小娜執媽的部落格

人人都話生仔係十級痛真係一D都無錯!!生仔所受o既痛係會令一個平時好溫柔o既女人變得潑婦罵街!!但係一生完又會一瞬間即刻正常返﹐變返個小鳥依人!!呢樣野係我做產房後觀察到o既野!!產房係一個鬼哭神嚎o既地方﹐唔慣o既人一定會攪到情緒不安!

試過有產婦痛到想打人o甘﹐差D要call security! 通常我地d執媽最常遇到o既就係比D產婦捉住隻手狂"meet" 因為痛所以失哂常o甘大力meet人!有一次比個產婦"meet"腰﹐呢下真係忍唔住要推開佢!!而家我就醒目啦﹐第一時間叫個老公同我換位﹐如果唔係真 係每日同身瘀o甘返屋企!

做媽媽真係好偉大架!除左子宮收縮時o既陣痛﹐仲有生B時候比BB頭仔夾硬整開o既會陰﹐有時仲會裂傷!!我有個patient就因為生得太快﹐個B出黎時整爆左個陰唇﹐我係睇住d肉裂開﹐真係睇到都覺得痛!!

我o既小小心得:如果可以就打epidural(無痛分娩)啦﹐真係好好多架!雖然到最後關頭都可能會feel到少少痛﹐不過總比十級痛好!