小娜執媽的部落格

Summer黎啦~ 即係產科o既旺季﹐夏天B真係特別多!!今年我第一次下午四點先lunch!!(應該陸續有黎) 頭痛到爆﹐真係好頭痛!!可能係太肚餓﹐可能係太stress out!!

今日己經第三次crash c-section啦﹐話明Crash梗係是但媽咪或BB有危險!! 一個媽咪入到ER話BB好耐無郁﹐佢血壓 又高到200﹐之後轉到上黎產房又搵唔到BB心跳﹐即時9秒9去開刀!!BB出黎無心跳﹐救左廿幾分鐘﹐終於有心跳送左去NICU﹐不過最終都唔得﹐BB brain dead﹐ 救唔返!!媽咪好彩無事!

呢D情況時常都會發生響我醫院﹐因為我醫院o既target population都係d低層人士﹐佢地產前檢查往往都唔係o甘好﹐有D更加無去過產檢tim~ 所以響產房做野壓力真不少!

我老公成日叫我轉去做D 坐clinic o既護士﹐或者做D唔駛o甘大勞動力o既工作﹐因為佢覺得我太弱不襟風﹐成個豆腐人o甘!!無錯﹐我的確係一個豆腐人﹐因為成日受傷!!不過我覺得坐clinic o既工太悶﹐又學唔到野!!我想趁年輕學多D臨床經驗!!