小娜執媽的部落格

 
 
我幾乎連login name 密碼都唔得，你話我有幾耐無上黎個發霉blog!!!

大家別來無羌嗎? 我地好好，只係超級忙! 忙到我自己都唔知忙緊咩!! 相信有兩個小朋友以上o既媽媽應該都明白我，我唸可能有一個朋友個d 都明架啦! 生左BB，佢
地就係你o既一切! 你唔食都要煮比佢食，你唔o訓都一樣要服恃佢地o訓先!
不如update一下大家啦，如果大家仲有興趣想知!

自從Kori 上禮拜開始上幼稚園後真係一日24小時都唔多夠用! 點樣做到湊好小朋友又平衡到自己私人生活就係一個好高深既學問!!

全職媽媽+part time 護士= 雙職超人!!!
悶蛋國唔興請工人，因為人工太貴，就算有都好少會好似香港D 姐姐甘留宿響你屋企!! 當然你出得起錢，都一樣請到工人既~ 因為無工人，所以大部份家頭細務都係由我負責!!不過功勞都要分一半比爸爸，因為佢放工返黎都非常樂意(我估咋) 幫我分擔洗碗洗衫湊仔既擔子!!   不如分享下我既忙碌日程:
6:30: 起身梳洗+整便當比佢地帶lunch! 由於我兩小朋友都係極picky，食野超麻煩既，雖然學校有hot lunch program，我地試過一個月，老師直頭話Natto 掂都唔掂下，成日驚佢會餓親，所以我決定自己整，起碼我會知佢鐘意食咩!! Natto 最鐘食壽司，飯團(同我地喜好一致)，所以我通常都整d 得得意既公仔飯團比佢! 經過一年時間適應，由完全唔食野到而家90% 食哂，我都總算守得雲開!! 不枉我早起整便當!! 而Kori 暫時仲係適應緊，同Natto 以前一樣都係食一兩啖就算! 不過佢會知肚餓，返屋企會問我拎奶飲或者話要食野，所以我唔太擔心佢!!
7:30: Natto Kori 起身梳洗換衫食早餐
8:50: 出門口返學
9:30: 因為佢地會半個鐘outdoor play，所以通常我會留響學校陪佢地一陣先走!
9:30-12:30: 買送!!!! 返到屋企開始做家務，拖地，洗衫，換床單，處理雜務
12:30: 媽媽lunch time，終於可以睇下電腦
1:15: 開始準備晚餐材料，切切洗洗!! 爸爸其實經常叫我唔好煮叫煮家外賣(即係私房菜)就算 ，驚我太忙太辛苦，不過自己煮好食d嘛!
2:45: 出車接放學
3:00: 放學啦!!!  我都通常唔會即時帶佢地返屋企，如果天氣唔太熱就會去公園玩，或者去圖書館或者行超市!! 再熱d就會去公園玩水，因為唔想佢地一日只係返學同返屋企，驚佢地悶!!
4:45: 返到屋企!! 幫兩小鬼沖涼，跟住煮佢地份晚餐! 到佢地食野時我就準備煮我同爸爸既晚餐!! 兩隻mimi 魔魔既小朋友食飯肯定攪我一粒鐘! 當中又要威迫利誘先食完餐飯!!
6:30: 情況理想通常就已經食完飯可以自由活動，跟住我就focus 整晚餐!
6:45: 爸爸返黎啦!!! 終於多雙手幫下我啦!!!

各位好嗎? 我返來啦~~~真係好一個又忙又痛既6，7月!!
報告下先!! 六月小妹master畢業既家庭之旅順利完結!! 從未試過handle十幾人既旅行團，在於一個有人流恐懼症既我總算表現不過不失，大家都玩得好開心，盡興
而歸!到7月啦!適逢悶蛋國既國慶日，我地一家四口去左Las Vegas 玩左四日三夜!盡情玩盡情食，因為玩完之後我要做一個小手術!
話 說幾個月前有一次返返下工，突然肚痛到行唔郁要落樓下ER，結果發現原來有個不速之客，靜靜地搬左黎我度住唔話我知!!! 都市人病: 膽石!!!! 頂~唔怪之得之前時不時會胃痛到發顛，原來係你!!! 見過醫生後，醫生建議我割~~~~~膽~~~~~~~!!!! 下~~唔係割石就得架咩? 醫生話有過膽石既人覆發機會高，免得下次又有又要再受皮肉之苦!長痛不如短痛啦!! 醫生話我亦可選擇唔做手術，等佢下次再痛D先做，我同豆爸都覺得無謂擺個計時炸蛋響身!萬一個接緊仔時痛點算? 萬一響屋企無人得我同Kori響樹時痛邊個救我? 都係快快手同佢分手!
不過事情都唔係甘簡單!! 大家都知我有個唔多好既老闆，佢差d唔比我做手術!又話唔夠人又過多同事暑假放假，bla bla bla!! 萬一我膽管塞左發炎點先? 萬一我返工痛到暈左點先? 唉~呢d人，完全只有rules & policy，一d人情味都無! 由頭到尾一句問候都無，只係擔心我幾時可以返工!!
我有對仔女，有個家，無野緊要得過健康!我睬佢都有味，決定做手術，最多唔撈架je!!
手術前一晚，我其實好驚!!雖然只係一個小手術，但點都好記掛對仔女，仲有老公!!加上Natto呢幾日扭計唔食飯，攪到我喊到豬頭甘!!好彩有豆爸安慰!!唉~~人越老
越怕死!!其實死唔可怕，最可怕係再見唔到你愛既人~雖然我地每個人都注定一個人黎一個人走。。。。。。
因為醫學進步，而家割膽手術只需要微創就得架啦! 響肚度開四個窿，手術過程一個鐘鬆d!不過就要插喉全身麻醉!! 手術順利，不過老實講痛過生仔!!!我全身感覺比人打左一身，五臟六腑比郁過哂甘，好辛苦!! 我寧願生仔好過!!!
出院後，多謝豆爸同我奶奶湊住兩隻小鬼，我先可以好好休息!!不過最近Natto好扭計，半夜成日醒要人陪訓!!!辛苦左豆爸爸!!~~
小病是福，更加令我感受到家人同朋友對我既關心!! 希望快d好返，因為我有好多野想食呀!!!!

 
閒時weekend，我地都無咩節目架!簡簡單單帶佢地去公園,研究下地下d樹葉，果實....佢地執到地下既果實我地
會順便做下教育，話比佢地知呢d咩黎既! 無興趣班無playgroup無野學，但係一家人一齊就已經最開心^_^

X'mas 2010
 

兩隻牙仔

NATTO@26 MONTHS

七月頭，有一日我照常返工執仔，差十五分鐘就收工啦，仲好開心地同d同事吹兩咀！點鬼知唔知邊叉個整左灘lotion 落地，我一腳踏埋去，PK 了！畫面有如笑笑小電影中有人踏到蕉皮一樣！第一時間痛到標眼水，成個人灘屍響地，d同事見到我咁差d call code blue 我咁大個人，跌得最甘呢穫！！
本來以為扭親下冇乜野，點知腳踭同手腕一直keep 住痛，最終睇左兩個醫生照左兩次MRI 先發現跌裂左手腕"孕＂帶同軟骨，要打石膏兩個月！醫生話因為受傷後太耐先打石膏，單靠石膏康復機會不大，要有心理準備要做手術補返裂左嘅地方！
唉！好黑仔！不過受傷後我調左去醫院內科做文職，返工可以hea d 唔駛下下體力勞動搬搬抬抬！
其實我已經慣左單手行事，只係沖涼同洗野唔太方便！
希望隻手可以快d好返或者唔洗再打石膏，因為下個月我地會去日本浸溫泉哩!! 期待中...........

@ Disney World Animal Kingdom,Orlando

見到都心痛﹐有無媽媽有方法可以幫BB止痕去疹?

多謝我親愛的特別為我製作的窩心生日咭!!我看到的時候，笑鳥!!^_^
 
仲有陪我過生日既甜蜜蜜喉糖!!

Happy Natto^^