馬爾代夫之旅係once in a life time點都去一次o既地方﹐因為呢度真係好靚﹐好寧靜﹐好舒適好放鬆o既地方﹐加上地球暖化﹐唔駛好耐馬爾代夫就會被上升o既海水浸沒﹐陸沉啦! 同埋呢個地方係情侶或夫妻勝地﹐好少好少一家大細黎o既﹐趁而家仲係二人行﹐當然要去呢D二人世界o既地方啦!本來以為九月o既馬爾代夫已經過左雨季﹐不 過我地今次都唔係見到太陽伯伯好多時間﹐呢個係一個小小o既遺憾﹐亦係一個好藉口比我地再黎過!!
我地stay呢幾日除左第一日係有猛烈o既太陽之外﹐其餘o既時間都頻頻遇上大雨﹐特別係一早一晚﹐一定落 雨!有時無啦啦又會刮起大風雨﹐天氣好變幻莫測!!亦係因為落雨o既關係﹐海水能見度比較低﹐感覺唔算好好好清﹐不過都仲係藍色!!海面上都幾大浪﹐令我 地無得時常去浮潛!除左天氣之外﹐我覺得我地今次o既Trip真係好圓滿架啦!或者下次我地會等到10月至11月先去~
清晨一個人看雨好浪漫(當時我老公仲同周公打緊機)
obsiuna 發表在 痞客邦 留言(0) 人氣(11)
馬爾代夫其中一個自費活動"local island experience"係去我地resort附近o既一個當地人住o既小島﹐參觀下佢地o既風土文情!馬爾代夫比人感覺好似一個世外桃源﹐高級渡假勝地o 甘﹐但係其實佢地本土人係好樸素﹐生活好簡單!大部份人都係以捕魚為生﹐或者從事同海有關o既工作又或者去resort打工﹐ 而女人就多數留響屋企持家!全個island都係沙灘﹐面積唔大﹐而住o既房屋都好簡舊﹐同D resort比真係形 成一個好大對比!雖然兩個鐘頭就未真正體驗到佢地o既生活﹐不過都大開眼界!
豪華與落後的對比
obsiuna 發表在 痞客邦 留言(0) 人氣(16)
去到o甘陽光與海灘o既地方又點可以抗拒resort o既spa哩!!我地訂房時同佢地講我地係去Honeymoon﹐於是佢地就送30分鐘o既IOV Spa比我地!不過要copy 結婚証書比佢﹐証明你地係一年內結婚(唔係N年前) 除左佢送o既30分鐘spa我地仲book左main island spa!o甘o岩有promotion﹐ 一對couple head to toe o既210分鐘o既spa section特價$300美金!於是加多少少錢放棄左原本book o既150分鐘section!
一入到spa house就有小姐奉上兩杯凍冰冰o既橙汁比我地(不過佢地橙汁同我地平時飲o個D個味有D唔同)!之後將我地之前request o既香薰拎出黎比我地再聞一次﹐confirm我地係咪鍾意!之後就帶我地出去戶外spa房! 一間房有兩張spa床﹐couple一齊就最o岩﹐因係大家要光脫脫一齊沖身架! 服務我地o既小姐都係來自Thailand﹐佢會問係受唔受得力﹐邊個部位想集中按摩多D﹐幾細心! 210分鐘做D咩呢?首時佢會幫你全身磨沙﹐再沖身!之後再幫你焗身(用你選擇o既Body polish﹐好似海底泥etc)焗大半個鐘又再沖身﹐之後就按摩啦﹐大概個零鐘就會幫你護膚做facial!最後所有程序完哂之後就有30分鐘calm time比你食下水果﹐飲下野o甘!
而IOV 30分鐘個SPA就只係按摩﹐但功夫一點都唔馬虎架!
obsiuna 發表在 痞客邦 留言(0) 人氣(24)
去馬爾代夫旅行一定要本住hea o既精神﹐唔好expect每日都有好多活動!!除左水上活動之外﹐其他o既時間都不外乎浮潛﹐行行企企玩自拍o甘!不過我好enjoy 呢幾日o既hea!!正正係繁忙生活無辦法比到你o既精神釋放!即使平時放假都無辦法o甘RELAX!
不過Resort都提供幾樣自費o既活動比大家玩o既!響villa裡面有張activity list﹐有齊每日提供o既活動!大部份都係自費o既﹐除左House reef snorkeling係免費同埋每日都有schedule﹐只不過每日出發時間唔同!Resort會有船帶你去深d o既地方浮潛﹐應該會有多D魚睇!好可惜我地第一日下午唔小心hea左個午睡﹐之後就排唔到schedule去﹐錯過左呢個免費o既活動!不過就算唔 join resort o既snorkeling﹐自己都可以響Villa附近snorkeling!
我地參加左兩個自費活動﹐night fishing($45 USDeach person)同埋local island experience($35each person)Night fishing唔駛講就係帶你出海釣魚!我地去o個日連埋我地只有3pair couples﹐香港﹐大陸同埋韓國couple! 出發時仲熱到死﹐點知一出到海突然有個大storm飄過黎我地附近﹐即時大風大雨又大浪!!開船o既人又唔返轉頭﹐其中一個韓國女仔又係o甘嘔﹐情況非常 危險o甘!後尾船家先駛到另一個比較細雨o既地方﹐叫我地再釣!我心唸一定係如果而家返去就要退錢比我地所以死人都要我地釣埋先!!到最後我地都釣唔到魚 ﹐不過好心o既船家比左一條佢釣到o既魚仔比我地!而我地同船o既一位大陸姨姨居然好彩地釣到兩條大魚!佢地就好啦!
obsiuna 發表在 痞客邦 留言(0) 人氣(41)
其實Angsana Velavaru唔算好大﹐分成兩小島!主島就係Beach villa o既所在地﹐而InOcean villa island就只有IOV啦! IOV係無野玩o既﹐真係只得Villa同一個餐廳﹐所有o既活動都只限響房間進行﹐或者響自己Villa前玩浮潛! 而main island就有water sport centre比你租借水上活動o既用具﹐有一個kid centre比你託兒!不過我只見過主島有一家帶左兩個小朋友﹐iov就一個都無見過! 主島仲有一個Marine centre比人客認識一下馬爾代夫o既海洋生態同埋可以響o個度報潛水Course! 而spa哩﹐兩個島都有!主島o既有室內同室外﹐而IOV 哩就用左其中一間villa作為spa房﹐對住個海做spa! 主島裡面有兩個餐廳﹐一個係主餐廳﹐一般三餐都係響o個度食Buffet﹐而另一個細餐廳就提供自費小食﹐仲有個bar 比係叫酒飲!如果想Keep下fit﹐佢地都有一個gym room提供!響主島o既reception附近有一間房仔比你上網﹐不過只用兩部電腦!而iov係有wi-fi上網﹐不過超超超慢!!!!
上船o既小碼頭
obsiuna 發表在 痞客邦 留言(0) 人氣(55)
Angsana 有full board(三餐)同half board(早餐同晚餐)﹐我記得兩者價錢相差唔遠﹐所以選擇左FB!不過所有飲品都唔包(水都係)﹐一支bottle water係$8美金﹐都幾貴!我有見過有人自己帶野去餐廳飲﹐不過我自已就無試過! 果汁同Smoothie好似都係十鬆d美金﹐好過$8飲水! 但係早餐o既飲唔除外﹐果汁同coffee都係唔駛錢o既!佢地o既cocktail都幾貴(廿幾蚊美金)仲好勁tim~~第一晚飲左杯lychee mango champagne﹐返到房就不醒人事啦!
早餐同午餐都係semi-buffet形式﹐salad同甜品都係buffet形式﹐主餐就有menu o既! 早餐有西式﹐中式同日式三種! 個中式炒麵有D似粉絲﹐粥就有D似潮洲粥﹐不過都唔難食!我地多數食西!而晚餐就食three course(每次都有幾款比你選擇)!! 食完Appetizer之後佢地會比杯sorbet你清下個口先食main course!除左星期二係食地中海式buffet﹐但我個人覺得食course好味d﹐如果唔想食buffet就訂星期三之後啦!
我地大部份時間都留返響IOV島上餐廳用膳﹐因為o個度餐廳少人D(如果只係訂左沙灘屋﹐去IOV食飯要另外加錢) 食物品質都比Main island好好多!整體上我覺得angsana d野食都幾好味!佢地o既牛肉好好味﹐值得推介﹐好嫩好juicy!一定要食!!但係佢地d魚就比較乾﹐可能係grill o既關係啦﹐但pan-fry就ok 架wor!(因為我地條Night fishing魚用pan-fry就唔乾)佢地o既意粉都係比較硬身!
obsiuna 發表在 痞客邦 留言(0) 人氣(78)
由於InOcean Villa係新建o既﹐今年7月先正式比客人入住o既關係﹐房間都係非常之新同整潔!基本上同佢website o既電腦模擬片段係一模一樣!
房間一共兩層﹐一樓係浴室﹐睡房同客廳﹐二樓就係日光浴天台!!有一張唔會曬到太陽o既梳化﹐又有兩張太陽椅!!夜晚響室外望星又得!!
每個房間都有自己獨立o既infinity pool﹐最深處都只不過1.3米﹐唔識游水都唔驚! 泳池最出有張水中Bench﹐可以比你望下馬爾代夫o既海沉思一下!
房間o既水係免費供應o既﹐有普通bottle water同埋sparkling water兩種!而每日黃昏7點resort o既職員都會送小點去你房間!大致上都係唔同款色o既Cookies!
obsiuna 發表在 痞客邦 留言(0) 人氣(42)
Good Morning Darling
********************************9月8日**********************************
第二日六點就要起身﹐食早餐之後就要返馬里機場轉搭水上飛機正式去我地今次旅程o既resort Angsana Velavaru啦!搭左40分鐘水上飛機就到啦!!YEAH!!終於見到我地住o既水上屋!!
obsiuna 發表在 痞客邦 留言(0) 人氣(20)
去完旅行永遠都要執兩樣野﹐行李+相片!!呢兩日執哂行李﹐終於開始慢長o既執相行動! 兩個禮拜﹐五個地方﹐八程飛機﹐幾千張相﹐到底要從何說起!?
********************************9月7日************************************
回港後一日坐星航出發﹐三個半鐘頭後去到星加坡再轉機坐多四個鐘到達馬爾代夫首都馬里(Male) 加埋美國jetlap﹐到步時已經得返半條人命!! 不過不得不讚o既星航﹐佢D飛機餐算係我食過最好食o既﹐仲要有一人一個Haagen-Dazs雪糕做甜品﹐D位幾闊落﹐我個人覺得好過Cathay Pacific!!(去馬爾代夫唔係搭星航響星加坡轉機就係搭馬來西亞航空去馬拉轉機﹐當然星航比較舒服﹐不過就貴少少!)
基本上去馬爾代夫係唔駛帶太多衫﹐日用品resort都有齊﹐最緊要帶足夠o既太陽油﹐或者帶少少乾糧以備肚餓時但又唔想捱resort貴野食時用!
obsiuna 發表在 痞客邦 留言(0) 人氣(26)
渡過左五天日食六餐o既生活後﹐我地o既暴飲暴食團終於去到尾聲啦!明天出發去台灣又係食到飛起!呢次我肯定食肥一個碼!!
旅行有時比返工仲要忙﹐每日早出晚歸﹐忙到連響屋企食飯o既時間都無﹐下次我定要留耐D﹐食下屋企飯!!
我o既遊記相信只能留待返去美國先update啦!
obsiuna 發表在 痞客邦 留言(0) 人氣(9)
環遊世界 (16)