小娜執媽的部落格

何謂早產呢?

正常足月o既BB應該37週之後先會離開媽媽個肚仔﹐不過唔係個個BB都可以等到足月!基本上37週前出世o既都叫早 產!成日聽D人講﹐哎也我BB早產呀﹐於是我問早左幾多呀? "比預產期早左一個禮拜"其實o甘唔算早產!!因為計算預產期時﹐醫生往往會以LMP(Last Menstrual Period) o既第一日開始計打後o既40週﹐不過正常黎講月經後第14日先會有機會受精成孕﹐所以所謂o既預產期一般都計早左!

早產有咩預兆呀?
1.子宮有頻密收縮
2. 穿羊水
3. 流血見紅

我接過最細o既早產B係24週﹐BB出世只有僅僅一磅﹐同隻手掌差唔多大!當然BB一定即時送去NICU(BB深切治療)搶救!越早產o既BB能生存成長o既機會就越少﹐就算長大後都可能會有學習障礙﹐或者其他併發症!

我地就最擔心早產B o既肺仔!因為肺係B最後完成發育o既器官!早產B o既呼吸系統一般都比較差﹐好多時都要先用儀!!

處理方法
如果媽媽懷疑作早產入院o既話﹐首先我地會響子宮頸提取一d分泌﹐驗下媽咪係咪真係作早產!如果係positive﹐即係代表媽媽響7日內生產o既機會高﹐一定要留院!!

我地會要求媽媽o訓床休息﹐儘量唔好起身﹐以免stimulate子宮頸張開!然後我地會幫媽咪打類固醇針﹐作用係增加BB肺泡裡面o既潤滑劑﹐等BB肺泡唔好黏埋一舊澎漲唔到﹐影響呼吸!醫生亦會開抗生素比媽咪﹐預防感染!!

不過如果BB係細過10週早產。醫生通常只會當係自然流產﹐因為BB生存機會太低!其實BB留響媽咪肚仔一日就等於響氧氣箱住三日﹐所以準媽媽一定要提防早產!懷期間唔好粗勞啦﹐家務等老公攪掂!!雖然而家醫學現達。好多早產B都可以健康成長﹐不過預防勝訴治療嘛!!