小娜執媽的部落格

唔經唔覺﹐畢左業兩年有多啦!!以前讀Nursing o既時候我一直覺得自己實畢唔到業﹐雖然響香港都算係讀到下書o既﹐但係呢一次真係完全無信心﹐可能睇住身邊一個又一個同學fail﹐放棄﹐轉科(一年級50個新生﹐最後得20個可以畢到業)﹐自己都差d頂唔順~

呢四年黎係我讀書生涯最辛苦﹐流過最多眼淚o既﹐以前從來唔會覺得讀書會讀到喊﹐原來真係會!一邊上lecture﹐ 一邊去不同o既醫院上clinical﹐對住唔同o既professors﹐每個都嚴到死﹐一有少少唔o岩就fail你﹐一fail左又要等多半年重讀o 個一班﹐仲要四年program 裡面唔可以Fail超過兩班﹐每個學期又要做成六十幾頁o既 case study加無數沒完沒了o既功課同測驗﹐每個禮拜就係做功課同溫書﹐真係三步不出房門!!

呢一切一切同我黎講都係一個大考驗!!終於我都捱出頭啦!好彩當日無放棄﹐今日先有好o既開始!!我好多謝自己堅持到底o既信念﹐多謝身邊一直支持我o既honey﹐如果唔係我都捱唔到落去!!

希望想讀Nursing o既人﹐或者讀緊nursing o既人努力加油﹐堅持到底一定會有出頭天架!!