小娜執媽的部落格

瑞士代表:

 
呢支Patpat膏係上次返香港時，Swiss Kiss Lab 寄比我地試用既!! 上個禮拜Natto病到一日肚痾幾次，痾到Patpat紅哂，仲痛到要打側身坐呀陰公，用左呢支Patpat膏幾日就無甘紅同痛啦!!
http://www.swisskisslab.com/pdetails.php?cid=1&pid=2

第一位幸運兒Kori小姐~~

你睇佢幾happy~

最近有親戚特地響香港黎探我地一家幾口，要做導遊，又要湊仔，忙到無時間update! 我地仲勁到湊住兩隻B上左 Las Vegas玩!!第一次湊兩個小鬼去遠行，五個大人先剛剛好湊得掂兩隻野!  一個初生B+一個歲幾B真係可以消耗好多體力同時間!!
未 生BB之前，我地兩口子去Vegas主要都係食野為主! 但係而家帶住佢地兩個，又要換片，又要餵奶，又有d地方唔方便帶小朋友去，所以今次我地都無緣周圍去食啦! 有時候我會唸，如果仲係兩條友真係會自由好多，去邊度,時間方面都有預算好多，鍾意去邊都得，去到幾夜都無所謂!有一刻真係希望回到過去未生時!! 
不過最近響網上睇到一篇文章後，好有感觸，真係想佢地兩個停留響小朋友階段，永遠唔好長
大，甘就唔會離開我地! 不過孩子長大後離開屋企獨立生活係天經地義既事，我始終都要接受現實!所以我成日同我老公講，我地一定要相親相愛，因為老左之後d仔女大左離開屋企就得返我可以陪佢!
睇完呢篇文章後個晚，我起身餵kori夜奶時即刻積極到覺得可以餵夜奶係一件幸福既事，因為又可以對佢耐d啦!
我們能擁有孩子多少年？

3歲，他去上幼兒園了，看著他小小的堅強的背影，心中又喜悅又有點小小的心酸。離別了一整天，孩子看到你高興得奔跑過來，撲在你的懷裡。跟你說：媽媽，我想你了。那一刻，抱著孩子就像抱著了整個世界。
6 歲，他上小學了，孩子終於走進校門，這是多麼值得紀念的事情，孩子的人生從此翻開了新的篇章，卻沒想到，這也是孩子離開我們的第一步。他已經對與你分開一 天習以為常了，而且他喜歡每天去學校，這是他更喜歡的生活。甚至，他有時還會說：媽媽，在家好無聊，沒有小朋友和我玩。


12歲，他上初中了，甚至有的開始上寄宿學校，一個月或者幾個月回一次家，見上一次面。他們開始不再依賴你，甚至，他們喜歡和你對著幹。你想幫他們做點事情，他們說:媽媽，我自己來吧。突然覺得這句話讓我們覺得好失落，孩子是不是不再需要我們了？
大學畢業後，孩子留在了遠方工作，一年也難的回來一次了。好不容易回來一趟，幾天就走了。你最盼望的就是孩子的電話，希望，孩子對你說一聲：媽媽，我很好，你保重身體。這樣就足夠了。
 
孩子結婚了，回家的時間有一半勻給了你的親家，孩子回來的更少了。你已經習慣就老兩口在家了，但是，你最希望聽到孩子對你說：媽媽，今年過年我回家過啊！
 
當孩子又有了他們自己的孩子，你已經不再是他們的家庭成員了， 他們的一家三口（或一家n口）裡，已經不包括你們了。而我們。 。 。也慢慢的習慣了這樣的日子。
只是習慣在閒來無事的時候，經常翻翻相冊，看看我們自己的一家三口，無論孩子身在何方，他卻永遠是我們家庭中無可取代的一員。 是啊，其實當孩子在身邊的日子，我們是多麼幸福。可是有時我們卻還會抱怨。
抱怨因為他，你做了太多的犧牲。
抱怨他晚上老醒來，讓你睡不好，
抱怨他無理取鬧，抱怨他愛撒嬌長不大，
抱怨他生病，讓你操碎了心，
抱怨為了培養他，花費了太多的精力與金錢... 可是，如果你想想，10多年後，就算你想要，也沒有機會了。
孩子會不停的長大，過了這個時期他就再沒有這個時期的習性。 你是不是常常在他斷奶後懷念餵他吃奶的日子，可是那時你卻覺得好累好辛苦好厭倦。是不是常常看他以前吃手的照片覺得好可愛，可是你曾經卻為要不停的給他洗手而煩惱透了。
是不是當孩子去上學後你特別懷念他黏在你身邊的日子，可是以前你卻總在想他要什麼時候才能去上學啊。 。 。
時間無法倒流，過去了就只能永遠過去了。孩子能呆在身邊的日子是多麼難得與寶貴。因為這一點，我更加的珍惜與孩子相處的每一刻，也讓我無論遇到什麼，都心存感恩。
謝謝上天給我這麼一個孩子，讓我分享與見證他成長的每一刻。無論帶給我多少困難，煩惱，甚至挫敗，無論讓我失去多少睡眠，時間，金錢，精力，我仍然豁達，因為，這都是上天的恩賜。
 
當他在身邊的每一天，我都會讓他覺得幸福，也是讓我們都有一個美好的回憶。我不會給他太多壓力，束縛，更不會給他牽絆，阻擾，但是我會適時管教，也會做量力而行的投資， 因為我有責任與義務教會他生活的本領，好讓他來日自由快樂的飛翔。
同時，我也會告訴他，就算所有的路都行不通時，還有一條路你可以暢行，那就是回家的路…

 
我病鳥。。。。。
應該話係我地全家病鳥!!!!
上個感恩節禮拜，NATTO開始打黑痴同流鼻涕，我都知佢就病架啦! 正當我同自己講"其實我都好耐無病過啦，抵抗力都幾好wor"， 說時遲那時快我就中招啦!!!
小朋友o既病菌係好毒o既!!仲記得以前實習兒科時，第一個星期已經病左，仲要足足病左兩個幾禮拜，唔係普通傷風咳o甘簡單，係成個人病到無力!!
今 次我好肯定係比NATTO傳染o既! 因為我一中招佢就好返好多，仲精精神神周圍玩!! 平時作病起碼兩三日先發作!今次呢隻納豆菌好勁，呢頭覺得喉嚨怪怪，o個晚就即時流鼻水+勁勁勁喉嚨痛!!!!! 仲要有黃綠色o既痰，本來唔想睇醫生既我都焗住要睇醫生食抗生素!!(一般喉嚨痛如果無痰，或者D痰無色就係由病毒引起，無葯食o既，要靠飲大量水同休息 等自己好返，但如果D痰係綠色黃色即係由細菌感染，就可以食抗生素打死D菌)
我醫生仲開左止鼻水同叫我返屋企食咳水，點知我去拎葯時個葯 劑師指住隻收鼻水葯同我講，話大肚婆最好唔好食!!!!???o 下??o甘我醫生係咪即係老點我?返到屋企CHECK CHECK D止咳葯，又係大肚最好唔好食??????即係我除左抗生素，咩鬼都唔食得!!!唉~~ 都好!!起碼喉嚨唔痛，係勁咳同鼻塞!!!
咦~點解我明明想講猴棗末，又變左講呢D o既??你話大肚婆D思維幾混亂!!!
我其實想講猴棗末真係幾好洗!!!我地悶蛋國無得買，上次返香港入左D貨! 買o既時候個售貨員問下要猴棗末定猴棗散，一個$120一支，一個$100六支!!我話o下，咩
差 o甘遠呀?佢話猴棗末純好多，功效大D!!於是我地就買左六支猴棗末~ Natto一歲人仔，好好彩每次病都只係流鼻水，無咳又無痰，所以一直都無試過D猴棗末!!我仲心唸，會唔會到過期都用唔哂架，o甘咪浪費左千幾蚊? 本來都唔駛用既，不過點知佢傳染我之後，我又咳又有痰，又再傳染返比佢!! 攪到佢原來只係流鼻水就變左咳咳同好痰!!
終於猴棗末出動啦!!
其 實我地本來先比保嬰單佢食(因為都有化痰作用)!!但係一打開就聞到D葯幾難聞，當然佢亦極力反抗，結果lur左一半出黎!! 之後我地比佢食猴棗末，佢居然唔多反抗仲會張開口食!!我聞一聞，發現D葯粉真係無味，唔多苦!! 食左一次，D鼻涕同痰明顯少左好多!! 所以有時真係貴D都無所謂，最緊要有效!!
如果D葯鬼死o甘臭又難食攪到佢嘔返出黎，我寧願比貴少少佢會食又有效啦!!
過左一個病到九彩o既感恩節，希望病菌唔好再黎探我地啦，我頂唔蒲架啦!!

Natto病左呀!!!又再度厭奶,星期日仲試過成日唔飲奶又唔飲水,只肯食Baby food! 仲成12個鐘無尿痾,嚇到我死死下!呢兩晚都無覺好o訓!!  都唔知係咪因為飲少左媽媽奶!!
我o既媽奶生涯差不多去到尾聲啦,係時候作個總結!!
一 開始我對自己可以順利餵媽媽奶o既信心唔大!!因為瘦底關係,食野又奄尖,又唔鍾意飲奶,一直覺得自己營養唔夠,未必夠奶餵Natto!! 好彩上奶順利, 成功開始左奶媽生涯! 但最初都幾辛苦,因為堅持埋身餵,所以休息會比餵奶粉既媽媽少,因為身兼奶奶+奶樽+媽媽關係所以無人可能以接我更!   辛苦D啦!! 我o既經驗係想成功餵媽媽奶o既話,頭兩個月一定要堅持埋身餵,等到奶量穩定左之後可以用Pump Pump下,試下用奶樽餵媽媽奶,等BB可以熟習下用奶樽,萬一之後返工,BB都唔會因為迷戀媽媽乳頭而抗拒食奶樽! 但一定要BB已經熟哂埋身食先可以開始試餵奶樽,如果唔係就會令BB有乳頭混肴!
只要全埋身餵得一頭半個月,奶量穩定後,就算有時餵少一兩餐都唔會點影響奶量o既!!
飲食方面,同大肚一樣,除左酒同深海魚類,其餘都無特別介口!就算係人地話食左會收奶o既食物都一樣照食, 唔覺得有影響奶量! 聽過有人介蛋,牛肉,海鮮,我自己就覺得除非試過食左之後令BB敏感,否則樣樣都唔食,媽媽同BB都唔夠營養! 連乳鴿我都食過,無事!!嘻~
想 奶量夠,飲水飲湯係好重要o既一環,不過我好懶飲!好彩Natto唔算大食,所以都夠食!! 我大概係返工前兩個月開始儲冰奶,儲夠廿幾包,返工後用Pump奶補返存貨!想慳D冰奶存貨o既話,返工前同放工後都會埋身食返,一來又唔駛一日用甘多存 貨,二來維持返起埋一日埋身兩三次,奶量就唔會跌得o甘勁!
人奶B係比奶粉B瘦少少,Natto成日都比人話瘦!! 雖然肥D得意D,不過都係個句,健康最緊要!!So far, Natto出世至今都係病過兩次,而且每次都自然好返唔駛食葯!
餵人奶開頭係辛苦o既,太痴身! 但餵熟左之後真係好方便,又唔駛座熱D奶,又唔駛洗奶樽,又唔駛帶奶出街!! 而家餵多左Formula,成日都要洗奶樽,洗到手都巢哂皮呀!
媽媽奶係天賜比BB同媽媽o既禮物,希望各位媽媽好好珍惜,唔好因為懶(我都好懶,不過為左Natto都堅持)或者怕影響身材而放棄餵媽媽奶!! 既然而家D奶粉成日有問題,點解唔將最好最天然最無添加o既野送比你最愛既寶寶呢~

唉~上個Long weekend我地連續幾日出街,加上Natto最近食奶食得麻麻地,結果我既乳舊患塞左啦!!!!
點解係舊患呢? 因為每次都係塞o個個位,好似濕疹o甘斷唔到尾!!  我其實都唔算成日塞架啦,好似記憶中塞過三四次! 第一次最痛,因為新手唔識處理!! 谷奶谷到成個日本蜜瓜響心口,DD CUP都有!!成世人最好"身材"就係o個時囉!!  之後又塞過乳頭(milk bleb)!! 人地話塞乳腺痛過生仔,可能我仲未塞得好甘,少少塞我就通返,所以暫時都唔覺得痛過生仔!不過痛起上黎都幾係痛!!
最有效通胸方法(我個人經驗)就係叫老公幫你按摩患處!因為塞左o既地方會好痛,掂下都唔舒服,自己按可能會就住就住!搵人幫拖會好D,我叫我老公將平日積積埋埋受過o既氣(我比佢o個D)一次過報仇o甘報,佢通常做得唔錯,比佢會按散塞左o既位! 之後比BB狂啜塞左o個邊胸,佢合作o既話好快會通返!如果想效果快D好D,事前用沖個勁熱o既熱水涼,一邊按摩一邊沖都有幫助!
如 果你係時常塞o既人,最好平時飲大量o既水/飲品(which is我好懶飲) 或者/煲D通草飲下! 同埋餵奶唔好用死一個position, o甘就唔會o甘易塞! 如果BB食得唔清,最好pump清,一來唔會令到奶量跌,亦唔會o甘易塞!!

之前我放產假,我老公有時"吩咐"我做A+B+C,若我未能完成時,佢總會用一種"你響
屋企o甘得閒,又唔駛返工" o既語氣再三提醒要我做o既事!  我成日都同佢講,做媽媽係一份full-time job ,24/7 on call o既! 今日我相信佢終於明白多少啦!!
話 說今日禮拜日,我要返工朝7晚8, Natto BaBa第一次全日自己湊仔(不過中場我奶奶都有黎幫Natto沖涼)!於是乎佢暗訓,餵奶,換片,陪玩一腳踢!! 聽講Natto今日好乖,食奶無扭扭擰擰一次啜哂五安好乖仔tim! 我仲以為我老公會湊得好輕鬆, 點知食晚飯時,佢已經話見暈,我問佢係咪食唔飽佢又話唔係!唔夠十一點半,Natto都未o訓佢就話"老婆唔得啦,我好暈呀,唔得啦!"佢 條狐狸尾巴一郁我就知佢咩東東鹽茜蔥啦,原來有人眼o訓!! 縱使我用盡辦法同佢講野,都無法阻止佢響五秒中內o訓著覺!!! o個個睡姿哩,真係好想影低佢post上黎大家分享下!!!!駛唔駛o甘眼訓呀!!湊左一日仔之嘛.............何況Natto已經相當比面 食奶無扭計tim啦!!
所以哩............人地老公人地爸爸唔該下次唔好再話你老婆又唔駛返工好得閒好輕鬆啦!!

 
好多新手爸媽都擔心過BB皮膚上o既紅點,其實初生BB皮膚特別敏感,但係好多時呢D紅點過幾日就會自然消失,唔駛太擔心!!西醫叫呢D紅點做Erythema toxicum (newborn rash),原因不明,不過唔駛搽野食葯,會自然好返! 由剛出生到四個月o既BB都有機會生呢D紅粒粒!!
Natto都成日生粒粒不過我無幫佢搽任何野,一兩日就自己退哂!不過每次Natto飲完奶,我都會用棉花球濕D清水幫佢清潔面仔同咀仔!! 有D媽媽話呢D係胎毒wor,只要唔係全身都係又令到BB又痕又痛就不必太擔心啦!
至 於尿布疹(Diaper Rash) 都係一個常見o既BB皮膚病! 平時清潔好重要,一濕左片就要換片,因為尿同臭臭都係酸性,醃住BB個pat,好易就有尿布疹! 以前我個代係每次換片後都搽爽身粉,而家醫生唔再建議,因為怕BB吸左爽身粉,影響呼吸! 所以而家醫生會建議媽媽用凡士林(Vaseline),我都買左幾樽看門口!
而我奶奶就話用檻欖油(Olive Oil)好好,我試過之後極力推介比大家!! 用完之後又滑又唔痴pat,痾左臭臭又易清,so far都無過敏又無試過紅pat!經濟又實惠,大家值得一試~

餵左媽媽奶已經三個禮拜啦!! Natto至今都係全媽媽奶,一滴奶粉都無試過! 自產後第三日開始上奶,到今日so far都應該夠奶比Natto,因為餵媽媽奶,我都唔知佢食左幾多,不過佢至多個半鐘叫我一次,最長個次可以訓四個鐘先大喊! (個次係我地完全聽唔到鬧鐘響,o訓到佢喊醒我) 片片超級夠數,特別係尿尿,每餐都有,條條片都勁重!!
餵人奶o既理論我大致都清楚,不過實戰又係另一回事!不過餵左三個禮拜,都參透到少少技巧!!
我 間中都有pump奶,用奶樽餵Natto,因為想佢學下用奶樽,到我返工時都可以食一兩餐奶樽! 但我最多一日比佢有兩次奶樽,而夜奶我堅持埋身,因為夜晚造乳Hormone特別多,夜晚埋身會多奶D! 佢初初都唔係好識用奶樽,係o甘 lur 奶出黎,而家已經好少少! 初初用pump兩邊加埋只pump到兩安! 心唸o甘少點夠食~ 大概pump到15分鐘兩邊胸都軟哂好似無哂奶,準備收工之際,突然let down,即係俗稱噴奶/奶陣!一出就起碼多一整安,兩邊加埋多兩安幾,連埋之前滴滴仔都有四到五安! 有時pump一次會有兩次let down,不過一次let down 之後要比個胸抖抖,再按摩下,再pump過,有時可能會有第二次let down 架!!
最緊要有 耐性,有D媽媽成日話自己無奶,就係可能太早收工,miss左個let down!!另外唔多鍾意飲水o既我,一日都迫自己飲好多野!!你唸下如果pump一次多o既有差不多一杯細奶茶o甘多o既奶,每日pump o甘多次真係會流失好多水份,分分鐘變人乾!! 所以夠水好緊要!!
至於產後進補又餵人奶又唔想BB補埋一份,可以飲完補品之後將下一餐奶pump出黎唔要,不過之前最好pump定D後備奶先!
媽媽奶放雪櫃最多可放一個禮拜,我昨日好忍心地倒左十安奶,因為我多數都係埋身,無咩機會有雪奶!而冰奶最多可放兩到三個月,除非係一個獨立冰櫃,就可以放六個月!
不過我唸香港豆潤甘大o既屋仔,好難再容納多一個淨放媽媽奶o既冰櫃!!

 
有Blog友仔問我點解紮到Natto成隻粽o甘,係咪天氣好凍?
其實唔係~ 係因為初生BB住左響媽媽肚裡面10個月,子宮環境比較窄,佢地只能長期緊緊o甘屈住個身,久而久之習慣左好迫o既環境!佢地出世後,環境唔同哂,再唔似 響媽媽肚裡面o甘迫,於是佢地會好無安全感,可能會成日喊,所以包實佢地,令佢地好似返番去子宮環境o甘,佢地就會好o訓D,無o甘易喊!!
有老人家(好似我呀媽) 會話紮住BB會影響佢地活動能力,其實都唔會架! BB大概3個月後就會比較適應子宮外o既環境,個時就唔再須要紮佢地啦!!
大家新手媽媽如果BB成日喊又o訓得唔好,不防試下紮隻粽BB,睇下work唔work~