close
我覺得我呢份工每日都比我見到好多唔同o既事﹐唔同o既人﹐每次都 可能有驚喜!!今日準備後工前o既四十五分鐘黎左一個第五胎o既孕婦話o禽晚開始陣痛﹐我地一班同事已經心裡有數一定會好快生﹐但睇個孕婦個樣又唔係好痛 ﹐於是帶佢入房換衫準備辦入院手續!!誰不知唔夠三分鐘﹐當個孕婦響廁所換衫之際﹐有人大叫左一聲﹐我地當然拿拿聲走去幫手﹐baby out~ 媽咪接住個頭﹐個身跌左d落左馬桶度。。。OMG!第一次遇到響廁所生仔﹐平時都有聽同事講過下﹐今次親身經歷~好彩個B無事又無成個跌落馬桶﹐真係嚇餐 飽!!
大家各位己有生產經歷o既媽媽﹐奉勸唔好等到痛死先去醫院﹐因為正常黎講﹐第二胎打後﹐產程都會比第一胎快好多﹐即使你第一個B生左24個鐘﹐第二個B都好有可能兩個鐘就出黎﹐所以唔好太遲去醫院﹐唔係就好可能生響廁所﹐或者車﹐又或者響條街度架啦!
全站熱搜
留言列表
環遊世界 (16)
