真係一種米養百樣人﹐有人等幾年都等唔到一個BB﹐有人就一年一個 係o甘生!!我呢個patient 今年20歲已經係第5個BB o既媽咪!!即係話佢14歲就懷孕﹐每年生左﹐生到20歲﹐第5胎啦!!。。。甘拜下風。。。好生養到哩!!!中國人而家好少有o甘好生養架啦﹐你估呀婆 年代起碼生6﹐7個咩!!我呢個patient當然唔係中國人啦﹐響L.A.最好生養o既就係hispanic﹐墨西哥族人!! 一個hispanic女人起碼最少生3個﹐而且佢地好早就生﹐最細o既13歲就大肚!!4﹐5胎根本就好平常事!! 其實女人一個月只係得幾日有機會懷孕﹐點解都o甘易中?你話係咪好生養!!? 有個35歲o既 patient﹐懷孕19次﹐墮胎17次仍然仲有得生。。。
新居入伙，試住中~
目前分類：產房事 (53)
- Jun 10 Wed 2009 02:22
好生養!!!!!!!!
- May 18 Mon 2009 14:37
產痛
人人都話生仔係十級痛真係一D都無錯!!生仔所受o既痛係會令一個平時好溫柔o既女人變得潑婦罵街!!但係一生完又會一瞬間即刻正常返﹐變返個小鳥依人!!呢樣野係我做產房後觀察到o既野!!產房係一個鬼哭神嚎o既地方﹐唔慣o既人一定會攪到情緒不安!
試過有產婦痛到想打人o甘﹐差D要call security! 通常我地d執媽最常遇到o既就係比D產婦捉住隻手狂"meet" 因為痛所以失哂常o甘大力meet人!有一次比個產婦"meet"腰﹐呢下真係忍唔住要推開佢!!而家我就醒目啦﹐第一時間叫個老公同我換位﹐如果唔係真 係每日同身瘀o甘返屋企!
- Apr 29 Wed 2009 08:51
夭折(Fetal Demise)
產房永遠都比人一種快樂﹐歡欣o既感覺~因為一個新生命就係呢度誕生!!不過有生必有死﹐有時除左帶比一個家庭快樂﹐亦可能為一個家庭帶來悲傷!!
響我短短幾年o既執媽生涯中﹐我遇到三四個夭折o既Cases! 今日係我響呢間醫院裡面接到o既第一個demise! 媽媽流血入院﹐因為子宮頸比較短(short cervix) 懷孕期間比較容易作小產﹐或者小產!! 送到入黎產房己經不斷出血﹐到我接手時羊水一穿﹐BB已經出左黎!! 雖然仲有心跳﹐不過響醫學上20週o既BB通常無法響子宮外o既環境生存﹐屬自然流產﹐所以醫生唔會救!!
- Apr 26 Sun 2009 08:15
我接生的BB--Nevaeh
我以前一個從台灣特別黎生BB o既一個patient﹐話o甘快又黎生第二胎啦!!今次我終於見到我當年接生o既BB﹐Nevaeh! 時間飛逝﹐佢今年差唔多兩歲啦!!我可以話係除左醫生之外﹐佢出世之後第一個見到o既人^^
我地一齊去食lunch同行market~ 呢一次我終於明白咩叫Terrible Two啦!!照顧一個快兩歲o既BB少D精力都唔得﹐睇少一眼又唔得﹐本來用半個鐘做o既野﹐要多一倍時間先做得完!! 行完market﹐Nevaeh 扭計扒地wor﹐我呢個EE咪去抱起佢囉!!一抱就出事﹐我低估左佢呢個快三十磅o既人仔﹐一抱之下用錯力﹐兩隻大腿抽筋起黎!! 嘩!!!我比佢九級半痛﹐痛到我行唔到五分鐘﹐成個人痛到不自覺地抖震同出汗!!我老公見狀即刻過黎同我按摩﹐整整五分幾鐘我先行得返!!
- Apr 15 Wed 2009 13:54
辛苦VS挑戰
Summer黎啦~ 即係產科o既旺季﹐夏天B真係特別多!!今年我第一次下午四點先lunch!!(應該陸續有黎) 頭痛到爆﹐真係好頭痛!!可能係太肚餓﹐可能係太stress out!!
今日己經第三次crash c-section啦﹐話明Crash梗係是但媽咪或BB有危險!! 一個媽咪入到ER話BB好耐無郁﹐佢血壓 又高到200﹐之後轉到上黎產房又搵唔到BB心跳﹐即時9秒9去開刀!!BB出黎無心跳﹐救左廿幾分鐘﹐終於有心跳送左去NICU﹐不過最終都唔得﹐BB brain dead﹐ 救唔返!!媽咪好彩無事!
- Feb 07 Sat 2009 04:51
超重量級媽咪
我印象中我遇過兩三個超過三百磅o既patients﹐今日我遇到 一個380磅o既肥媽!!佢係一個黑人(通常o甘肥都係hispanic﹐好少黑人肥到o甘!) 佢o個兩隻腳同大象腿係無咩分別﹐只係BB版小象! 佢兩隻大比肥到痴埋一齊﹐我問我同事佢地點攪出人命架﹐搵都搵唔到!!跟住我同事笑哂o甘話﹐前面梗係無可能啦﹐狗仔式囉!!哦。。。明白哂!
- Oct 31 Fri 2008 02:14
快樂哈佬喂
執屋一星期後﹐屋企乾淨哂﹐亦誘發左我o既潔辟﹐而家我一見到頭髮響地下我就會執左佢或者吸塵﹐地下少少蹟我又要拖 地﹐所以成個幾禮拜無update!因為執屋真係好累架﹐好彩我HONEY都幫手執﹐佢知我無咩力水﹐於是吸塵呢D粗重功父都係佢做!!不過我屋企o既另 一個成員就唔多幫手啦﹐睇黎我要整返個家務分配表先得!!
家居清潔人人有責!!
- Oct 22 Wed 2008 02:12
Unassisted Childbirth->在家自己分娩?
o禽晚睇discovery health channel﹐有一個好interesting o既節目﹐講一D美國同英國o既準媽媽﹐響完全無醫生或者Midwife在場下﹐響自己屋企由老公接生!! 我自己做產科o既﹐知道生仔時有好多好危險隨時會攪出人命o既complications發生﹐我就唔係好讚同d媽咪o甘做﹐o甘樣等同於搵自己同BB條 命較飛!!佢地以為一有起事上黎﹐打911叫人黎救咪得囉﹐但係佢地唔知道﹐當一旦有事發生時﹐BB同媽咪可以響短短五分鐘內無命!!真係唔係講笑架!!
- Sep 24 Wed 2008 01:38
討厭的賓賓charge nurse
一個工作環境o既好與壞真係好影響做野o既人o既心情!!我做產房o既﹐時時都會面對好多突如其來o既事﹐例如產婦一 入黎就生得﹐BB出世響馬桶﹐大出血﹐BB心跳唔好要即時緊急開刀等等。。。因為要應付呢D﹐工作壓力變得大左係可以理解o既﹐所以我D同事(包括我自 己)有時都會幾燥下~ 不過燥還燥﹐都唔可以當係老馮o甘﹐鍾意就發人脾四或者講難聽o既說話!!我有D同事真係好鍾意令到人人都響一個極度精神緊張o既工作環境下共事﹐好鍾意 為難新人或者好烚o既人!我唔明白佢地點解要o甘做﹐對大家有咩好處﹐唔通大聲講野就係可以話事而唔講道理? 今日我為左幫一個同事出頭而同一個好唔識尊重人o既charge nurse吵大穫!!氣結!!!
- Sep 22 Mon 2008 01:35
兩個百厭B
今日我接生左兩個百厭o既B仔!第一個B未生之前心跳一直唔好﹐每 次媽咪子宮收錯縮時﹐心跳都降到80(正常係110-160) 比哂氧氣﹐點轉身都係無用!!我已經有哂心理準備呢個B一定要開刀架啦﹐因為o個時媽咪只係開得6cm﹐未有o甘快生得!!Call左醫生﹐成大半個鐘都 未見人!!跟住媽咪就痛到大嗌﹐一檢查下﹐10cm全開啦﹐加上第二胎隨時要生得!!唔駛半個鐘﹐BB就出世﹐好彩醫生都趕得切黎接仔!!呢個媽咪又避過 左一刀啦!
- Sep 12 Fri 2008 01:16
Baby in the TOILET~
我覺得我呢份工每日都比我見到好多唔同o既事﹐唔同o既人﹐每次都 可能有驚喜!!今日準備後工前o既四十五分鐘黎左一個第五胎o既孕婦話o禽晚開始陣痛﹐我地一班同事已經心裡有數一定會好快生﹐但睇個孕婦個樣又唔係好痛 ﹐於是帶佢入房換衫準備辦入院手續!!誰不知唔夠三分鐘﹐當個孕婦響廁所換衫之際﹐有人大叫左一聲﹐我地當然拿拿聲走去幫手﹐baby out~ 媽咪接住個頭﹐個身跌左d落左馬桶度。。。OMG!第一次遇到響廁所生仔﹐平時都有聽同事講過下﹐今次親身經歷~好彩個B無事又無成個跌落馬桶﹐真係嚇餐 飽!!
大家各位己有生產經歷o既媽媽﹐奉勸唔好等到痛死先去醫院﹐因為正常黎講﹐第二胎打後﹐產程都會比第一胎快好多﹐即使你第一個B生左24個鐘﹐第二個B都好有可能兩個鐘就出黎﹐所以唔好太遲去醫院﹐唔係就好可能生響廁所﹐或者車﹐又或者響條街度架啦!
- Aug 15 Fri 2008 09:23
給陪產爸爸的忠告
What a busy night!!!!o禽晚話唔忙﹐今晚真係忙比我睇﹐烏鴉咀!! 成晚攪入院又要做無痛分娩﹐忙到兩點先有飯食!!臨放工一撿查我個patient﹐大穫飯!!!成個水袋(羊膜)突左出陰道口﹐即時call醫生話 patient ready要生啦﹐個Patient嗌到"湯豬" o甘﹐但係佢男友居然仲響度o訓覺﹐心唸有無攪錯﹐o訓覺不如你返屋企啦﹐留響度做咩!!到真係push啦﹐大家都好focus響pushing﹐點知無 聲無色間﹐個boyfriend成個人暈左響地下﹐腳落地﹐然後成個頭撞左落地﹐pass out左!即時call人黎救﹐好彩聞左呀魔尼亞之後就醒返﹐好似都無咩事﹐只係個頭起左個瘤!!好彩係腳落地先﹐如果頭落地先就不堪切想!!產房o甘多 儀器﹐撞一撞分分鐘撞親個腦!! 有同事話我知﹐響好耐以前都有同樣o既事發生﹐不過個老公就唔好彩啦﹐頭落地﹐成個人昏迷﹐最後仲過左身!!真係紅事變白事!!
所以哩﹐各位陪老婆生o既爸爸如果係怕血就唔好勉強自己啦﹐有時以為自己得﹐但係因為體力透支﹐或者肚餓(因為陪產通常要好耐) 再聞埋D血同羊水o既味真係好可能會暈低架!!
- Jul 29 Tue 2008 09:14
沒有心跳的媽媽
繼上次無心跳o既BB之後﹐o禽日﹐即係地震當日﹐我地醫院又發生慘事!!一個三十一歲第一胎o既媽咪﹐開開心心同老公迎接新生命﹐點知。。。。
呢個唔係我o既patient﹐係Day shift開刀生o既﹐因為媽咪血壓偏高﹐所以醫生選擇開刀!!直到BB出世都無咩異樣﹐仲生左一個大隻B﹐九磅九!!就響縫子宮o既時候 ﹐patient突然無左心跳同血壓﹐經搶救後送左去ICU﹐不過好可惜直到今日朝早﹐始終都係救唔返﹐媽媽走左啦!剩低BB同爸爸。。。。So sad!!
- Jul 23 Wed 2008 08:48
從前從前: Nursing school
唔經唔覺﹐畢左業兩年有多啦!!以前讀Nursing o既時候我一直覺得自己實畢唔到業﹐雖然響香港都算係讀到下書o既﹐但係呢一次真係完全無信心﹐可能睇住身邊一個又一個同學fail﹐放棄﹐轉科(一年級50個新生﹐最後得20個可以畢到業)﹐自己都差d頂唔順~
呢四年黎係我讀書生涯最辛苦﹐流過最多眼淚o既﹐以前從來唔會覺得讀書會讀到喊﹐原來真係會!一邊上lecture﹐ 一邊去不同o既醫院上clinical﹐對住唔同o既professors﹐每個都嚴到死﹐一有少少唔o岩就fail你﹐一fail左又要等多半年重讀o 個一班﹐仲要四年program 裡面唔可以Fail超過兩班﹐每個學期又要做成六十幾頁o既 case study加無數沒完沒了o既功課同測驗﹐每個禮拜就係做功課同溫書﹐真係三步不出房門!!
- Jul 12 Sat 2008 08:29
幸福不是必然
大肚。。。睇住自己個肚一日一日大﹐BB每日成長真係一件好奇妙好幸福o既事! 當自己以為辛苦十個月就會有個肥肥白白o既BB﹐好似好必然o甘!但係其實BB一日未出﹐一日都唔可以大安主義﹐隨時隨地都可能有問題發生~
- Jun 11 Wed 2008 06:30
A Night with a no Hearbeat baby
今晚係我入行以黎﹐第一次遇上無心跳o既BB!!!未見慣大場面o既我當然係真係好驚﹐好彩BB終於救得返!
其實呢個唔係我o既Patient﹐不過我有參與搶救o既過程﹐深深感受到生死只係一線間!!由patient入院 o個刻﹐大家都以為只係閒常case﹐加上BB只有36週未算足月﹐所以醫生都想hold到37週先開刀(由於patient第一胎係開刀﹐所以多貫第二 次都要開刀)。但係patient o既contractions一個接一個﹐即使打左針都無咩改善﹐而BB心跳開始越來越慢。。。。我同事即刻叫醫生!!醫生一黎知道情況不妙﹐即時推入 OR開刀!當時我拎住個monitor﹐聽到BB心跳得番90幾﹐入到OR唔駛5分鐘BB就出黎啦! 結果BB一身灰藍色﹐唔喊唔郁!!即時搶救。。。無心跳。。。心外壓。。。比氧氣。。suction。。。NICU team到達。。。插喉。。。差不多3分鐘先有返心跳!! 再過多兩分鐘﹐BB終於自己呼吸﹐仲張開眼﹐總算大步檻過!! 而我亦都要返番自已原來o既工作崗位﹐因為我個patient都就快生啦!! 見到自己個patient無法﹐BB又正常﹐即時心都定返D!
- May 26 Mon 2008 06:27
醫生誠徵女朋友
連續工作五天12小時﹐終於有一日讓我休息了!!這天休假我是真真正正的休息了﹐由早上九點到晚上7點半﹐我都在熟睡中﹐原來我真的很累﹐這是我身體給我的message。收到了!!縱使有假都乖乖睡覺了﹐因為我不想未老先衰唷~~
- Feb 19 Tue 2008 04:25
Busy Night
忙足一晚﹐頭爆痛 又無食晚飯﹐好淒涼呀!! 今晚生左8 隻B﹐我自己就生左2個﹐一個 開刀一個自然生!!不過順產o個位patient就push得我辛苦啦﹐push左兩個鐘先出世﹐可以因為高齡啦﹐36歲第一胎﹐無咩力水!!又係O個句有仔襯嫩生!!
仲有兩日我隻DB就返﹐希望到時唔會再頭痛﹐影響哂我o既心情!!o禽晚突然好想飲西瓜汁﹐今日又想食creme brulee。。。AIYA。。。外賣仔快d返黎啦~~
- Aug 28 Tue 2007 03:59
(尚未設定標題)
今日返工居然被郵筒夾到手指﹐黑仔黑仔~痛了一整晚﹐現在還在隱隱作痛X_X
Full moon effect﹐全院滿坐﹐做到氣咳!!我遇到兩個體貼的老公﹐真羨慕人家有一個又體貼又會tum老婆的老公~aiya。。。發夢得太早!!
- Jul 07 Sat 2007 00:54
可怕的777
2007年7月7 日除了是大家一窩蜂結婚的日子﹐亦是大家集體生仔的日子!!打從7月6日開始我們便一個接一個地收很多準備分娩的準媽咪﹐我接了很多777的B仔B女﹐真 的做到氣咳﹐難道大家是早有預謀地預備在777這個所謂的幸運日子生下幸福寶寶?是不是幸運寶寶還是未知之數﹐不過我們這班執媽肯定覺得777一點都不 lucky﹐因為太多太多人要生﹐把我們的病房都擠到滿滿﹐人人都要加班應付這突如其來的生仔潮!!
今天我可是最不想加班﹐因為我今日早已plan了去Camping~~~ 我要遲到了!!最後足足遲了兩個鐘才放人﹐我已是最早走的一個﹐其他同事仍然要在搏命中!
環遊世界 (16)
