小娜執媽的部落格

終於開始我第二份工o既orientation啦﹐從今開始我唸都 好少機會再聽到人地話我"o下?你又off? 你今日又唔駛返工啦?"!! 響美國做護士時間真係好flexible﹐Full time一個禮拜三日﹐雖然係12個鐘頭shift﹐不過仲有四日可以休息!!感覺好似做緊Part time o甘!我一向o既唸法都係做一份full time就得啦﹐輕輕鬆鬆又夠生活﹐唔知幾時開始我突然抽起條筋想搵second job! o甘o岩又有同事介紹﹐仲要係day shift﹐唸下唸下﹐就去左Interview!!

雖然現階段係好辛苦﹐三日night﹐兩日day shift﹐一個禮拜六十個鐘!如果計返八個鐘一日﹐我一個禮拜就做左7日半o既野!聽落好似好搏o甘!!哈哈~又好似係wor﹐不過呢個係一個好好o既 機會比我轉返day shift!將來有家庭﹐做日頭始終正常d! 其實我都只不個係小搏﹐我有同事一個禮拜做足六日12個鐘夜班﹐返到屋企就真係o訓同食!好似無左life。。。五日應該係Maximum!!不過一唸到 每個禮拜都收到Paycheck o既時候﹐又當你無咩時間shopping買野o既時候﹐你戶口o既數字就會急劇上升!! 都係一個好大o既推動力!一年去兩次旅行係我工作o既大動力﹐為左我o既Maldives水上屋之旅﹐我會努力架!!

我好多謝我爸爸﹐成日叫我唔好辛苦自己﹐好關心我會唔會太辛苦!! 後生嘛﹐搏下捱下世界啦!!比起佢o既辛苦﹐我o個D濕濕碎啦!

不過我呢個夜遊人習慣左夜間出動﹐呢幾日晨o甘早o既orientation真係好想死呀!!!!每日面對生 仔又或者特發事件其實都有唔少o既壓力 ﹐我身邊o既人,please bear with me!!我可能會比較Fussy(其實平時都已經係好fussy,haha)