小娜執媽的部落格

Kori@37weeks

同個一歲大o既小朋友影相真係要好有耐性同計仔，因為佢係唔會聽你支笛!!幾經辛苦，Natto終於摸下我個肚，但唔知點解又要摸埋個胸!

我講極我老公都話picture唔到張Ultrasound相，激死!!!其實都好容易睇je!!左上角一pat野就係我胎盤，右面一pat白色野就係KORI面珠(佢係面向左面) 黑色一
點係眼仔。再過左面少少就係鼻同口仲有下巴~
 

仲有兩個禮拜我就開始放產假啦!!!呢次懷孕，除左無上一胎嘔o甘多之外，兩個字形容:辛苦!!!!!!!
我覺得自己好似一隻企鵝，行路論論盡盡!! 腰痛到o訓覺轉唔到身，要猛住床板先轉到身!!有時起身/轉身時痛到好似骨撞骨，最勁試過痛到腳軟差D跌親!! Kori 比Natto活
潑好多，每日不停地郁呀郁，頂呀頂，頂到我有時透氣都覺得有困難! 我好高興佢o甘活潑因為代表佢好健康，但係有時真係好辛苦，好似長時間馬拉松賽跑緊o甘，喘
哂氣!!o禽晚我仲抽筋痛醒，真係覺得由頭到腳都唔舒服!!
其實我應該好好珍惜呢個最後陀B o既旅程，因為之後收左(肚)皮，唔會再有機會再feel到胎動o既奇妙，到時我又會好懷念!但係我真係覺得唔舒服多過enjoy，有少少產前抑鬱o甘滯!!
希望放假之後會好少少!

等照期間，Natto不停地表演行路^_^

我唔比你影!!

一個被個女玩弄o既媽媽
 
又提早作動
我好肯定Natto同Kori一定係兩兄妹(??) 因為佢兩個要佢媽媽響同一時間(週數)捱打幾支針!!!!
我又作早產啦!!
不過今次無上次陀Natto時作早產o甘痛，不過一樣要打針食葯入醫院!!!
Kori出黎一定要被重打屁股!!!
今次休息三個禮拜!!

我o既終極懷孕之旅剛剛已經過左一半啦，仲有五個月我就正式收爐啦喂!
人地話陀女同陀仔會有唔同，其實我覺得應該o甘講，陀每個BB都係唔同o既，因為每次懷孕都係獨特o既，唔可以話陀仔就一定o甘o甘o甘，陀女又會o甘o甘o甘!!不過老實講，今次陀Kori同陀Natto的確好唔同，總括黎講係陀Kori比較辛苦(到目前為止)
胃 口方面: 我自己覺得差不多，不過我老公話我陀Kori好胃口過Natto，而家成日話我大食! 基本上陀Natto時係嘔得勁D，好似嘔到四個月，不過就唔算好勁嘔o個隻，都食到下野，而且特別鍾意食辣野同快餐(漢堡包薯條)!!而Kori就好似無 咩嘔過，只係脹胃無胃口! 到三個多月就回復正常!!今次比較鍾意食甜野，我前兩日一日內食左兩次刨冰!!! 但兩次都一樣唔鍾意食住家飯(三食送一湯o個D)
皮 膚方面: 如果人地話陀女會令媽媽變靚o既話，我就係完全相反啦!!我陀atto時皮光肉滑，連暗瘡都少之少，仲成日紅粉菲菲(我覺得啦) !!D皮膚真係好過未陀之前!! 相反今次就慘啦，成日皮膚敏感出粒粒，仲要好乾，成個人都好dry!! 可能我體內男性hormone比女性hormone多，所以同Natto夾D!!!嘩哈哈~~
脾氣方面: 我老公覺得無任何分別，陀前陀後都係一名臭四!! 哈哈~我就明顯覺得陀Natto心情脾氣都比Kori好! 今胎脾氣真係變幻莫測，雖未至於生人勿近，但比起上次心境平靜，與世無爭就差好遠!今胎少少野都可以觸怒我神經!!
體形方面: 暫時都覺得差不多，外觀上都無太大分別，亦無重多重少! 不過個肚的確比陀Natto時橫!
胎動方面: Natto18週Kori15週! Natto當時係夜晚十點零鐘郁得最勁，果然出世後都係夜晚十點零鐘就進入瘋顛狀態，勁hyper!! Kori暫時未有等別pattern!!
腰痛情況: 陀Natto係過左20週後先開始有腰痛，到28週後先轉身有困難!!今胎就慘啦，三個月就開始痛!!響盆骨對下，有時坐得耐，o訓得耐，一郁簡直好似比萬支針拮甘，有時仲會痛到要等幾秒先行郁得!! 轉身更加一早就有困難，痛X10000000!!
緊張程度:還記得陀Natto o既初期成日都好驚佢有問題長唔大次類o既傻野，今次真係少好多呢D憂慮，可能有一次經驗個人淡定D，加上忙湊仔都無時間唸D無謂野!!
講真，我幾享受大肚過程，雖然辛苦但實在覺得有個人仔響自己肚入面在係太奇妙!! 如果唔駛教唔改養，我唸我會再生!! 嘩哈哈~
希望Kori同Natto一樣，唔駛媽媽痛o甘多就出黎啦!!不過我有預感，Kori係個辣妹，一定唔會比我o甘C服!!!

 
 
上次見OB時，醫生話我重得少(總共只係重左2磅)!!! 我幾驚Kori會好細隻!今日照時，同Natto18週時一樣都係9安士!! 今次重磅D啦，114磅，即係重左7磅!唯有努力增肥! Kori怕醜妹，全程扒低/打側見唔到成正面!!無上次Natto照得甘清楚~不過一切正常，連上次照時有輕微胎盤前致都無左啦!!
今日照左4D，已經確定我日後要洗好多錢去買BB衫lu!!!因為Kori 係女仔，大把得意靚衫買啦!!( Natto BaBa見到唔駛驚，我都係講下je )
我亦正式宣佈今胎後，我將會收爐啦!!! 六個月後我要積極修身啦!!(但仲要餵人奶bor。。。)
一仔一女，完滿啦!!我亦非常感恩，因為我心裡面一直想有個哥哥帶住個妹，同埋
三十歲前生夠兩個就收工，一切都實現了!!! 只要佢地兩個健健康康成長，我咩都心滿以足啦!!!
大家如果有平賣o既BB女衫websites，記得通知聲!!
Kori妹妹~~一月見啦!!

多謝大家o既祝福!!!
Natto 仲細，未知道自己就黎做大佬啦!!哈哈~ 而Kori o既性別要下月底才會知道!!我自己真係仔女都無所謂!未有第二胎之前係想有一仔一女,balance D! 我老公就想要多個仔，因為佢話屋企太多女人，生多個仔又可以執哂Natto o既二灘，慳返好多!!! 不過自有左Kori之後，心態有變，覺得每個小孩都係天賜o既禮物，就算係仔係女，都一樣o甘寶貝!  雖然係早左少少，面對照顧Natto +一個初生B應該會係一個大挑戰，但我相信我地係可以應付到的!!
陀 Kori同陀Natto好唔同， 好多野都相反!!心情差左，皮膚差左，唔舒服又多左!! 人地話o甘唔同可能生女bor!! 其實每次懷孕都係獨立例子，無得估! 不過今次好早就己經見肚，二個半月就見哂!! 每次食完飯仲誇張，好似五六個月o甘!! 三個月前出街成日都要縮肚，驚人地問我我又唔答得!!
今次我都係會想順產，除非唔許何先會唸開刀!!做我地呢行，見得開刀後遺症多! 上個禮拜，我去開刀，一個第二胎(上胎都係開刀)媽媽入黎預約開刀，一開個肚，嘩!!!嚇死!未切開子宮個羊膜就己經爆左出子宮外!!即係話如果呢個媽咪 一作動，子宮收縮幾下個子宮分分鐘爆開，到時母子都可能不保!!都係第二次開刀jar，問你驚未? 我真係好擔除子淇再生又開刀真係好危險!!唉~無計!而家太多名星去開刀，攪到D人覺得開刀係比高尚，比較高級!! 你問我，我幾時都話順產好架啦!!
Natto最近都算非常合作，食野有進步! 只係訓覺要人tum下先肯o訓! Natto爸爸亦係一個好幫手，響屋企我雖然未至於好似以前o甘做女皇，但都唔駛做女傭，都算係o甘架啦!!嘻~~

Baby Kori @12weeks
 
Natto: 好野!!!以後有人比我蝦lu

如果一日有四十八小時,如果我有三對手四對腳五對眼,我先可以做哂每一日我想做/要做o既事!!
有太多Blog未寫,家務永遠都做唔哂,我想睇既劇集又係永遠睇唔哂,仲有要plan今年大旅行o既北海道行程,仲有想上網買野............點解o甘多野做架???
多 謝大家關心~我的MaMa Power令我閃電好返哂啦~~而Natto呢兩日飲奶亦大有進步不再抗拒,而且飲多過以前!!平圴都可以飲到六安!! 我而家每日比兩餐Formula,其餘都係飲返媽媽奶,一來我唔會太辛苦變石頭胸或塞胸,二來Natto腸胃亦都要D時間適應下!!!
講返我今日想講o既野!! 產後修身/減肥問題!!
我 雖然無李嘉欣o甘得天獨厚,兩個禮拜就回復產前體重!!不過我早在Natto兩個幾個月時已經回到陀仔之前o既重量!!而家Natto快六個月啦,可喜可 賀o既係我輕過未陀仔tim!! 100磅啦!! 我未陀Natto時係105磅o既!懷孕期間重左25磅!! 你問我有咩心得?有無減肥餐單?無wor!!!我只可以話你知 Breastfeeding rocks!!!!!我覺得全因我餵左五個幾月無間斷媽媽奶先有o甘o既成積,所以大家一定要盡力餵媽媽奶呀!!媽媽同BB一樣受惠!!
不 過雖則體重輕左,但硬係覺得自己大隻左!!!個肚皮仲鬆鬆地,我有唸過買野收緊下個肚皮,但一唸到如果我再生,緊完又鬆過貪過癮咩!!! 最奇怪o既係我生完Natto後唔知痴左咩筋,好鍾意食澱粉質o既野,湯丸,麵,飯,麵包以前我都麻麻o既野,突然好鍾意食,仲愛上左食甜品,以前都鍾意 食架啦,而家食完飯唔食硬係周身唔自在~~所以響完全唔做運動又變得大食左o既情況下回到做女時既體重,唔歸功餵媽媽奶唔通係我天生麗質咩!!??
支持媽媽奶!!!個個媽媽產後修身成功~