小娜執媽的部落格

產房永遠都比人一種快樂﹐歡欣o既感覺~因為一個新生命就係呢度誕生!!不過有生必有死﹐有時除左帶比一個家庭快樂﹐亦可能為一個家庭帶來悲傷!!

響我短短幾年o既執媽生涯中﹐我遇到三四個夭折o既Cases! 今日係我響呢間醫院裡面接到o既第一個demise! 媽媽流血入院﹐因為子宮頸比較短(short cervix) 懷孕期間比較容易作小產﹐或者小產!! 送到入黎產房己經不斷出血﹐到我接手時羊水一穿﹐BB已經出左黎!! 雖然仲有心跳﹐不過響醫學上20週o既BB通常無法響子宮外o既環境生存﹐屬自然流產﹐所以醫生唔會救!!

最初呢個媽咪都好平靜﹐只係唔想見BB!!我都明白﹐盡量比佢地一個私人空間﹐唔騷擾佢地!!BB o既爸爸仲響媽咪去洗手間時托我幫佢同BB拍左合照﹐怕響媽咪面前影都令佢傷心! 到最後我要送BB去殮房﹐媽咪同爸爸終於忍唔住大哭!!見到佢地不捨o既神情﹐我個心都一酸﹐不過奈何都幫唔到佢地﹐只可以叫佢地take care~

Baby Boy "R"rest in peace