今日我本來要返工﹐不過醫院唔怕比我stand by on call﹐好野!!!即係唔駛早起身!!發達囉!!!我同我親愛的於是去左IKEA開日用品﹐買下買下就買左一個下晝!!返屋企好興奮地期待我地訂左兩個 月o個梳化﹐dinning table同埋床﹐結果過哂鐘都未送到黎﹐打去問先知D貨有問題送唔到黎!!!
結果我地白等左一個下晝﹐間store又唔打黎跟進﹐激死我!!以後我都唔會再考慮幫襯佢地架啦!!!
新居入伙，試住中~
目前分類：悶蛋國生活事 (119)
- Sep 20 Sat 2008 10:33
開心又失落
- Sep 14 Sun 2008 01:23
中秋節快樂
中秋節無玩花燈﹐無賞月﹐響屋企煮野食簡簡單單過左最後一個單身o既中秋節!!秋年黎啦﹐天氣開始轉涼啦!!我最鍾意秋天﹐因為秋天係我出世o既季節^^
外國o既月亮果然係特別大o既﹐比起香港o既大好多﹐而且感覺好近﹐有時仲會係橙黃色tim﹐不過其實大家都係睇緊同一個月亮je~
- Sep 13 Sat 2008 01:20
契仔的BABY SHOWER
又一個好朋友o既BABY SHOWER~ 大熱天BBQ好熱+熱氣﹐加上病未好﹐只係食左少野!!我呢個未出世o既契仔﹐比我預期中細隻﹐個肚都唔大o既~唔知係咪媽咪掛住修身唔比自己食o甘肥~!!
希望佢健康成長快快樂樂啦~下個月見~
- Sep 04 Thu 2008 01:05
Sept Kids
今個生日好平凡地過﹐亦無咩點同朋友慶祝﹐可能免得人地知道自己幾大﹐哈哈~ 我o既Hun帶左我去食一餐好貴o既sushi﹐間野裝修好殘﹐又唔準客人開Cell phone﹐我以為係咩餐廳o甘巴閉﹐點知比我預期失望﹐D野好普通又貴﹐一D都唔正宗!!不過係我hunny o既一番心意﹐我都好開心﹐只係肉痛佢個銀包!!我都無買野比自己﹐打消左我隻手鐲plan﹐或者等到下年如果仲係好鍾意o既先再算! 買左少少skin care比自己就當係生日禮物啦!!仲有我細妹o既厚禮﹐睇黎我要回返份"LCD電視"比佢啦﹐哈哈~總括黎講今個生日靜靜地俏俏地走了﹐我同菲菲都過左 個開心生日!!菲菲亦過左佢人生o既第五年啦~
Happy Birthday to all SEPT kids~
- Aug 22 Fri 2008 01:00
第一次?冰皮月餅
今日悠悠閒地行market﹐比我見到冰皮月餅﹐想食好耐﹐即時買左一盒返屋企!!我印象中好似從來未食過冰皮﹐黎 左美國之後就更加無得食!!傳統o既月餅我就麻麻地﹐因為太甜﹐又肥!而家D冰皮真係咩味都有架﹐綠茶﹐芒果﹐意大利咖啡﹐士多啤利脆脆(唔知脆脆係咩黎 o既)雖然己經唔似月餅﹐但係當係飯後甜品都唔錯﹐又唔會太甜!!我己經等唔切我o既另一半返黎就食左半個!!哈哈~楊枝金露味﹐都唔錯!~
Sorry hun﹐didnt wait for you
- Aug 17 Sun 2008 00:55
Time Flies~
又有一個朋友宣佈有左BB﹐而且已經過左三個月!!結婚﹐有左﹐生左好似成日圍繞住我地o甘﹐唔夠一陣又話呢個結婚﹐ 一陣又話呢個生左!!我真係覺得時間過得好快﹐話o甘快D朋友連仔都生埋﹐好犀利!! 唔洗好耐就會輪到自己啦﹐我而家咩都唔唸﹐淨係想快D收拾好屋企住得舒舒服服﹐因為我越來越鍾意留響屋企!!今日坐響屋企睇左成日電視﹐居然忘記左要去洗 車﹐又或者其實自己係隱憋青年?
- Aug 14 Thu 2008 09:21
Id Vs. Ego
呢排返工無時停﹐係時候獎勵下自己﹐加上臨近生日﹐更加想買野比自己!!但係有好矛盾wor﹐因為屋企裝修加結婚都 要用上好多錢﹐所以買唔買野比自己好ne~??唉。。。。點解好似有一股無形壓力(Ego)叫我唔好買唔好買﹐但係個id又狂話做得o甘辛苦﹐都係一次半 次je~~
- Aug 05 Tue 2008 09:17
自來狗小鹿
今日屋企居然黎左隻自來狗﹐走左入我地個車房度唔肯走!呀妹見佢又唔污糟﹐唔似流浪狗﹐不過身上就無狗牌﹐可能係有人 養但係走失左!!佢個樣睇落去似芝娃娃﹐好瘦﹐好似一隻鹿o甘﹐所以我地幫佢改左個名叫做小鹿!由於動物協會已經關左門﹐所以我地就收留佢一晚﹐等第二日 先送去shelter!!其實小鹿都算乖﹐不過好"痴"人﹐一見唔到你就會喊﹐又吠﹐同我地隻菲菲相比差得遠﹐我家菲菲係一隻Mr COOL黎﹐唔多蘇人架!!由於唔知小鹿有無病﹐所以夜晚只可以比佢響客廁o訓﹐攪到佢喊左成晚﹐因為佢見唔到人﹐唔知係驚定咩﹐發出好悽厲o既聲音﹐好 似好可憐o甘!!而菲菲初頭都無蘇到小鹿﹐不過小鹿係o甘用尾"發"到菲菲塊面﹐攪到佢火都黎埋﹐終於忍唔住追住小鹿黎吠﹐得把聲﹐扮哂大佬o甘好攪 笑!!
- Jul 29 Tue 2008 09:13
地震你響邊?
今日我地呢度發生五點八級地震呀﹐雖然只係維持左五秒﹐不過我都真係有D驚﹐畢竟都係人生o既第一次遇上感覺得到o既地震﹐加上之前四川單野令我更加驚﹐會唔會就係o甘大呢?
- Jul 24 Thu 2008 08:51
我想買野
小休一日無無聊抽起左購物慾﹐不過響悶蛋國又點會令我有衝動想買野呢?靚o既野又貴買唔起﹐普通野又唔靚!終於我去左好耐無去o既日本小百貨店﹐買左 shampoo +conditioner同埋兩隻熊貓﹐禮成!!雖然明知買貴左好多!(樽shampoo同conditioner響上次去日本小百貨店﹐買左shampoo +conditioner同埋兩隻熊貓﹐禮成!!雖然明知買貴左好多!(樽shampoo同conditioner響上次去日本時見到﹐只係買6蚊美金﹐而家特價左都要九個半)不過就解決左心裡面想買野o個條蟲!!
- Jul 22 Tue 2008 08:47
回到上禮拜
上個禮拜﹐告別我地o既下層﹐全屋通通大包細包搬上原本住開o既二樓﹐可能係太興奮定係發左瘟﹐居然影到D o甘o既相!!由此証明﹐我全家包括我未來老公都係shot shot地o既~連我呀媽幾廿歲人都係傻架!!!
- Jul 08 Tue 2008 08:25
超人
終於開始我第二份工o既orientation啦﹐從今開始我唸都 好少機會再聽到人地話我"o下?你又off? 你今日又唔駛返工啦?"!! 響美國做護士時間真係好flexible﹐Full time一個禮拜三日﹐雖然係12個鐘頭shift﹐不過仲有四日可以休息!!感覺好似做緊Part time o甘!我一向o既唸法都係做一份full time就得啦﹐輕輕鬆鬆又夠生活﹐唔知幾時開始我突然抽起條筋想搵second job! o甘o岩又有同事介紹﹐仲要係day shift﹐唸下唸下﹐就去左Interview!!
雖然現階段係好辛苦﹐三日night﹐兩日day shift﹐一個禮拜六十個鐘!如果計返八個鐘一日﹐我一個禮拜就做左7日半o既野!聽落好似好搏o甘!!哈哈~又好似係wor﹐不過呢個係一個好好o既 機會比我轉返day shift!將來有家庭﹐做日頭始終正常d! 其實我都只不個係小搏﹐我有同事一個禮拜做足六日12個鐘夜班﹐返到屋企就真係o訓同食!好似無左life。。。五日應該係Maximum!!不過一唸到 每個禮拜都收到Paycheck o既時候﹐又當你無咩時間shopping買野o既時候﹐你戶口o既數字就會急劇上升!! 都係一個好大o既推動力!一年去兩次旅行係我工作o既大動力﹐為左我o既Maldives水上屋之旅﹐我會努力架!!
- Jul 06 Sun 2008 08:21
新屎坑又起
- Jul 04 Fri 2008 08:04
JULY 4th 同場加映
年年去迫睇煙花﹐今年唔駛迫都睇到幾個cities o既煙花lu~ 我地屋企個露台果然唔係浪不虛名~~連菲菲都有得睇﹐不過佢驚到抓實我地﹐成隻樹熊o甘﹐勁攪笑~
對比香港煙花﹐呢度o既所謂國慶煙花實在係小兒科
- Jul 04 Fri 2008 08:00
BB潮
對上幾年JULY 4TH都係去沙灘睇煙花BBQ﹐今年終於唔再去啦!!去左一個朋友屋企睇女﹐o岩o岩出世無耐o既老鼠女~ 好細隻﹐真係好似一隻老鼠仔o甘!而其他各個朋友全部都好似準備就緒結婚生仔o甘﹐我唸之後o既JULY 4TH都係睇B多架啦!! BB潮。。。一觸即發~學一個網友話齋﹐美國o甘鬼悶﹐唔結婚生仔做咩好呀?哈哈~o甘又係!!
- Jun 29 Sun 2008 07:06
我無耐性
呢兩日﹐ 一個字。。。"支力"!!!!! 星期六無啦啦比人捉左去開OT﹐攪到2點先返
屋企!!星期六全晚無左啦~我隻B就同D麻笠朋友(叔叔)去足浴﹐仲幾條友仔走去黃金地呢D年青人勝地捉象棋"~" 今日去左ikea掃屋企野﹐買左電視柜﹐衣柜﹐床s。。。加加埋埋成千磅野﹐搬左一半返屋企﹐其餘o既真係拎唔到唯有送貨!!
- Jun 14 Sat 2008 06:32
被大肚婆包圍著的2008
今日為新居添置馬桶﹐其實係托佢地返屋企﹐因為可以慳返送貨錢~ 之後仲去左
B 先生公司響馬場攪o既週年picnic!見到成千上萬o既小朋友﹐因為個個employee 都幾乎有小朋友帶埋黎一齊玩!裡面大部遊戲都係為小朋友而設﹐好不熱鬧哩!! 我地行左一個圈﹐食左件漢堡飽就走啦﹐無理由同小朋友爭遊戲玩架嘛!!(其實我係怕曬同熱﹐hee~)
- May 24 Sat 2008 06:26
Baby shower
今日參加朋友o既Baby shower﹐算係第一次有同年紀o既朋友做爸爸媽媽!! 身邊真係有好多好多朋友要結婚生仔﹐特別係今年!!(又話今年係盲年)時不時就聽到唔知呀邊個幾時結婚﹐呀邊個幾時又生啦﹐真係唔認老都唔得!!我地呢個 年齡大概係適婚同適生年齡吧﹐亦係最有衝動同憧憬婚姻o既時候!!我覺得過左呢個階段﹐可能對結婚生仔就會少左好多憧憬﹐因此好多明星藝人朋友拍拖十幾年 都未結婚就係呢個原因﹐過左度氣!!
環遊世界 (16)
