大堂側有個地分放左好多和服同浴衣比你慢慢選擇
無論去室內定室外溫泉都會經過呢個入口
- 2月 15 週二 201108:51
勝の宿 _千鳥の湯 海舟: 溫泉篇
大堂側有個地分放左好多和服同浴衣比你慢慢選擇
無論去室內定室外溫泉都會經過呢個入口
- 2月 05 週六 201106:07
勝の宿 _千鳥の湯 海舟: 房間篇
曉之抄和洋室
無敵海景
- 6月 06 週日 201012:54
和歌山溫泉之旅: 南紀白濱景勝の宿 _千鳥の湯 海舟
講左幾日Natto﹐差d忘記左我個大阪遊記!嘻~
每 次去日本旅行﹐講真oY﹐比返工更支力!!我地呢d悶蛋國住耐左o既懶人﹐真係唔襟行架! 要我地日日行街shopping真係好要命﹐所以每次我地都會排D去郊遊或者去浸溫泉o既行程﹐比自己relax返兩日!我地兩個都好懷念上次蜜蜜月時o 既和式溫泉同埋懷石料理﹐一試難忘!今次大阪遊我地都訂左去和歌山白濱o既和式溫泉﹐雖然今次呢間溫泉旅館無上次響箱根o既o甘靚﹐不過overall都 有85分!!
今次我地決定去和歌山縣o既白濱﹐雖然比起好多人去o既有馬溫泉遠D﹐但係大部份酒店都沿海建﹐每個房都對住大海﹐好靚! 我地呢間"景勝の宿 _千鳥の湯 海舟" 響早兩年先落成開幕﹐設施&房間都十分新! 我地選擇o既係曉之抄和式房+一泊兩食﹐21000yen一個人﹐算係中等價位!
去白濱可以選擇搭JR或者長途巴士!JR 就快少少﹐兩個零鐘就到﹐但價錢係搭巴士o既一倍!!無記錯一程差唔多五千幾yen﹐搭長途巴來回先係五千yen﹐每程大概三個鐘! 我地細仔唸過後都係坐巴士﹐ 一來慳返一半錢可以做其他野﹐差一個鐘又唔算太多﹐而且我地住o既旅館附近就有巴士站﹐落車之後行10鐘就到!如果坐JR就要再轉市內巴士去酒店!
我 地出發當日落雨呀!!天陰陰﹐係整個旅程天氣最差o既一日﹐所以我地除左去Tore Tore海鮮市場開餐之外就留響酒店hea啦!! 由於白濱比有馬溫泉遠好多﹐所以旅客唔多﹐酒店o既職員o既英文程度係強差人意o既!不過我出盡我僅有o既日文程度﹐單字+身體語言都勉強溝通到! 加上我地有i-Phone o既Google map幫手﹐總算無咩出錯!!
海舟呢度有一個男女共浴o既露天溫泉﹐有三個私家溫泉﹐用o 既時間將"有人使用" o既牌仔放響出面就可以享受兩人世界啦! 落雨o既關係我地無出去露天o既溫泉﹐留守自己間房個溫泉!!不過都唔浸得耐﹐因為超大風﹐凍到死死下!我就更加唔駛講﹐大住個肚﹐最多都係浸兩野又上水 或者齋浸腳! 佢地仲有兩個室內o既公眾溫泉﹐不過係分開男女o既~ 最攪笑係佢地o既溫泉休息室有個雪柜﹐裡面雪條 免費供應﹐我honey等我出黎期間都唔知食左幾多條啦!
我地留宿期間﹐酒店o既Spa有優惠o既massage package﹐我老公當然唔會放過!!日本message﹐佢不知幾開心!而我又係大住個肚關係﹐無得massage!!慘慘~ 九十分鐘o既session包body massage + 簡單facial都係百一蚊美金左右﹐好抵!!
下次先講下我地間房﹐待續...................
- 5月 22 週六 201009:10
hea遊Osaka: 奈良篇
奈良﹐最出名係佢o既鹿仔同埋幾個世界遺跡﹐好似東大寺﹐藥師寺等等........!我老公最怕去旅行時日日shopping﹐所以點都要去郊遊輕鬆下!!(雖然都係行到死死下)
由大阪梅田坐JR大和路快速大概40分鐘就到奈良啦!! 其實奈良都有D似京都﹐比較多花草樹木﹐鄉土D﹐無大城市o甘繁忙! 我地去tourist information拎左個地圖﹐跟住佢D route都行左大部份o既景點﹐如果要行哂﹐起碼要大半日時間! o個日風和日麗﹐太陽伯伯樂精神﹐係一個郊遊o既好日子!!
奈良到處都係鹿仔﹐特別奈良公園最多! 你可以響小賣台買D鹿餅比佢地食!!佢地一見到鹿餅就會成群湧上黎﹐向係討餅!有D醒目D o個D仲會向你鞠躬行禮~最衰我大住個肚﹐如果唔係一定試下餵佢地﹐我honey又唔肯試﹐話睇人餵一樣je!!! 奈良有間藥師寺﹐建於公元六八零年﹐己經有千年歷史!!聽聞佢o既健康符好靈﹐我地專登行左幾個山頭先去到求個健康符比我奶奶! (藥師寺算係奈良景點裡面比較鬲涉o既﹐所以無咩人去!!) 大部份響奈良o既寺都係收費o既﹐由三百yen到六百yen不等﹐藥師寺最貴要六百yen!!
去完藥師寺就趕路去春日大社同東大寺呢兩個多人去o既景點!!遇上有日本中學o既field trip﹐有好多中學生著哂校服﹐唔知係咪黎求學業進步呢? 去奈良多數都係參觀下d世界遺跡寺廟餵下鹿o甘﹐完全無得shopping(我老公最鍾意)﹐所以唔係吸引到好多遊客!!
- 5月 04 週二 201008:58
Hea遊大阪第二日:本町掃BB貨+ hea逛心齋橋+ 難波/道頓堀美食天堂
第二日十點零出發去本町一間又係專賣BB小童野o既大型專門店: AKACHAN!!
http://www.akachan.jp/
由 梅田搭地下鐵十分鐘出本町站唔駛一分鐘就見到!!好多天書都有介紹呢間鋪頭﹐又係平靚正!Akachan比西松屋更大﹐有分幾個館﹐仲有賣大型BB野如 BB車﹐床﹐玩具都有好多!我Honey專攻"咩帶"同埋BB車﹐我就睇衫仔同日用品!!大大話話都逗留左三個幾鐘﹐因為真係好大好多野睇!!我地一去到 就見到有兩對香港爸媽﹐同埋一d大陸爸媽﹐証明好多人都係暮名而來!!最後又係成車滿哂﹐不過最終都係無買BB車﹐因為怕拎到返去悶蛋國有咩事壞左無得維 修!
其實akachan係好近心齋橋﹐不過唔係響最旺o個商店街﹐但沿路一直行就會到人氣最旺o既商店街!如果唔怕累可以行多廿零分鐘上 返去旺區﹐浴路都有野睇﹐不過商店比較普通﹐o甘就唔駛落返去搭地鐵啦! 我地血拼左一個早上﹐行左成朝頭開始頂唔順好想搵個地方坐底食野!! 最終無睇天書介紹去左食洋食意粉:五右衛門﹐係我honey話唔知邊個話好味o既~ 都唔錯﹐不過我地食開淋D o既意少粉﹐對我黎講有D硬! 食完又係繼續行行行﹐不過買唔到D咩!!唔知點解到買自己野時就提唔起勁﹐買BB野時又開哂turbo!! 我真係一個好媽媽!!!
晚 飯時段剛好行到去遊客區難波/道頓堀!!!其實好似香港o既旺角o甘﹐好多人好多街邊野食同埋餐廳!!黎到日本一定要食大阪燒(又名好味燒)同埋章魚燒 啦!! 我地都係去天書介紹o既某一間﹐都係介紹錯!不過個大阪燒都幾貴﹐細細客一個都要1500Yen!!係一定食唔飽o個隻!不過我都無預會食飽﹐之後再黎多 個章魚燒!!好味呀!! 不過今次大阪之旅有D遺憾只係食過一次大阪燒同章魚燒﹐之後都無時間再返去食啦!!所以大家去日本有咩好食一定要食盡﹐因為好難有時間吃回頭草架!!
最 後我地被隻大蟹同佢o既春季set吸引住﹐終於都係忍唔住去食蟹道樂!!!上次去東京己經食過架啦﹐不過佢個春季set6000yen都唔駛仲有o甘多蟹 食﹐我被打敗了!!大肚婆係唔應該食蟹!!!係係係!!!我知~ 但係魔鬼話一次半次唔怕o既﹐又唔係日日食﹐唔食會後悔!! 哈哈~我都係食左每樣少少過下口癮﹐而我老公就成為最大得益者!成個set佢幾乎食事三分之二﹐食到佢捧住個肚走!!
我呢個"好媽媽"都真係唔係typical 會介口o既大肚婆!!! 我覺得樣樣事適可而止就無問題啦!! 除左一D點都唔可以食o既野之外﹐打後大家仲會見到好多大肚婆o既十大不准吃o既野食!!!
各位媽媽們﹐放心食啦!!!
- 5月 03 週一 201008:52
Hea遊大阪第一天
日本...............係我同honey都好迷戀o既一個地方!除左好多靚野買仲有好多好o既食物!
結婚呢16個月來﹐我地一共去左三次日本﹐北海道﹐東京同埋今次大阪!! 可能對香港o既朋友仔黎講﹐坐四個鐘頭飛機去日本食下野玩下係好平常o既事﹐不過對於我地響悶蛋國下下都要坐10+鐘頭飛機先去到就唔可以係好似去Vegas o甘話去就去!
除 左第一次去北海道honeymoon係有plan定之外﹐東京同大阪都係即興旅行!!多得我個精明老公成日上網check住機票行情﹐一有勁抵機票就通知 我﹐等我受唔住又想去! 上次Thanksgiving去東京就係被來回直航都唔駛六百美金打敗左!! 而今次大阪之行係出於有左Natto﹐個心點都要去日本買下BB野o既心態!!本來我地打算係去德國一轉﹐因為家中會買部BMW﹐去德國拎車會比響悶蛋國 平﹐當係賺左旅費﹐然後年尾先去日本玩因為o個時D機票會平D! 點知Natto o既出現﹐我只能響今年去一次遠行﹐德國同日本我點會唔選擇日本哩!! 我honey好傷心﹐因為佢一直好想去德國自駕遊! 下次啦Honey~~實有機會o既~~
呢次亦係我地逗留日本最耐o既一次!九日八夜行到扒街﹐每次旅行比返工仲要辛苦!!加上今次大住個肚﹐行兩行又累又要坐低抖抖!!終於知道平時唔做運動o既壞處!!亦因為易累﹐影響左我購物o既戰斗力﹐所以都唔係買得太瘋狂﹐唔係實破產!!!
我地坐red eye機響韓國轉機﹐全程都o訓得著﹐所以唔覺搭左好耐機! 雖然去到韓
國要等五粒鐘先可以上機﹐不過響韓國食左個豆腐煲做早餐即時精神哂!!我相信Natto都好鍾意食韓國野﹐因為我食得好開心^^
每 次去日本旅行﹐酒店我地永遠唔講究﹐只要就腳﹐細d正三星o既酒店我地都唔緊要﹐因為想慳D錢去食同買!! 何況日本D酒店幾平都好﹐都一定乾淨企理﹐呢樣我地好欣賞!!今次呢間又係D細細o既商務旅館仔﹐一晚大概5600-7000yen兩個人(日本酒店係計 人頭o既)超抵!!不過佢無我地上次去東京o既間Hotel Kent o甘好﹐可能我大肚﹐張床對我黎講太硬﹐每晚都o訓到條腰直哂!!!同埋無洗patpat toilet!!(上次Hotel Kent都有!!)
每次去日本我地o既行程都幾intense﹐務求食盡去盡玩盡!!今次唔得啦﹐始於有Natto﹐樣樣都唔可以太盡﹐所以今次我地Hea遊!(雖然話hea﹐其實都去左好多地方) 第一日我地都係響酒店附近行下﹐同埋去左買Natto野!!
呢 間西松屋有d似BB小童野o既Walmart!!清一色都係細佬仔野﹐價錢響日本黎講算好化算!!種類都好多﹐大部份大陸製﹐不過Quality都唔差架 ﹐亦有日本製o既﹐價錢貴少少不過都係抵o既!!佢響日本有好多分店﹐我地就去左最近酒店呢間!各位媽咪朋友仔下次去日本玩可以去幫小朋友掃下貨!! 香港好多網上童裝其實都係響呢度入貨o既~~我一見到o甘多BB野雙眼發光﹐連老公姓咩差D都唔記得左!!哈哈~最後就一滿車落樓﹐yeah!!!好滿 足!!!
- 2月 08 週一 201006:41
大阪溫泉篇: 南紀白浜 浜千鳥の湯海舟
最近忙於做功課碌屎準備兩個月後o既大阪之旅﹐加上春臨大地﹐人又懶懶地~嘻!!懶左update~
上次去箱根o既溫泉體驗至今仍然難忘﹐所以今次去大阪都打算去浸一浸﹐鬆一鬆!經過我連日黎做功課後﹐最終勝出o既 就係呢間--->千鳥の湯海舟!!! 呢間溫泉宿館位於和歌山縣白濱﹐由大阪出發大約兩個幾鐘車程﹐比起較有名o既有馬溫泉遠少少﹐而且價錢比有馬平!!我地貪佢夠辟﹐少d人去﹐而且每間房都 對住個海﹐又有私人風呂﹐齋睇相就已經夠哂relax啦!!如果三月前去﹐仲有好多優惠package tim!!
佢地一樣提供一泊兩食﹐晚餐同早餐都係懷石料理!!
- 2月 01 週一 201005:35
向大阪出發
話o甘快已經二月﹐終於過左我覺得最漫長o既一月!唔知點解﹐呢個一月真係過得超級慢﹐唸返倒數party﹐好似上世紀o既事o甘!
二月啦!!係時候plan 下啦!! Plan下今年o既大旅行啦!!本來係唸住去希腊﹐去睇下白色小島或者去德國食下大香腸﹐不過臨時有變﹐最後我地都係決定 去.............................唔好cher我呀...................日本!!!!嘻嘻~不過今次唔去 東京啦(絕對唔係去厭左!!)﹐想下新o既地方!!
我手頭上已經有兩本京阪神o既天書啦!努力做功課中!!!
我地要加油啦!!
向大阪出發.............YEAH!!
1
環遊世界 (16)