小娜執媽的部落格

最近Kori身體好弱，前兩禮拜先肺炎發燒，今個禮拜又尿道炎!! 呢排好多人病，天氣又唔太好，大家要保重身體，健健康康過年!!
今日睇報紙時見到，覺得好有參考性，同大家分享一下!!
 
開刀生B　易宮外孕

http://doulamomma.wordpress.com/2009/06/10/optimal-fetal-positioning-for-a-better-birth/
KORI就係左上角既OP BB啦
 

 
自從生左Natto後，我個OB小百科好似棄置左，好耐都無新貢獻啦!!  湊仔真係一份24/7 o既Full-time job!!其實有好多OB topics想講，不過又想記多D Natto成長日誌!!
不 如等我講下上回我去睇完OB後被嚇一跳，因為醫生話我有胎盤前置o既事! 其實都唔係第一次話我有，因為12週時照頸皮時，產前專科醫生(perinatologist)己經照到我有少少胎盤前置，不過今次我自己OB照仲話我個 胎盤越生越低，"Com"住左個子宮頸tim! 但萬幸我18週照結構時，產前專科醫生又話無事啦!!大家係咪聽到頭暈暈呢?哈哈~
其 實胎盤前置(Placenta previa)即係胎盤生得低，低到痴住子宮頸，或者蓋過子宮頸! 正常胎盤應該生響子宮o既上方，掂到子宮頸，或者生得太近子宮頸都係唔正常!! 因為子宮頸係BB出世o既必經地，如果胎盤生響個度，就會阻住BB出世，同時胎盤係一個充滿血管而且非常敏感o既器官，只要少少衝激就好容易導致出血，所 以通常胎盤前置o既媽媽都要開刀生產以減少生產時大出血o既危險!
而胎盤前置大概分為三種: Complete previa， Marginal/Partial previa， 同埋Low-lying previa!!
Complete previa就係胎盤完全蓋過子宮頸，係最危險最容易出血o既一種，一定要開刀生產!Marginal/partia previa就即係胎盤掂到少少子宮頸，無Complete o甘危險但都要開刀!Low-lying previa就係胎盤生得太近子宮頸，雖未至於掂到，但當生產時子宮頸張開就有機會觸及胎盤!! 同樣地逃不過要開刀!!!
嘩!!!o甘 我係咪要開刀啦?? 其實懷孕初期照到有胎盤前置係唔駛太擔心o既~~因為胎盤會隨住子宮生長膨脹而移位，情況就好似你放粒糖仔入個汽球裡面，當你吹脹汽球時，粒糖係會移位一 樣!! 要差不多Second trimester後期都仍然仲照到有胎盤前置先可以叫做真正o既胎盤前置!!!
咩人會容易有胎盤前置呢?
上一胎試過有胎盤前置o既，曾經開刀生過o既，食煙o既，做過子宮手術o既，懷有孖胎o既媽媽都比較易有胎盤前置!!
萬一真係有胎盤前置既點算呀?
無點算架啦，開刀囉!!! 不過要特別小心唔好操勞，以致刺激到胎盤導致出血!! 爸爸媽媽要禁慾直至BB出世啦! 萬一作早產或者大吉利是要入院，記得話比姑娘聽你有胎盤前置，等佢地唔好做內陰檢查(vaginal exam)，因為內陰檢查都有可能導致出血!!
而胎盤前置o既媽媽產後都要特別留意產後出血o既情況，因為由於胎盤生得低，當胎盤產出之後，原本痴住胎盤o既位置就好似一個傷口o甘會流血，產後子宮係透過本身o既肌肉收縮去止血，但子宮低部o既肌肉無子宮其他地方o甘好o既收縮能力，所以比較易出血!
希望我個胎盤仔生生性性，唔好再"移民"去我子宮頸啦!!我唔想開刀呀!!!

今個三月有好多朋友仔會生兔B啦~ 今年兔B特別旺~
生 過BBo既媽媽唔知仲記唔記得大概35-37週期間,醫生會幫你響肛門同陰道拎D組織去化驗!! 其實係想驗下媽媽係咪B型鏈球菌o既帶菌者!! 嘩~帶菌者?係咪D咩唔好oo既病,係咪性病?? 大家準媽媽唔駛o甘擔心住,其實B型鏈球菌係一種好普遍生長響肛門同陰道o既細菌!!大概有25%既女人都係B型鏈球菌既帶菌者! 而B型鏈球菌係唔會傳染o既,亦唔係性病,唔係因為生活唔檢點要得黎o既!大部份既帶菌者都無病徵,如果唔係懷孕時染,可能根本唔知自己有呢隻菌 tim!
不過B型鏈球菌有機會響生產過程中傳到比BB,雖然機會大概只有2000分之1,但係如果BB不幸染到,好可能影響到佢地腸胃仔,腎仔仲有機會有呼吸障礙,或者腦膜炎,所以萬一"領"野都幾手尾長!!
萬 一媽媽染出係帶菌,醫生就會響媽媽臨盆時落IV抗生素,直至BB出世為止!! 通常劑量都好輕唔會點影響到BB既!! 有時我有D快生媽(一入黎唔駛一個鐘就生左)佢地都係帶菌者,但因為生得太快,打唔切葯,o甘點算?據統計帶菌者媽媽o既BB如果生產時唔打抗素都唔係個 個會"領"野,大概200分之一o既BB會中招+發病! 所以都係睇彩數,唔醫又未必會有事o既!不過穩陣D, 如果知道自己係帶菌者既媽媽就唔好等到最尾一分鐘先去醫院啦!!
o甘如果開刀又點呢? 響悶蛋國多數開刀生o既媽媽就算係B型鏈球菌既帶菌者都未必要吊抗生素,因為開刀BB唔會經過陰道嘛!但係醫生響開刀手術時會吊另外一種抗生素,作用係預防傷口感染!!
響呢度我祝三月出世o既兔B個個都平安來臨,健健康康~

全人奶o既我﹐滿心歡喜以為M小姐有排都未返黎﹐年中可以慳返唔少M巾錢﹐點知產後第九個禮拜﹐佢掛住得我太緊要﹐返左黎啦!!!!!
餵 人奶之所以無月經係因為BB吸啜時會令腦下垂體分泌催乳素製造乳汁﹐而催乳素本身係有仰制排卵既功能﹐一日唔排卵一日都唔會有月經﹐同時亦係一個自然避孕 法!! 避孕效果有98%!! 不過仲有2%可能會餵緊人奶都懷孕﹐正如有人結紮後仍然中獎﹐呢個世界無野係絕對o既~
我亦攪唔清楚身體裡面o既hormones狀況啦﹐總之而家M小姐黎左﹐即係話我子宮正式復工﹐排返卵﹐即係話我有本錢三年抱兩!!!(當我比我老公激親時﹐我對呢個可能性有極大極大o既保留)
唉.............等我仲以為至少餵緊奶會有一排Care-free o既日子!! 但一般黎講﹐餵人奶時係唔會有月經﹐有D人仲好彩到生完之後兩年都唔黎﹐但有D人就餵緊都黎返!!(即係我)
M小姐回歸與否﹐一切就睇你D hormones造化啦

惡露(LOCHIA) 係產後正常出血,有D似月經,排出黎o既包括血液,胎盤組織,同埋子宮內膜等~ 正常情況下,惡露會由產後維持2-6個禮拜!!惡露會由鮮紅色,慢慢變成粉紅色再到淺啡色!如果無臭味,量唔係太多(一個鐘濕哂一條M巾)或者無大血塊都唔需要擔心!
餵 人奶o既媽媽o既惡露期可能會比餵奶粉既媽媽長D,因為餵人奶時,子宮會收縮,令到惡露排得清D! 餵奶粉o既媽媽一般會響產後6個禮拜開始恢復正常月經週期,而大部份o既人奶媽就會停經直至唔餵人奶為止! 所以人地話餵人奶係天然避孕!!響大部份o既情況下,無錯!!餵人奶的確令身體唔排卵,所以達至避孕功效,不過凡事無絕對!有少數人奶媽亦會響餵奶期間排 卵,一個唔覺意仲話o甘快有第二胎tim!正如避孕葯都有1-2% Fail啦!!呢個世界係無絕對o既~所以唔想o甘快又第二胎,無論餵唔餵人奶,都要避一避呀!!
而我暫時都仲係人奶媽, 一心以為有排唔駛買M巾啦!惡露去到五個禮拜時停左,以為完哂,點知過幾日又再黎返,仲要量都唔少!!我百思不得其解,以前讀書時都無講過話惡露都延續架 wor,於是我上網check!原來有樣野叫sixth week bleed , 係指惡露停左之後再黎返,好多人奶媽都有呢個問題,有D斷斷續續成十幾個禮拜!! 不過呢個情況係正常o既, 聽講話有sizth week bleed o既媽媽會快D排返卵wor,唔知係咪真啦!
其實又唔痛又無唔舒服,只不過成日要用M巾麻煩D je~~

三十五週啦!!!Natto 漸漸進入安全期啦!! 過多兩個禮拜就足月啦,YEAH!!!
穿 羊水可以係自己穿Spontaneous Rupture of Membranes(SROM),亦可以係臨盆時醫生幫你穿Artificial rupture of  membranes(AROM)! 12% o既媽媽會響作動前穿水,其餘o既都會作動時穿,或者生都未穿,o甘就要勞煩醫生幫手穿啦!!
如果BB係足月B,穿水當然唔係問題啦,不 過係身體話你知BB要黎啦,快D食D野就好去入院啦!!我地係唔建議媽媽穿水後沖涼,因為有可能會令BB受到感染! 其實羊膜係用黎保護BB受外界細菌接觸,如果穿左,BB就失去左保護網,容易受感染,所以足月B響穿水後最好24-48小時內出世,因為越留得耐就會增加 感染機會!!穿水後通常身體會分泌催生hormone,叫子宮收縮,等BB快D出世!但唔係個個媽媽穿水後都會作動架, 有D人完全無動靜一D都唔痛,通常醫生都會開催生葯打入IV裡面,原理都係一樣,想BB快D出黎!
而早產B穿水就麻煩D啦! 如果係非常早產(<30週),BB 早產出黎會有好多問題,又要住好耐院,o甘醫生就會要媽媽留院,每日打抗生素,通常打兩個禮拜,定時驗血睇下有無感染o既危險!拖得幾耐得幾耐,因為BB 響媽媽肚裡面一定好過早產出黎,如果無發炎,BB多數都可以捱多幾個禮拜或者個零兩個月等到比較大週數先出世! 媽媽就慘D,因為要完全訓床,留院到生為止!! 我有病人響醫院住足兩三個月先生,人都顛,不過為左BB著想無計啦!!
好多媽媽都唔知自 己係咪真係穿左水!!!有D媽媽可能只係滴滴仔,有D就好似山洪暴發o甘! 羊水o既味道我聞得多啦,我如果真係穿水,我一定聞得出!! 羊水既味道係腥o既,有D似魚腥味+漂白水味!!同尿味有好大分別~ 顏色方面通常係透明白色,或者少少乳白色,亦都有可能係綠綠地色!!如果媽媽見到綠色o既水流出後, 多數都係穿左水,而且BB仲響肚裡面痌左臭臭TIM!!! 見到綠色水o既媽媽就好拿拿臨入院,因為BB有機會"食左屎"令到佢透唔到氣,心跳唔正常,所以一定要盡快入院check住BB心跳!!
如果到臨生都未穿水,醫生就會用個小勾拮穿羊膜,因為羊膜唔穿BB係好難出黎架! 有D媽媽可能作動左好多,子宮頸都仲係開得好慢,醫生亦會人工穿水,希望子宮收縮得勁D,快D生! 人工穿水基本上係唔會特別痛,痛都係醫生檢查時整到痛!

自從提早放產假後,好似無咩再講過產房野! 早兩日睇到一個媽咪o既生產日記,令我有感而發!原來好多媽媽都好怕/好憎比醫生/護士內診(檢查子宮頸開左幾多)! 話痛到想打人,哈哈~~
o甘到底D護士/醫生伸隻手入去係摸咩呢? 點解會知開左幾多呢?
我記得我初入行時對內診都摸不著頭腦!只記第一次幫病人檢查時伸手入摸到o既只係一pat肉,邊度係子宮頸都未肯定! 內診呢家野真係要靠經驗,摸得多就自然會掌握到!!
其 實子宮係好似一個倒轉o既沙田柚o甘,個柚頂就係子宮頸啦!想像一下響沙田柚個頂挖少少窿,穿過子宮頸就會到子宮,即係BBo既大宅! 響臨盆時,身體會分泌hormone (oxytocin)令子宮regular o甘收縮,呢D收縮會令本來又硬又長o既子宮頸變薄同縮短!  大家再想像下一個未開o既子宮頸就好似你"Do"長個咀,而一個全開o既子宮頸就好似你張大個咀大笑o甘!! 好抽象架!! 有D新仔護士唔識摸,有時會將全開o既子宮頸當做無開,結果醫生趕唔切黎就生左!好彩我都未試過o甘烏龍!基本上內診係用食指同中指檢查!如果一隻手指督 到入子宮頸就即係開左1cm! 兩隻手指可以打開到盡就係5-6cm! 如果己經摸唔到子宮頸就係全開10cm可以生得啦!
至 於點解內診會o甘痛?其實如果你醫生溫柔D,唔係一野就伸入去摷野o甘,應該唔會太痛o既!除非你天生子宮頸勁高,BB頭仔未落黎,或者陰道超窄,o甘我 地就要用D力伸入D檢查啦! 有時真係伸哂成半隻手都摸唔到子宮頸!通常肥媽媽比較難檢查,可能肉比較多,"阻滯"會多D! 不過媽媽心理作用都好大影響,太驚太唔放鬆我地都好難摸到子宮頸,一摸唔到就要再伸入D,一定會痛D! 好多媽媽緊張得滯,好鍾意一檢查就夾實隻腳,o甘其實係好難檢查架!有D直頭手都未伸入去,掂到外陰已經叫定先!
教教大家一個方法啦! 內診前,將兩隻腳屈起,好似青蛙腳o甘,然後放鬆雙腳,let them fall 到真係檢查時深呼吸,包保無o甘痛!上次作早產時,醫生都有幫我檢查,係唔舒服架啦!不過你越反抗就會越痛!! 萬試萬靈!!
同 埋平時我地係好少無拿拿檢查你子宮頸!通常係入院時,穿水後,BB心跳有變或者係生得o個陣先會檢查!!好多媽媽成日好心急想知自己開左幾多,幾時生得, 成日問住護士幾時會再檢查!其實檢查得多都唔係o甘好,因為會容易引起發炎,特別係穿水之後,如無必要我地都唔會檢查架!因為包住BB既羊膜已經穿左啦, 即係話外面o既細菌會好容易感染到BB! 之所以點解穿左水之後24個鐘頭就要生,係因為唔想BB受到感染!
希望各位準媽媽都會遇到個"溫柔"o既醫生/護士啦!

多謝各位blog友仔對我o既關心!抖左幾日﹐過左一個非常之悶o既 stay home long weekend之後﹐我已經無再見紅!而Natto亦用行動証明比我知佢好健康﹐因為佢每日都橕到我肋骨都幾乎彎埋!!
星期六我去左做血糖測試(glucose tolerance test GTT)﹐俗稱"飲糖水"! 呢個test係用黎check下你有無患上妊娠糖尿病o既可能! 2-5% o既準媽媽都有機會患上妊娠糖尿﹐詳情可考慮我之前呢篇blog!
http://hk.myblog.yahoo.com/OB-siuna/article?mid=2136
飲 糖水會響24-28週時進行﹐臨test之前o個日過左12點後就唔可以食野﹐不過飲水就無問題!去到clinic後姑娘就會比支類似芬達o甘o既糖水你 飲﹐但係唔好飲得太快﹐五分鐘o甘上下o既速度啦! 味道似無左氣o既芬達﹐又唔算太難飲!飲完之後一個鐘抽血(唔好遲到呀﹐會影響結果) 等候o既期間千其千其唔可以食野﹐如果唔係出黎o既結果高左就要再做多次test!不過今次係做三個鐘頭﹐唔好以為三個鐘可以去行陣街﹐因為要每個鐘抽一 人次血﹐即係要響clinic呆等三粒鐘﹐到時人都顛!!
響悶蛋國正常o既GTT 係唔超過140mg/dL﹐超左標就要做三個鐘地獄呆等test﹐如果再唔合格先叫做有妊娠糖尿病!輕微o既就用飲食控制﹐嚴重o既就可能要食葯或者打insulin啦!
我都算係一個幾鍾意食甜o既人﹐希望今次生生性性比我合格!!!

最近睇新聞知道浸會醫院有個大陸孕婦開刀生B之後大量出血>10000cc﹐最後都係失血過多救唔返!!其實 而家科技發達﹐生仔已經無以前o甘危險架啦!孕婦死亡更係少之有少﹐其實好多時候有D危險野係孕婦自己製造比自己o既!好似胎盤植入o甘﹐最大o既成因係 因為曾經開過刀﹐子宮有舊傷口令到下一次懷孕時﹐新o既胎盤有機會植入去舊有開刀o既子宮位﹐令到胎盤有可能唔正常地生得"太入肉"﹐令到生產之後胎盤難 以同子宮分離﹐造成大出血!!

以前開刀生BB係情非得意o既事﹐而家好多人(包括好多名人明星) 因為種種原因﹐例如怕痛﹐想快靚正﹐覺得開刀安全D﹐可以選擇時辰比BB出世﹐更離譜o既係驚順產會影響陰道彈性影響日後性生活驚老公唔鍾 意........等等!! 於是開得一次就有第二次﹐間接增加左生產時候o既風險!! 而家D醫生都係一樣﹐鍾意收開刀多過收順產症﹐因為賺得多﹐又唔駛響醫院等D產婦生仔﹐唔駛成日on call影響生活!
以前開刀唔開刀邊有得產婦自己選擇架﹐唔係有必要都唔會開刀架嘛!!唉.....而家開刀同順產o既比率已經去到60/40啦﹐幾恐佈!!