D要爆炸!!! o甘我想比驚喜我老公係咪要神秘D呀?唔神秘點叫驚喜呀??
真係好唔鍾意D長輩係唔知頭唔個路時，響人地兩公婆討論/講數時加把咀!!! 每對夫婦都有佢地o既相處方式，大聲討論未必係等於嘈交! 不過既然係長輩，我只會唔
出聲，唔想嘈，但係我係唔認同一D長輩o既做事方式!!!
結果我奶奶講完之後，我唔再出聲! 我覺得自己想為大家關係製造一D情趣，等大家開心下! 既然已經唔開心，個驚喜都唔駛有啦! 我即時Cancel左個Order! 今年我老公無週年紀念禮物!!!
雖然我地即晚返屋企後有討論過件事，雙方都明白大家既唸法，但係亦為今年o既紀念日蒙上污點!!!

Natto爸爸每年都有一兩次出外公幹o既時候，對上一次又遇著我陀Natto!今次陀住Kori，佢又飛左啦! 呢次有少少唔同，因為多左Natto!!!
其實我覺得有時兩公婆分開下都係一件好事! 所謂小別勝新婚嘛，結左婚其實私人空間唔多，加上有埋小朋友，就更加難有時間比兩個人"好好掛住下"對方! 雖然屋
企大小二事都要自己攪掂哂(因為我陀Kori之後好少做家務)，仲要湊Natto，可能會辛苦少少，但我又好接受佢出Trip!(佢又擔心我大肚佢唔響樹會唔會唔好)
呢 排越來越陀得辛苦，唔係腰痛，就成日比Kori頂到甩肺，有時透啖氣都覺得有困難!!! 唔舒服，個人自然燥，可能脾四就差D，加上我老公都係D比較囉唆(即係煩)o既人，有時比佢煩一煩，真係想打人!!! 於是佢出Trip，心唸"正呀!!終於耳仔可以抖幾日!!" 點知佢今朝佢出門時我又好唔捨得佢走!!!唉~你話死唔死!!!
一個禮拜je，我攪得掂o既!!!
Natto爸爸你自己都小心D啦，唔駛掛心我地!!! 我地會好好享受三人世界架啦!! 今個禮拜你唔駛半夜起身暗Natto，好好o訓下覺啦!!

2011告別兩張野生日會大成功!!

逢星期二四都有新鮮海產由日本空運到悶蛋國

 

My Best V-day gift 2011~

我將呢個 love note放左響廚房,臨訓前叫左我老公去廚房幫我拎杯水, o甘就一定睇到啦!! 但係佢居然兩手空空返房,原來搵唔到禮物一!!! 要我明示先知道,真係一個笨爸爸
!!
我成日都覺得我如果係男人,一定會tum到好多女仔,因為我其實係一個細心又浪漫o既人! 我地兩個相處o甘多年中o既驚喜,有85%係我製造o既! 有時唸返起自己製造o既"驚喜"都會覺得自己好得,如果比著係自己收到o個D驚喜,一定會感動到喊!! (呢個時候我老公一定係唸緊"有咩?有o甘犀利咩?",佢係一個善忘o既人,無辦法啦!!) 不過我要認我做左人老婆之後D浪漫野的確少左好多,其實o甘係唔好架,想一段婚姻長久,一定要懂得將愛情保鮮!!好多couple結左婚後就將愛情昇華左 做親情,無哂火花,久而久之就會唔再恩愛,萬一有咩磨擦又唔識溝通的話就好易有婚姻危機架啦!
今年結婚週年唔記得左寫咭又無禮物,比人話我無心肝左好耐呀!於是新年比返個驚喜我老公!!
我地屋企勝在夠大,要收埋D野簡直易如反掌!!遲D等Natto大個d,仲可以同佢玩"僕哩哩"!!!話說我老公最近添置左一部新相機GF1,而佢又講左好耐想買多個鏡頭同埋view-finder!! 順理成章,變左佢既新年禮物!!

我老公鬼馬到無得再鬼馬﹐但我好喜歡佢呢種痴痴地!! 其實有好多變態相想post﹐不過為免被人問刑﹐我只可以post D輕度鬼馬!!

剛剛一起的兩個豆靚 (2003)

我好細個就出黎讀書,已經無同媽媽共住十年有多啦!!我媽媽比較嚴,細個時唔算好百厭o既我都食過唔少滕條炆豬肉!出國後無王管,好彩都無學壞!!
結婚前我仍然過住我想點就點o既生活,呀媽又住得o甘遠,無得管!!點知一結婚後,我人生出現左第二個呀媽,雖然無被滕條炆豬肉,不過屋企突然多左個鵝姐!!  呢個可愛o既鵝姐就係我老公啦!!
通常兩公婆,總有一個比較惡D,大家一睇樣就知邊個係惡野啦!!哈~ 我老公非常識得"遷就"我,我決定左要做o既野,通常佢唔會阻止我(應該話係無得阻止)!! 不過我亦唔能夠下下為所欲為,皆因我真係頂唔順佢成日鵝姐上身,比佢鵝多幾鵝,我就會唔做我本來想做o既野!!
好似年幾前未有Natto時,我好想買一隻手厄,雖然係唔平,但可以用幾次OT錢就買到,不過講左好多年都無買到!我話叫Natto BaBa送,佢話好呀!!等結婚十週年(定廿週年)就送比我!!! 等得黎都蚊訓!!!
之後呢一排我好想買部埃瘋,因為覺得好好玩,又好實用,不過跟台o既手機上網好貴,好似好唔化算,結果又係得個想字!! 其實我大可以硬係要出,不過算啦,而家有Natto,"精打細算"都好應該o既!! 最慘o既係有人公司出埋埃瘋比佢,佢有得用我無得用好慘架嘛!!!
我下年o既新年願望係有部埃瘋用下!! 唉~ 想當年我唔覺意講下想換某部電話,隔幾日就有人送比我啦!!真係今時唔同往日囉............