小娜執媽的部落格

又到左出動搵好野食時間!是晚我親愛的比左一個anniversary surprise(其實都唔係咩surprise﹐因為我知實有好野食)

日本簡直係一個美食天堂﹐特別係甜品﹐靚到好似一件藝術品!!本來己經預備每一餐都要有甜品到肚﹐點知眼闊肚窄﹐已經盡食啦!!!

Aiya..........越唸就越想去!!!STOP!!!努力工作呀!執媽小姐!!!有得做先有得食!!!(雖然我仍然好期待下一次再去日本﹐我發誓一定唔會要自己等太耐!!!)

十一月中到十二月頭係日本紅葉盛放o既日子﹐有幸我地可以睇到唔同地方o既紅葉~兩個人暫時忘記原宿o既竹下通﹐築地o既壽司﹐欣賞美麗o既紅葉~~嘻嘻~~Relax desu!!

搬入四星級的家差唔多兩年幾啦﹐今年係第三個聖誕節啦﹐從來都未為屋企佈置過聖誕樹!!早前因為結婚裝修再唔係出左國根本就無真真正正響呢個家過聖誕節!呢個聖誕我地會最痴家﹐聖誕樹終於有機會黎我地屋企啦!

由於太多相o既關係﹐而每篇blog又只能upload 20 張相﹐所以只能介紹部份得意o既courses~

適逢今年係第一年o既結婚週年紀念﹐我當然不忘surprise我的親愛的! (我其實係一個好浪漫o既人﹐如果係男人o既話一定罧死唔少女﹐哈哈)

黎到日本旅行shopping係在所難免﹐但係要我地日日涉谷原宿行足o甘多日就肯定會死人﹐荷包先死!去近郊行下食下比較輕鬆D﹐所以我地今次旅行去左唔少公園同埋一個小遠行-->江之島~

由新宿直接搭小田急特急車就可以去到藤伬再轉江之島線一個鐘就會到江之島!同搭浪漫特快o既時間差不多﹐價錢平少 少!不過就要停幾個站同有可能無位坐!其實我會鍾意坐浪漫特快多D因為唔駛轉車﹐架車又新又舒服﹐黎到近郊遠行都係想relax下﹐無謂同人迫車啦!但係 浪漫特快班次比較疏d﹐所以要上網check定schedule先去車站!同埋記得要買江之島週遊票﹐抵好多架!!連去江之島o個程特急車﹐去到江之島後 搭o既江之電都包埋﹐慳返唔少!

我地o既速食東京之旅﹐由新宿開始亦由新宿結束...............

每次去旅行前總會有一刻突然抽離症候群﹐即係完全唔覺得自己要去遠行﹐唔想執行李﹐唔想routing等等!!返完三日工好累﹐希望唔會影響心情去玩啦!!求求其帶左幾件衫﹐一d日用品﹐仲有我幾本天書!!

今次我要買多d野﹐食多d野﹐因為上次買得太少啦﹐哈哈~