小娜執媽的部落格

黎新加坡o既遊客好多都一定會去聖濤沙(一個渡假小島)﹐我地呢d遊客仔當然都係跟住鴨仔團路線啦! 去Sentosa之前我地又去左另一間食海南雞飯出名o既餐廳﹐今次唔駛排隊啦﹐仲有冷氣tim!去呢間文東記都唔算好方便﹐搭完MRT仲要轉的士!海南 雞一樣滑滑﹐不過我地兩個都覺得天天好食D! 食完之後我地膽粗粗試下搭巴士去Sentosa必經o既Vivo city﹐我自己一個就肯定唔會搭巴士﹐女仔比較路痴d﹐如果老公唔響度一定唔知車左我去邊! VIVO city係一個好大o既shopping mall﹐行左陣先坐cable car去sentosa!
行行逛逛左大半日﹐都係以觀光為主!晚餐先係重頭戲﹐我地去東海岸食胡椒蟹﹐海鮮!!!!我最愛!!! 其實東海岸有D似西貢﹐近海﹐做遊客生意為主﹐所以D價錢都唔平架!!不過呢一餐海鮮餐填飽左我個肚仔同埋心靈上o既海鮮癮!!
本來想去另一間Food center食糖水﹐點個比個懞盛盛o既的士車左我地唔知去邊﹐攪到無得食! 唯有去一個加插行程布吉士﹐呢度有D似旺角﹐係年輕人聚腳o既地方﹐又有好多小食同埋賣衫o既地方﹐價錢係女人街價﹐quality我覺得好過女人街啦!
最後一日響新加坡都係買下手信仔﹐食當然唔少得啦!最後o既一個早餐﹐呀坤咖椰食吐司!最欣賞佢地o既水煮蛋﹐點都研究唔到點整先可以令隻蛋打開出黎個蛋白係半生熟而黃係生呢?

玩完馬爾代夫好多人都跟手去埋新加坡!!!因為離開馬代一定會經過新加坡轉機!我地都一樣﹐順道玩左3日2夜﹐主要此行以食食食同食為主!
新加坡旅遊局最近有好多旅遊優 惠比外國人﹐好似機場免 費接送到指定酒店﹐又比好多市內觀 光﹐旅遊景點o既優 惠票我地﹐所以好多地方都唔駛錢入場!人人都話新加坡係一個整潔o既城市﹐其實又無我想像中o甘乾淨﹐不過比起香港就企理好多啦!
第一日我地當然去左食出名o既天天海南雞飯!!(於牛車水chinatown o既maxwell food centre)天氣好熱﹐加上身處o既熟食區又冷氣﹐我地為左食呢個海南雞飯足個排左40分鐘﹐與此同時我又走去排魚湯米粉(全場最多人排o既兩間﹐心唸 多人排實好食) 最後果然無令我地失望﹐好好味呀!!我老公話個雞飯食完即時有好窩心幸福o既感覺(有無o甘誇呀!!) 都不枉我地排左o甘耐!
之後就坐船仔遊市中心各個旅遊點!< >其實新加坡真係好細﹐如果唔怕大熱天時行路﹐所有景點沿住新加坡河用行路都會到o既!好似魚尾獅公園﹐克拉碼頭﹐濱海藝術中心(即係大榴槤)﹐萊佛士酒店等等﹐一條路就到!