小娜執媽的部落格

我地一家一致通過要帶菲菲去割左粒瘡﹐因為有越來越大o既情況!自上次菲菲做絕育手術時差D入左鬼門關﹐所以雖然今次唔係咩大手術﹐但係我地一家都好擔心菲菲!

響手術前一晚大家都同菲菲合照又陪佢玩﹐佢完全唔知第日要去"痛痛"!12點之後就唔可以飲水食野啦﹐不過呢樣唔緊要因為菲菲同爸爸一早就開左鼻寒立體聲﹐兩隻野一齊轟炸我!

第二朝一早7點﹐由姐姐同爸爸o既陪同下到達vet center﹐一入門聽到裡面d狗仔響度哀號﹐菲菲都緊張起黎﹐ 坐立不安o甘! 其實手術係12點到4點進行﹐晨o甘早去係要抽血同埋比佢地觀察一陣!最後菲菲被人抱走時﹐佢流露著一副"唔好唔要我" o既樣﹐真係好唔捨得!!

四點幾vet center o既人打黎話菲菲手術成功可以返屋企啦﹐YEAH!!一身鬆哂!!

準時去接佢返屋企!隻衰豬一見到我就擺哂尾巴﹐好開心o既樣!!不過一上到車﹐就"令"轉面唔睬我﹐返到屋企飯又唔食水又唔飲﹐自己摺埋自己一邊!!唉.....好似嬲左我地o甘呀!!我唸佢一定仲係好痛啦!!

菲菲快D好返啦﹐姐姐最多醒兩條雞條比你啦!!

++++++++++++++++++++++++++++手術前一日+++++++++++++++++++++++++

做咩寸貢貢

同姐姐玩到癲哂!!

菲菲慘遭拉面皮

與家庭成員合照

+++++++++++++++++++++++++++手術當日+++++++++++++++++++++++++++

o甘大粒點可以唔割!!

好眼訓呀!!姐姐o甘早帶我去邊?

晨早流流去街街有古怪

仲未知死

菲菲: 姐姐!!救我呀!!我唔要留響度!!

+++++++++++++++++++++++++++++手術後+++++++++++++++++++++++++++

眼有淚光

嬲左