新居入伙，試住中~
目前分類：悶蛋國生活事 (119)
- Dec 24 Thu 2009 13:00
Merry Christmas ^^
- Dec 22 Tue 2009 13:02
ギネ～産婦人科の女たち(婦產科的女人們)
- Nov 13 Fri 2009 07:51
三藩市科學之旅
上次去探呔仔o個個SF Trip我地都不外乎食同食﹐仲去左California Academy of Sciences!o個度有個好大型o既科學展覽﹐介紹地球生態﹐仲有一個好似小時候去TST睇天幕影像o既天像館﹐探索宇宙o既第一粒星星!如果認真地 行﹐起碼要用大半日﹐不過都學到好多野﹐係一個好好o既親子活動!!
- Nov 11 Wed 2009 07:42
再結婚之衝動
上個月出席一個朋友仔o既wedding﹐佢地舉行婚禮o既教堂好靚架﹐對住個無敵大海景﹐仲要個chapel都有d似而家流行o既玻璃教堂﹐所以唔似一般教堂o甘傳統! 面對住o甘靚o既Chapel﹐直頭有衝動想再嫁一次(唔好誤會﹐係行多次禮嫁同一個人﹐嘻!
)
祝福我地o既朋友仔新婚快樂﹐永遠幸福!
- Nov 05 Thu 2009 07:27
產房裡的H1N1
呢排多左好多疑似H1N1同埋confirmH1N1 o既媽咪入黎我地ward!已經有兩個同事不支病倒攪到大家人心惶惶!(特別係我家o既老公﹐猛叫我帶口罩洗手洗手) 我地都做足預防裝備﹐口罩手套都一定會用足﹐但係就無香港o既誇張全套SARS裝備!不過好難怪香港響呢方面會o甘緊張﹐始終經歷過慘痛o既SARS﹐有 陰影在所難免!
我地呢邊對H1N1病人同對普通流感無咩分別﹐只係droplet同contact precaution!因為流感同H1N1都係透過口沬傳染﹐如果唔係直接同病者有口沬接觸﹐好少會感染!不過有同事話病者o既virus可以響表面環境 生存24-48小時﹐嘩!!即係如果我有H1N1打個"黑痴"我d口水接觸到o既地方會有Virus﹐而呢d virus以兩日都唔死﹐如果你隻手掂到呢d地方﹐再唔小心接觸到自己o既口鼻眼睛﹐o甘就有機會中招!!所以洗手洗手流手好緊要﹐特別去完街返屋企一定 要洗手!
- Oct 17 Sat 2009 05:07
有機狂熱+菲菲之大眼瘡終極了斷
自從去完馬爾代夫之後唔知點解突然愛上左西餐!放假時無啦啦去D鬼佬market行行逛逛!最近愛上ORGANIC﹐買蛋又買有機﹐肉又有機﹐生果又有機。。。不過有機食物比平時買o既食物貴好多﹐真係唔可以成日買唔係會破產!
- Oct 12 Mon 2009 04:50
尋呔記+失散小學同學重聚
幾時都覺得blog同facebook真係現世紀兩樣好好o既野!BloG+ FB真係帶比大家好多分享o既空間﹐甚至比你搵返失散好耐好耐幾乎連名同樣都唔記得o既小學同學!不過有好多野都係緣份!
早響好幾年前﹐我老公響一個Subaru o既forum認識左一個同樣鍾意掃把佬o既車友﹐然後又無意留意到佢個相簿﹐o個時我老公就話呢條友影相幾靚﹐叫我睇下﹐於是我就去八卦下啦!D相係影 得幾靚下﹐不過吸引我o既係呢位人兄同女朋友求婚DIY﹐我覺得呢個男仔真係好有心思﹐掂呀!!原來佢有個blog架wor(又係我個八卦老公話比我知) 我開始睇佢個blog時(正確黎講應該係佢同佢老婆o既Blog)佢地已經結左婚仲有埋BB tim!
- Oct 10 Sat 2009 04:46
又去Get away~~
我d外遊蟲又發作!!!!
呢幾日我同老公去左久違了o既SFO﹐處處食處處hea~~同埋meet左傳說
- Aug 30 Sun 2009 08:03
小病是福
呢幾個禮拜每日早晚一劑苦茶係我o既功課!!我已經練成一口氣飲哂一碗~以前飲少少廿四味都會作嘔o既我而家叻左好啦! 唔知點解一直以為自己身壯力健﹐中氣十足原來身子係o甘鬼弱o甘鬼渣屎!!
唉......不過病都有個好處﹐知道我老公好錫我!因為大部份o既苦茶都係佢煲o既﹐連煎葯到洗煲到分葯都係佢一腳踢!!閒閒地煲一次葯都要兩三個鐘﹐少dd耐性都唔得!!
- Aug 01 Sat 2009 05:40
菲菲@掃把佬WRX GAME
禮拜六帶左菲菲去SUBARU WRX event﹐因為佢地個Event 係Pet-friendly﹐不過可能太遲去﹐無遇到好多狗仔朋友!呢日都唔算太熱﹐不過都熱到菲菲唔肯行!一入到有冷氣o既tent就死都唔肯去黎﹐一 出返室外就搵地方遮陰﹐又係扒響地唔肯行!!比佢激死!!!
- Jul 22 Wed 2009 03:01
車路士vs國際米蘭
完全無football sense o既我跟左朋友仔去睇波!除左碧咸﹐朗拿度之外﹐我就唔識任何足球明星﹐除左皇馬﹐我就唔識任何足球隊!!去睇波實屬柴娃娃!!!呢場友誼賽一D都唔好睇 ﹐D球員好hea﹐都唔認真踢!! 大部份時間都係d觀眾玩下人浪﹐執下球員踢出界o既波!!都唔好玩o既!!!
- Jul 17 Fri 2009 02:49
華氏100度的婚禮
參加一個認識好耐o既朋友仔o既婚禮!天公造美﹐風和日麗仲好鬼熱!!熱到溶~~
上半場我客串做左其中一個影相妹﹐原來影相都幾辛苦﹐四處奔走﹐又要就位又要配合角度﹐所以婚禮攝影師賺o既都算係辛苦錢!!由於上半場太累﹐下半場我地就做觀眾﹐唔影啦!!雖然累不過都好開心可以幫到朋友仔留低美好回憶都值得! 
- Jul 04 Sat 2009 02:35
又到July 4th
最近o既yahoo blog好慢好慢﹐慢到唔想update!!
一年一度o既july 4th﹐又係去我地o既老地方Huntington Beach BBQ!!!我老公大大話話都響呢渡過左佢起碼8年+ o既JULY 4th﹐因為好少BEACH可以BBQ﹐所以年復年都係呢個老地方!!
- Jun 30 Tue 2009 02:22
鳥大便與保健
保健食品都唔係幾o岩我呢D唔係o甘健康o既人食!!
話說隨著年紀開始一日一日o甘變老﹐又覺得身體好似無以前o甘好﹐體力不足﹐成日覺得累﹐於是我就開始整下D坊間話保健o既天然食品! 但係我呢個人對食物o既味道好敏感﹐又好偏食﹐唔好食o既野勉強迫自己食係會食到反胃!!
- Apr 12 Sun 2009 13:52
睇中醫
上個禮拜去睇一個朋友介紹o既中醫﹐聽聞佢係一個上海婆﹐不過好惡﹐成日鬧人!! 我其實就無咩大病痛﹐只係早前早晚班一齊做攪壞左身體﹐而家個心唔係幾好﹐所以想去睇中醫調理!!仲有幾廿年人要做(好彩o既話)我唔想副engine o甘快玩完!!呢個中醫響china town﹐(黎左o甘多年﹐都去唔夠十次) 等左一陣就見醫師!
可能我係有D醫科底o既人﹐所以就問左佢好多問題﹐嘩!!!唔問無野﹐一問大穫!!比佢寸我﹐話我當佢係心理醫生﹐ 做咩鬼o甘緊張(我其實唔係好緊張﹐只係想得個知字)唸住問佢要飲幾耐葯﹐佢就反問我:"o甘你買張機票係坐幾多次?" 同行o既朋友係下一個比佢診症﹐即時學醒目左﹐唔再問佢o甘多問題﹐唔係又比佢寸爆!! 以我性格﹐比人寸成o甘﹐點都唔會再返去架啦!!不過中醫唔同西醫﹐唔係一時三刻可以好﹐所以我就再返去睇佢﹐睇下佢係咪o甘有料子!!
- Oct 10 Fri 2008 02:02
我想身體健康
可能壓力大﹐工作又忙﹐個人抵降力差左﹐結果。。。又病!!都係D喉嚨痛之類o既小事﹐本來唸住見到醫院D醫生時叫佢地開D葯比我就算﹐費事去睇醫生又要 等!!不過被我屋企o既二號話事人強力要求下﹐終於都係去左搵家庭醫生﹐順便做埋一年一次o既身體檢查!! 唔去無事﹐ 一去就出事﹐今次檢查又比醫生搵到D衰野!!上一次又係﹐無啦啦比佢發現身體有D異樣﹐結果要捱一刀!!今次應該唔駛捱一刀﹐不過都嚇親我!!每次去睇我 個家庭醫生總會比佢捉到D毛病﹐都唔知係咪黑仔!!不過我好感激佢成日都有"新發現"﹐等我早早去處理佢!!遲D食完葯可能會去睇下專科醫生。。。。而我 o既兩份工生涯亦會好快完結﹐因為除左身體變差﹐仲引發好多問題!!響屋企人o既極力反對下﹐我要quit一份啦!我o既悠長產假plan又泡湯 啦。。。。不過身體健康幾時都係最重要﹐我本來以為自己可以捱得下﹐點知身體o甘快投訢﹐無計啦~但係我仍然唔會放棄我o既Maldives大旅行!!加 油!!
- Oct 01 Wed 2008 01:53
熱到爆炸
- Sep 29 Mon 2008 01:49
It's a BOY!
今日我做左人地契媽咪~~哈哈~
當我收到BB老豆電話話就生得時﹐我有種莫明o既興奮﹐雖然每日都幾乎會見証好多BB出世﹐不過自己o既好朋友要生﹐ 感覺就有D唔同~於是我 即時飛車去醫院啦!!點知個護士唔比我入﹐話push緊﹐費事我朋友仔分心x__x 我自己間醫院就無o甘嚴﹐只要個patient ok就可以入去! 最後我同幾個朋友企左響hallway度等﹐好似拍戲o個D 爸爸響產房門口等個仔出世﹐好攪笑!! 最後BB都順利出世﹐健健康康仲好得意tim﹐似媽咪好大隻眼仔!! 大家都好開心﹐爭住同BB影相!! 我都好登我個朋友仔開心^^之後我又衝衝忙忙o甘返工﹐好彩唔係好忙﹐嘻嘻~
環遊世界 (16)
