有好多朋友陸續回流返香港工作﹐其實我都成日想返香港生活!!不過又唔捨得我o岩o岩先苦心經營o既四星級的家﹐又明知香港做野一定辛苦過而家﹐人工又可能少D﹐做野又多D!!唉~好矛盾!!
一來覺得我唔應該放棄我呢份一星期做三日o既工﹐o甘蠢返去一至五﹐日日至少八個鐘OT又無補水﹐但係我又想響後生時過返D後生仔女o既生活﹐因為呢度實在太安逸﹐似退休生活o甘!點算?
新居入伙，試住中~
- Nov 03 Tue 2009 06:53
香港情意結
- Nov 01 Sun 2009 06:44
台南高雄時鐘酒店之夜
聽朋友仔講台灣o既時鐘酒店好靚好多唔同o既主題一定要去試住﹐於是我地就叫佢地介紹我地入住兩間分別響台南同高雄o既汽車旅館啦!價錢其實同一般四星級o既大型酒店差唔多﹐響台灣人黎講算係貴架啦!不過汽車旅館就多花款D﹐得意D!
- Oct 30 Fri 2009 06:34
高雄台南美食篇
今次三日兩夜o既旅程﹐得到台灣朋友仔o既熱誠招待﹐帶我地食左好多好味o既地道小食﹐進補餐﹐海鮮等等~~某程度上我覺得高雄同台南o既美食仲好味過台北哩!!而且佢地比台北人熱情﹐當地消費又低﹐真係好值得去!
- Oct 29 Thu 2009 06:31
肚皮的秘密
仲記得第一次做學生時入手術室睇剖腹生產﹐心情好興奮﹐因為覺得一 個生命從另一個生命o既肚皮裡面出黎﹐感覺好奇妙!臨入OR前﹐我professor仲問我有無食早餐﹐頂唔頂得順!!我話無問題﹐唔怕血!!!第一次目 睹整個開刀過程都唔好講笑﹐有D暈暈地!!暈暈地唔係因為我怕血﹐而係太緊張加上帶住口罩好焗唔係好慣! OR裡面好凍好凍﹐因為低溫可以防止細菌o甘易滋生﹐開刀時用o既電槍(Bovie)又傳黎陣陣o既"火羅"味﹐第一次聞好臭!!當然而家我已經聞到慣哂 啦!
- Oct 27 Tue 2009 06:25
喪食新加坡二三天
黎新加坡o既遊客好多都一定會去聖濤沙(一個渡假小島)﹐我地呢d遊客仔當然都係跟住鴨仔團路線啦! 去Sentosa之前我地又去左另一間食海南雞飯出名o既餐廳﹐今次唔駛排隊啦﹐仲有冷氣tim!去呢間文東記都唔算好方便﹐搭完MRT仲要轉的士!海南 雞一樣滑滑﹐不過我地兩個都覺得天天好食D! 食完之後我地膽粗粗試下搭巴士去Sentosa必經o既Vivo city﹐我自己一個就肯定唔會搭巴士﹐女仔比較路痴d﹐如果老公唔響度一定唔知車左我去邊! VIVO city係一個好大o既shopping mall﹐行左陣先坐cable car去sentosa!
行行逛逛左大半日﹐都係以觀光為主!晚餐先係重頭戲﹐我地去東海岸食胡椒蟹﹐海鮮!!!!我最愛!!! 其實東海岸有D似西貢﹐近海﹐做遊客生意為主﹐所以D價錢都唔平架!!不過呢一餐海鮮餐填飽左我個肚仔同埋心靈上o既海鮮癮!!
- Oct 26 Mon 2009 06:10
新加坡喪食之旅第一天
玩完馬爾代夫好多人都跟手去埋新加坡!!!因為離開馬代一定會經過新加坡轉機!我地都一樣﹐順道玩左3日2夜﹐主要此行以食食食同食為主!
新加坡旅遊局最近有好多旅遊優 惠比外國人﹐好似機場免 費接送到指定酒店﹐又比好多市內觀 光﹐旅遊景點o既優 惠票我地﹐所以好多地方都唔駛錢入場!人人都話新加坡係一個整潔o既城市﹐其實又無我想像中o甘乾淨﹐不過比起香港就企理好多啦!
- Oct 25 Sun 2009 05:57
Rainy Paradise
馬爾代夫之旅係once in a life time點都去一次o既地方﹐因為呢度真係好靚﹐好寧靜﹐好舒適好放鬆o既地方﹐加上地球暖化﹐唔駛好耐馬爾代夫就會被上升o既海水浸沒﹐陸沉啦! 同埋呢個地方係情侶或夫妻勝地﹐好少好少一家大細黎o既﹐趁而家仲係二人行﹐當然要去呢D二人世界o既地方啦!本來以為九月o既馬爾代夫已經過左雨季﹐不 過我地今次都唔係見到太陽伯伯好多時間﹐呢個係一個小小o既遺憾﹐亦係一個好藉口比我地再黎過!!
- Oct 24 Sat 2009 05:48
馬爾代夫之風土人情
馬爾代夫其中一個自費活動"local island experience"係去我地resort附近o既一個當地人住o既小島﹐參觀下佢地o既風土文情!馬爾代夫比人感覺好似一個世外桃源﹐高級渡假勝地o 甘﹐但係其實佢地本土人係好樸素﹐生活好簡單!大部份人都係以捕魚為生﹐或者從事同海有關o既工作又或者去resort打工﹐ 而女人就多數留響屋企持家!全個island都係沙灘﹐面積唔大﹐而住o既房屋都好簡舊﹐同D resort比真係形 成一個好大對比!雖然兩個鐘頭就未真正體驗到佢地o既生活﹐不過都大開眼界!
- Oct 22 Thu 2009 05:45
早產
何謂早產呢?
正常足月o既BB應該37週之後先會離開媽媽個肚仔﹐不過唔係個個BB都可以等到足月!基本上37週前出世o既都叫早 產!成日聽D人講﹐哎也我BB早產呀﹐於是我問早左幾多呀? "比預產期早左一個禮拜"其實o甘唔算早產!!因為計算預產期時﹐醫生往往會以LMP(Last Menstrual Period) o既第一日開始計打後o既40週﹐不過正常黎講月經後第14日先會有機會受精成孕﹐所以所謂o既預產期一般都計早左!
環遊世界 (16)
