小娜執媽的部落格

黎新加坡o既遊客好多都一定會去聖濤沙(一個渡假小島)﹐我地呢d遊客仔當然都係跟住鴨仔團路線啦! 去Sentosa之前我地又去左另一間食海南雞飯出名o既餐廳﹐今次唔駛排隊啦﹐仲有冷氣tim!去呢間文東記都唔算好方便﹐搭完MRT仲要轉的士!海南 雞一樣滑滑﹐不過我地兩個都覺得天天好食D! 食完之後我地膽粗粗試下搭巴士去Sentosa必經o既Vivo city﹐我自己一個就肯定唔會搭巴士﹐女仔比較路痴d﹐如果老公唔響度一定唔知車左我去邊! VIVO city係一個好大o既shopping mall﹐行左陣先坐cable car去sentosa!

行行逛逛左大半日﹐都係以觀光為主!晚餐先係重頭戲﹐我地去東海岸食胡椒蟹﹐海鮮!!!!我最愛!!! 其實東海岸有D似西貢﹐近海﹐做遊客生意為主﹐所以D價錢都唔平架!!不過呢一餐海鮮餐填飽左我個肚仔同埋心靈上o既海鮮癮!!

本來想去另一間Food center食糖水﹐點個比個懞盛盛o既的士車左我地唔知去邊﹐攪到無得食! 唯有去一個加插行程布吉士﹐呢度有D似旺角﹐係年輕人聚腳o既地方﹐又有好多小食同埋賣衫o既地方﹐價錢係女人街價﹐quality我覺得好過女人街啦!

最後一日響新加坡都係買下手信仔﹐食當然唔少得啦!最後o既一個早餐﹐呀坤咖椰食吐司!最欣賞佢地o既水煮蛋﹐點都研究唔到點整先可以令隻蛋打開出黎個蛋白係半生熟而黃係生呢?

三日兩夜o既喪食之旅就係o甘食完左啦!

半隻海南雞夠兩個人試下味﹐響新加坡係唔可以比一種食物質飽自己﹐樣樣都試少少就會食到好多啦

巴士票

To Sentosa~~

新加坡o既第二個魚尾獅

呢架唔知叫咩o既車仔﹐唔駛用電﹐由車上"碌"你落山

Vivo city o既Food court﹐下午茶: 哪沙同埋囉渣

北海道空運北寄貝

主角黑胡椒蟹﹐下次可以試下chili crab﹐多汁d

大聖子

宵夜: 榴槤三粒+五色益力多(最好飲都係原味)

*************************************************************************

最後早餐食呀坤吐司

叔叔話水煮蛋要加豉油同胡椒粉先好食

去到機場都要食多餐﹐死未!

手信