小娜執媽的部落格

Hello~ Long time no see la~

Baba你帶我去邊樹?

響屋企做慣大爺,一去到醫生度就變左隻雞仔!!

熱浪侵襲全球,悶蛋國都一樣熱到發顛! 我日日陀住另一個人仔,代謝快左,個人就更加熱上加熱!!

由細到大我屋企除左媽咪之外都係狗痴﹐超級鍾意狗呢種動物!!成日都想擁有一隻狗仔﹐可惜媽咪話養我地都未養得掂仲養 狗!!(大大大盆冷水)就係o甘我地o既童年就活響一個無狗o既年代! 到大個我去到悶蛋國讀書﹐有一次回港放假一返到屋企一大開門"叮叮叮叮" 一隻笨笨o既菲菲跑到我面前!!嘩!!!點解會有隻狗仔o既?

原來菲菲係舅父響大陸買o既一隻便宜狗(我唸唔駛三百蚊)﹐媽咪話菲菲一見到佢就走埋佢度o訓著左﹐好得意﹐於是就帶佢坐姨丈間benz偷渡落香港啦!!(偷渡都坐benz幾勁呀!!)當時佢只得一兩個月大好細仔﹐可以放落儲物格﹐於是成功屈蛇!!

菲菲太重啦!!

我地一家一致通過要帶菲菲去割左粒瘡﹐因為有越來越大o既情況!自上次菲菲做絕育手術時差D入左鬼門關﹐所以雖然今次唔係咩大手術﹐但係我地一家都好擔心菲菲!

菲菲o既老朋友ear infection已經困擾左佢好耐﹐加上隻眼仔又生左粒瘡瘡﹐最近仲流血tim﹐所以要去見醫生伯伯!!

都係一如以往﹐最初以為有得去街街就好興奮﹐不過一去到診所門口就掉頭走﹐心知不妙!!好彩眼隻無咩大礙﹐唔係生cancer﹐唔駛做手術鉗眼瘡!!隻耳仔都只係小小發炎~

日常生活壓力大真係需要一D野去舒緩壓力﹐有D人會去做運動﹐有D人會大吃一餐﹐有D人會選擇濫葯﹐而我就選擇整蠱我家小狗!!!!!!!嘩哈哈~

呢個幾禮拜我都處於休養狀態﹐終於好返好多啦!!唔駛再食葯﹐個人精神返!!

上個禮拜因為病左無力幫菲菲沖涼﹐菲菲baba第一次幫菲菲沖涼!!難得菲菲好合作﹐baba成功地幫佢沖左個靚涼!!香噴噴~~

唔經唔覺﹐菲菲成為美國citizen已經三年啦﹐又係時候到期打預防針lu~去到打針o既地方﹐超多狗仔﹐菲菲都不 是撩人地o既狗仔玩!!一等就等左差唔多兩個鐘。。。差D o訓著覺!! 見到醫生時﹐菲菲都係例牌"餚底"﹐一副蛇gwa樣﹐到平時響屋企牙刷刷o既樣真係差天共地!!之後我地又去左公園玩﹐最近唔知點解o甘鍾意去公園玩﹐上 左癮o甘!!天朗氣清﹐涼番好多啦!!

多謝太陽伯伯^^

前幾日新屎坑搬左出露台食晚餐﹐都幾有風味﹐不過就被蚊咬左幾野!! 菲菲都好enjoy出露台食飯﹐由本來只敢伸少少個頭出露台到而家周圍行黎行去﹐真係怕有一日佢會跌落街!!

食完飯帶菲菲去行公園﹐比我地發現到公園有我地十幾年都無玩過o既千秋呀!~一齊跑左去玩﹐好開心哩!!好似返左細個o個時﹐好回味﹐連菲菲都玩埋一份﹐不過佢驚到唔敢郁﹐勁攪笑!!^^好relax o既晚上。。。連續幾日唔駛返工﹐YOHO!!!!!

歷年來﹐我地全家上上下下(其實只有我同細妹)整蠱過菲菲無數o甘多次﹐每次佢都係擺出一副無奈o既表情!!但係每次整蠱完菲菲之後﹐都有一種壓力一掃光o既感覺!!養小狗真係一個好o既減壓方法!!

我家o既小菲子最鍾意就係o訓覺﹐最近屋企換左地板﹐唔知係咪o甘佢成日黏住以前佢唔多注意o既床仔!!大概係因為怕凍!!

隨便搵都搵到幾十張懶樣