響日本真真正正食壽司o既就係去左築地﹐拿起手本本日本旅遊書一定會推介:要食靚壽司就一定要去築地!! 不過一定要天未光就要出發﹐因為遲左要排隊閒閒地一兩個鐘!我地都未算最早﹐由新宿去坐JR大概半個幾鐘!!我人生以來第一次朝早7點幾8點食壽司做早 餐!!但係o甘早起身都係值o既﹐因為真係好好味!! o個種好味唔知係因係D魚太新鮮定係點﹐連平時我地食開o個D魚都唔同味!!呢種味真係好特別﹐令人愛不擇手o既味覺! 築地市場裡面都有好多壽司店﹐好幾間特別出名好似壽司大﹐壽司清﹐大和壽司等等!!
我地就選擇左最多人排隊o既壽司大﹐o甘多人等實係好野!結果我地前面排左十個人﹐我地等左個半鐘﹐餓到暈! Order左兩個餐﹐一個三千幾yen一個二千幾Yen!!食左好多唔個咩o既魚﹐不過全部都好好食!!好回味o既一個早餐﹐食完之後有超幸福o既感覺﹐嘻!!
途中經過一間旅遊書介紹賣現燒帶子o既鋪頭﹐個大嬸老闆一見我拎住本旅遊書就搶左去想翻去介紹佢o個頁﹐點知由於我本書已經比我睇到甩頭甩骨﹐佢一攪成本書一頁頁o甘跌哂落地﹐最慘係地下係濕o既﹐佢猛講sumimasen!!唉真係多得大嬸唔少!
obsiuna 發表在 痞客邦 留言(0) 人氣(23)
蜜月旅行中一個重點節目-->箱根浸溫泉!!其實去日本浸溫泉都唔係咩特別野﹐不過今次我老公唔知我地會去邊 度浸溫泉﹐全程都係我帶路﹐去到佢先知!! 路痴o既我成功到達目的地好安慰呀!! 呢間溫泉係其中一個blog友推介﹐而我亦花左唔少時間做功課﹐Compare左幾間旅館﹐都係呢間最好﹐同埋超級好彩比我BOOK到房!因為初時旅館D 人都話已經book到去09年6 月!!聽聞話呢間野連日本local人都話好難訂到房!!o甘好彩比我book到﹐仲要book到全館只得一間有兩層o既房﹐開心^^
去到真係覺得好靚﹐比想像中靚!~全間旅館都係望住山林﹐好relax~ 我地間房有一個露天私人風呂﹐沖涼都係露天架!!響得幾度o既室外沖涼都係第一次﹐不過浸完溫泉沖又唔覺好凍! 旅館包一餐懷石料理晚餐同早餐!!我都唔記得自己食左幾多個courses﹐總之好多野食﹐每樣都好好食同好靚!!我從我HONEY o既面上流露著幸福既笑容﹐我就知我無選錯地方!! 雖然成世女都未住過o甘貴o既一晚﹐不過都係值o既!
除左私人風呂之外仲有兩個公眾風呂﹐兩個都好靚﹐響群山中浸溫泉﹐好接近大自然﹐好舒服~ 全程都有一個女Waitress serve我地﹐好似管家o甘~佢知我地新婚﹐仲送左對筷子比我地做honeymoon禮物~
obsiuna 發表在 痞客邦 留言(0) 人氣(166)
去東京由於係自由行關係﹐我地掛住食掛住搵路都唔係影到好多相!!呢一個係我唔鍾意自由行o既一個原因! 呢幾日我都係食同行食同行!!食得最多係拉麵﹐各式各樣唔同湯底o既﹐壽司都食左D!! 仲有好多好多蛋糕~你見到D蛋糕件件都o甘靚真係好難忍受到!仲有飲得最多o既自動販賣機裡面o既熱粟米湯!!起碼十零罐~~
最特別o既係響FURLA(一個手袋品牌) 裡面o個間Cafe食Cake﹐對住幾廿個手袋食Tea都係第一次~佢o個杯凍cup千真係好好味﹐個Waiter都好靚仔哩!!!嘻~ ﹑每次我行街行到好累﹐隨便響街度搵間Cafe坐低食件Cake﹐每次都有好幸福o既感覺!!上次一個人去東京時又係﹐今次仲幸福﹐因為多左個老公^^
響東京樣樣野我地都覺得好食﹐唯一最唔好食o既係旅遊天書介紹o既街邊拉麵檔!!行到去檔口見一個人都無已經有 hesitate﹐之後老闆拿拿聲拎返d報紙剪報話比我地聽佢有幾出名!好啦﹐坐低一食就出事!!嘩完全無Heart o既拉麵﹐麵又硬﹐湯又無味!!比人昆左!!唉。。。。自此之後我地都對D天書有所保留﹐無全部跟住食!都係杜如風o個D可靠D﹐所以我地都去左佢介紹o 既魚生飯同Cafe!都好滿意~大家去日本可以睇下杜如風o既流行東京!!
obsiuna 發表在 痞客邦 留言(0) 人氣(50)
環遊世界 (16)