小娜執媽的部落格

大肚。。。睇住自己個肚一日一日大﹐BB每日成長真係一件好奇妙好幸福o既事! 當自己以為辛苦十個月就會有個肥肥白白o既BB﹐好似好必然o甘!但係其實BB一日未出﹐一日都唔可以大安主義﹐隨時隨地都可能有問題發生~

o禽晚我兩個patients都係早產入院﹐一個22週穿左羊水﹐一個24週有少少流血入院﹐結果兩個都係有Incompetent cervix(子宮頸內口鬆弛症) 即係子宮頸響唔應該開o既時候就開左﹐BB響呢種情況之下即係好似坐響開左車門o既車﹐好大機會跌出黎~ 呢種病亦係導致流產o既其中一個成因。通常有呢個病o既女人流產比普通人高好多﹐導致造成習慣性流產!

我兩個patients之前都試過兩次流產!最後24週o個個突然作動﹐BB要響極度唔成熟o既情況下出世﹐心同肺都無法適應媽咪以外o既環境﹐最 後搶救左半個鐘都係救唔返!!BB媽咪同爸爸都好傷心﹐一直喊~ 未做手術之前都見佢地一直祈禱希望BB會無事﹐可惜事與願遺!! 之前仲好開心同我講佢有2個女響屋企﹐呢一胎係仔。。。唉。。。有時你以為一切都會無問題﹐點知。。。

所以幸福唔係必然﹐要好好珍惜現在擁有o既野! 懷孕本來就唔係簡單o既事﹐要陀住左個B十個月到BB健健康出世就更加唔係一件容易o既事~