小娜執媽的部落格

有好多朋友陸續回流返香港工作﹐其實我都成日想返香港生活!!不過又唔捨得我o岩o岩先苦心經營o既四星級的家﹐又明知香港做野一定辛苦過而家﹐人工又可能少D﹐做野又多D!!唉~好矛盾!!

一來覺得我唔應該放棄我呢份一星期做三日o既工﹐o甘蠢返去一至五﹐日日至少八個鐘OT又無補水﹐但係我又想響後生時過返D後生仔女o既生活﹐因為呢度實在太安逸﹐似退休生活o甘!點算?

隻身黎讀書做野好似好自由o甘﹐其實我都好miss一班親戚成日出黎飲茶食飯有傾有講﹐仲有我o既爸爸媽媽﹐一年至 多見一個禮拜﹐就係我返去o個幾日﹐我呢個衰女仲要日日去街去到三更半夜!爸爸仲唔駛講﹐因為太忙﹐一年就係見o個兩餐飯!! 有left out o既感覺﹐好想返去一個真係屬於自己o既地方!!響美國雖然都有屋企﹐不過始終對呢個悶蛋國無咩歸屬感!!覺得寄人離下!!或者有一日﹐我會唔理一切顧慮 ﹐返屋企!!!一個真係屬於自己o既屋企!!我老公成日話我唔會再慣同人迫巴士坐地鐵﹐其實我地又何嘗唔係迫巴士住"豆潤"屋長大!!我相信我一定會習慣 o既!!

有一天..........我會回家的!!

今日暫時未得住﹐唯有返去喪食解相思!!

我個Greentea coffee好味呀~~仲有homemade Mango cheese cake^^

下午茶餐鴨胸意粉+coffee都係四十蚊唔駛

值得推介上環Soft Aroma﹐好cozy o既cafe﹐食物飲品都好味!!仲有個靚仔老闆!!Aiya~比佢發現左我影相tim~~

Hubby's Shakarado

COVA@又一城

平有平食﹐旺角街邊牛雜粉﹐$13一碗都好味架~

綠茶綿綿冰@旺角糖百府

九龍城金滿堂

Hubby's afternoon snack!!!!!!!!!!!!

荃灣廣場夏麵館﹐呢個蟹粉good哩!

都係松記o既芒汁綿綿冰最好味(好味過台灣)

中環金鳳﹐燒鵝米下午茶$20

呢個係我為佢生為佢死o既叉燒+去骨海南雞飯@又一城皇府

我地慕名而去一嘗奶茶大賽第二o既元朗大發茶餐﹐o個度o既奶茶果然香滑~山長水遠九唔搭八地去元朗﹐就係為左呢杯奶茶!!