馬爾代夫之旅係once in  a life time點都去一次o既地方﹐因為呢度真係好靚﹐好寧靜﹐好舒適好放鬆o既地方﹐加上地球暖化﹐唔駛好耐馬爾代夫就會被上升o既海水浸沒﹐陸沉啦! 同埋呢個地方係情侶或夫妻勝地﹐好少好少一家大細黎o既﹐趁而家仲係二人行﹐當然要去呢D二人世界o既地方啦!本來以為九月o既馬爾代夫已經過左雨季﹐不 過我地今次都唔係見到太陽伯伯好多時間﹐呢個係一個小小o既遺憾﹐亦係一個好藉口比我地再黎過!!


我地stay呢幾日除左第一日係有猛烈o既太陽之外﹐其餘o既時間都頻頻遇上大雨﹐特別係一早一晚﹐一定落 雨!有時無啦啦又會刮起大風雨﹐天氣好變幻莫測!!亦係因為落雨o既關係﹐海水能見度比較低﹐感覺唔算好好好清﹐不過都仲係藍色!!海面上都幾大浪﹐令我 地無得時常去浮潛!除左天氣之外﹐我覺得我地今次o既Trip真係好圓滿架啦!或者下次我地會等到10月至11月先去~

1

清晨一個人看雨好浪漫(當時我老公仲同周公打緊機)

2

五分鐘內由晴天變橫風橫雨

3

如果落雨﹐resort o既人就會用呢D車仔車你返房

4

無得落水x__x

********************************小插曲*********************************
Resort 唔係用插卡式o既鎖匙﹐係用傳統式o既鎖匙!有一日我地外出食野﹐一鎖完門我老公好瀟灑地一fing﹐成條key離開左個鎖匙扣跌左落印度洋!!!我地即 時話比reception知﹐不過佢地只係派人黎望望未有即時行動跳落水執返﹐幾個鐘之後佢地先派"娃人"黎搵﹐最終都係搵唔返﹐我唸係比浪沖走左啦! 到最後一日埋單﹐佢地居然charge我地$90美金﹐因為我地整唔見左條key﹐我地當然覺得唔合理﹐因為係佢地個鎖鎖匙扣鬆開左令我地跌左落水﹐後尾 佢地都無收我地錢﹐條氣先順返!!

5

飛KEY落海

67  

你太遲啦!!娃人先生!

**************************************************************************

我地對Angsana Velavaru 都算滿意﹐只係IOV仲新﹐好多服務上o既安排仲可以成熟D!另外一個surprise到我地o既係入住IOV o既客人9成9都係亞洲人!!!70%香港人﹐20%韓國人﹐9%日本人﹐1%係外國人!!令我懷疑係咪香港去IOV係咪有promotion?? 平時食飯四周圍都聽到廣東話﹐呢樣就令我地無得大大聲講人壞話!!!哈哈~~總括黎講都有85分!!

arrow
arrow
    全站熱搜

    obsiuna 發表在 痞客邦 留言(0) 人氣()