小娜執媽的部落格

今日參加朋友o既Baby shower﹐算係第一次有同年紀o既朋友做爸爸媽媽!! 身邊真係有好多好多朋友要結婚生仔﹐特別係今年!!(又話今年係盲年)時不時就聽到唔知呀邊個幾時結婚﹐呀邊個幾時又生啦﹐真係唔認老都唔得!!我地呢個 年齡大概係適婚同適生年齡吧﹐亦係最有衝動同憧憬婚姻o既時候!!我覺得過左呢個階段﹐可能對結婚生仔就會少左好多憧憬﹐因此好多明星藝人朋友拍拖十幾年 都未結婚就係呢個原因﹐過左度氣!!

我呢~曾經響畢業之後一段時間好想好想超想生個B﹐可能係o岩o岩出黎做野﹐日日都見到好多BB出世﹐D爸爸 媽媽好開心好幸福。不過呢份熱情而家已經退卻不少﹐因為我明白"生個B"唔等於"幸福"呢回事!人大左﹐出黎做野後﹐責任大左好多!!而家出街食飯要做比 錢o個個﹐再唔係呀媽呀姨比啦(雖然同老豆出街仍然係佢比)同D細o既出去就更加唔駛講!!仲有一個四星級的家都改變左我唔少睇法!雖然都仲會想生BB﹐ 不過再唔會好似以前o甘心口勇字生左出黎先算!!

而家我比較想吃喝玩樂遊出玩水多D!!(真係一個自私自利鬼^V^)