小娜執媽的部落格

Hello~ Long time no see la~

Do I look cool??

是日造型:青蛙菲


呢個奔跑情境好難得先見到~~

 


菲菲:你係邊位呀?

Baba你帶我去邊樹?


好驚呀!!好凍呀!!我唔要落水呀!!

響屋企做慣大爺,一去到醫生度就變左隻雞仔!!

仲嚇到賴屎!!!!!!!Wahaha!!!!

熱浪侵襲全球,悶蛋國都一樣熱到發顛! 我日日陀住另一個人仔,代謝快左,個人就更加熱上加熱!!
終於忍唔住要玩水啦! 我地買左個雞雞地o既小水池,唸住比菲菲玩下水降降溫,順便幫佢洗白白! 但點知買到返屋企先知個pump唔係好work,o甘點呀?Natto BaBa話用口吹!!!!o下!我唸吹到爆肺都未吹脹! 後來問朋友仔借左個吹氣球仔既opump, 勉強可以駁埋個大pump,都吹到我地氣咳先攪掂!!真係未玩先謝!!
菲菲對呢個藍色小水池充滿好奇,仲坐左入去嘆世界! o甘開心全因為我地仲未入水~~ 一入滿水放隻小鬼入去佢就嚇到飛起,發狂o甘跳出水池逃跑!!好似捉雞仔o甘捉佢!一抱返佢入去又跳出黎,笑死我地!!! 無錯!!我呢隻怕死鬼菲菲係忌水架!!後來我地要用大毛巾"cool"住佢唔比佢跳出黎!可能反抗到無力,最終到都就範,留返響個水池仔! 而我地亦比佢攪到由頭濕到落底橫,最後我直頭跳埋入水池玩啦!
呢一晚大家都好累,菲菲得返半條狗命!!我都好唔得去邊..........好似跑完馬拉松o甘,散哂!!!一拍兩散,嘩哈哈~~

由細到大我屋企除左媽咪之外都係狗痴﹐超級鍾意狗呢種動物!!成日都想擁有一隻狗仔﹐可惜媽咪話養我地都未養得掂仲養 狗!!(大大大盆冷水)就係o甘我地o既童年就活響一個無狗o既年代! 到大個我去到悶蛋國讀書﹐有一次回港放假一返到屋企一大開門"叮叮叮叮" 一隻笨笨o既菲菲跑到我面前!!嘩!!!點解會有隻狗仔o既?
原來菲菲係舅父響大陸買o既一隻便宜狗(我唸唔駛三百蚊)﹐媽咪話菲菲一見到佢就走埋佢度o訓著左﹐好得意﹐於是就帶佢坐姨丈間benz偷渡落香港啦!!(偷渡都坐benz幾勁呀!!)當時佢只得一兩個月大好細仔﹐可以放落儲物格﹐於是成功屈蛇!!
響香港雖然都唔算過住富貴o既生活﹐不過每朝出窗台曬太陽﹐望下樓下會所d小朋友玩玩﹐夏天又有冷氣房o訓﹐都幾嘆!!
之後到小妹過埋黎悶蛋國讀書﹐因為唔捨得將菲菲送比人於是又去漁濃處申請又買埋機票﹐今次唔駛偷渡啦!!明正言順申 請移民悶蛋國!!於是菲菲由大陸偷渡客搖身變成悶蛋國公民﹐住大屋坐bubu車,幾架勢!! 如果唔係媽咪執佢返黎﹐菲菲極有可能成為一隻流浪狗﹐或者已經餓死街頭啦!

菲菲太重啦!!

姐姐!!好迫呀!!

我地一家一致通過要帶菲菲去割左粒瘡﹐因為有越來越大o既情況!自上次菲菲做絕育手術時差D入左鬼門關﹐所以雖然今次唔係咩大手術﹐但係我地一家都好擔心菲菲!

響手術前一晚大家都同菲菲合照又陪佢玩﹐佢完全唔知第日要去"痛痛"!12點之後就唔可以飲水食野啦﹐不過呢樣唔緊要因為菲菲同爸爸一早就開左鼻寒立體聲﹐兩隻野一齊轟炸我!

第二朝一早7點﹐由姐姐同爸爸o既陪同下到達vet center﹐一入門聽到裡面d狗仔響度哀號﹐菲菲都緊張起黎﹐ 坐立不安o甘! 其實手術係12點到4點進行﹐晨o甘早去係要抽血同埋比佢地觀察一陣!最後菲菲被人抱走時﹐佢流露著一副"唔好唔要我" o既樣﹐真係好唔捨得!!

菲菲o既老朋友ear infection已經困擾左佢好耐﹐加上隻眼仔又生左粒瘡瘡﹐最近仲流血tim﹐所以要去見醫生伯伯!!
都係一如以往﹐最初以為有得去街街就好興奮﹐不過一去到診所門口就掉頭走﹐心知不妙!!好彩眼隻無咩大礙﹐唔係生cancer﹐唔駛做手術鉗眼瘡!!隻耳仔都只係小小發炎~

不過抱著佢比醫生打針同滴葯就攪到我隻手"怨"哂﹐因為佢不斷反抗﹐好辛苦先捉得掂佢! 菲菲今日上磅﹐yeah!!!減左2磅啦﹐而家14磅!!不過仍然係北京狗max o既重量!!