呢排睇forum﹐好多人都話kelly chan個B太細粒﹐完全係因為佢太錫身怕肥唔食野所致!!以kelly個身形﹐個B就真係細粒d o既! 我D patient就算細粒到五呎唔夠都起碼生到個6磅幾B!!我唸佢係唔想自己肥﹐所以食得好少﹐影響左個BB!
新居入伙，試住中~
目前分類：OB小百科 (33)
- Jul 26 Sun 2009 02:59
到底懷孕要增磅幾多好呢?
- Jun 28 Sun 2009 02:23
親子黃金一小時
初生BB真係好鍾意o訓﹐有陣時想叫醒佢地都唔容易!! 我地去探朋友仔初生o既B大部份都o訓緊覺豬唔肯開隻金眼比姨姨同叔叔睇下!無計啦~o訓覺對初生嬰兒o既成長係好緊要﹐唯有等佢地長大幾個月先有得玩!
不過我短短o既產房經驗話我知﹐其實BB一出世後o既個零鐘頭﹐係BB最alert最精神o既時間。每當醫生幫媽咪生 胎盤o既時候﹐我就會暫時分開媽咪同BB一陣﹐同佢地搽眼葯膏(消炎作用﹐因為經由產道出世o既BB有機會感染陰道內o既病菌)同埋打針針!!呢個時候我 都會將warmer o既燈熄左﹐十個有九個B就會張開佢地隻眼仔﹐第一次望下呢個世界!! 雖然初生BB睇唔清楚遠野﹐不過媽咪o既聲音佢地係認得o既!所以爸爸媽媽千其唔好放過呢個黃金bonding一小時﹐最好開始鍡人奶﹐就算唔鍡人奶o既 ﹐都可以將BB skin to skin o甘放上媽咪肚上面﹐一來可以比BB取暖﹐二來可以增加親子關係!!
- Apr 30 Thu 2009 14:05
子宮頸內口鬆弛症(Incompetent Cervix)
前幾日流產o既媽咪患o既係一種叫子宮頸內口鬆弛症(incompetent cervix) o既病﹐通常出現響本身子宮頸先天發育不良﹐又或者人工流產手術做得唔好導致子宮頸受到創傷而鬆弛﹐特別係如果14週後用forcep(產鉗)做人工流產 o既話﹐子宮頸會更容易受傷導致日後有機會鬆弛!!
一般正常健康o既子宮頸係可以承受懷孕所帶來o既重量同壓力﹐但係有子宮頸內口鬆弛症o既媽咪只要搬下重野﹐做少少粗重野就會令子宮頸受唔住壓﹐BB就跌左出黎!
- Apr 19 Sun 2009 14:01
妊娠敗血症(Pre-eclampsia)
上個禮拜BB brain death o既產婦患o既係一種想見o既產科併發症﹐醫學名稱係妊娠壞血症又叫做子癇前症(Pre-eclampsia)!因為如果沒有好好控制,可能會引發產婦癲癇發作,全身劇烈突發性的痙攣,嚴重時腦部缺氧,甚至變成植物人。
- Aug 12 Tue 2008 09:19
點解要拮BB個頭仔?
我終於都有時間掂下個Blog啦﹐呢一排真係工作無時停﹐平時一定上網o既我﹐一日都無一個鐘上下網!!加上 second job o個間醫院超忙﹐一個月生成四百幾個B﹐每日一更12個鐘我起碼自己生兩個﹐全部加埋十幾個﹐一日行好多路﹐每晚放工隻腳都好似唔係自己o甘﹐好似日日由 太子行去TST ﹐超辛苦!!不過我覺得新o既醫院比較哂﹐professional﹐organize d﹐同埋因為係Teaching hospital o既關係﹐好多醫科生跟D大醫生學野﹐自己都有得學埋一份!加上可以做日班﹐生活正常D都值得o既! 不過就係每晚返到屋企就散﹐無咩時間做自己野就要o訓﹐呢樣最唔好!!
- Jul 31 Thu 2008 09:14
產科一號殺手---羊水栓塞(Amniotic fluid embolism)
問返當日照顧o個位不幸patient o既同事先知道原來媽咪係無見過BB一眼就走左!當BB響媽咪個肚度出黎之後﹐patiento既血壓急降﹐仲無埋心跳﹐而當時BB個爸爸仲坐響邊睇住個 老婆出事﹐真係好慘!通常開刀都係半身麻醉o既﹐即係話媽咪之前都仲係清醒﹐突然出事!!唉。。。一秒間﹐生同死一齊發生﹐邊個會接受到哩!!到而家都未 知真正o既死因﹐要做解剖先知!!不過就好似一種產科一號殺手--->羊水栓塞
- Jul 18 Fri 2008 08:37
催生(INDUCTION)
其實好少孕婦會響預產期當日作動生產o既﹐o甘點先為之足月B呢? 當懷孕超過37週(以預產期計)就算足月﹐過左42週就係超過產期﹐產期過左都有一定危險架﹐BB可能會太大﹐胎盤老化等等都對媽咪同BB唔好﹐所以大部 份醫生都會響過左產期之後建議孕婦催生!不過響美國﹐D醫生通常39週之後就叫你催生﹐過左40週就一定會催你生!
- Jul 11 Fri 2008 08:28
開刀定自然生產(二)
剖腹生產(cesarean section/ c-section)即係經由開腹手術，將子宮打開，取出胎兒，稱之為剖腹生產!!
一般開刀手術從入手術室到BB出世通常少過半個鐘﹐整個手術就大概一個鐘頭! 事前準備同普通手術一樣﹐禁食至少8個鐘﹐剃毛﹐通常響美國只會剃一部份﹐唔會全剃﹐插尿管﹐飲胃葯!麻醉方面通常都係spinal(脊髓麻醉﹐都係令你下半身麻醉﹐但比無痛分娩o既麻醉強D)
- Jul 10 Thu 2008 08:26
開刀定自然生產(一)
今日睇一個blog友仔o既 blog﹐大家都係度分享緊到底自然分娩好定係開刀生好? 無何否認近年開刀o既人比以前多左好多﹐而大部份o既都係elective o既﹐即係patient自己request要開刀!特別係香港d明星﹐咩張拍芝﹐徐子淇等等都係開刀﹐攪到開刀變左一個潮流!響以前開刀通常係緊急情況 或者孕婦唔可以自然生o既情況下先會開刀(例如子宮頸唔開﹐產程過長﹐穿羊水太耐﹐催生失敗﹐孕婦本身有病影響生產好似心臟病高血壓﹐BB過大等等)而家 好多人(99。9%中國人)為左怕痛﹐唔想個蘿pat變大﹐擇良晨吉日﹐一o訓醒就可以見到BB﹐仲有D更離譜o既係唔想BB經過產道整大"下面"影響日 後性生活驚老公嫌棄!!!
- Jun 30 Mon 2008 07:08
產後大迷信
中國真係一個迷信o既國家﹐大大小小奇奇怪怪o既迷信野都會有人 信! 好似生仔前同生仔後o既迷信(或誤解)o甘~生仔前o既我都唔係好清楚﹐因為自己一定唔信!產後成日聽老人家講話唔可以沖涼洗頭一個月﹐唔係會入頭風﹐老 左會頭痛!!我以為呢D野後生累累o既年輕產婦唔會信啦﹐點知真係有人o甘做!!我真係五體投地。。。生完仔一身臭汗﹐加上惡露﹐真係沖少一日涼都會成身 臭﹐而且係非常唔衛生!
今日我特登問左兩個中國人醫生﹐問下佢地生完左係咪唔可以沖涼!!佢地兩個都答我唔沖涼o既係傻o既!!根本就係古 時o既人因為無熱水爐無得沖熱水涼﹐所以唯有用凍水沖﹐結果傷風感冒病左﹐所以D古人就話生完仔沖涼洗頭會頭痛﹐其實係因為o甘o既原因!而家廿一世紀﹐ 唔會再有人因為無熱水沖涼而病﹐所以沖涼洗頭樣樣得!一般順產第二日就可以沖涼﹐剖腹就過多一兩日就可以啦! 唔沖涼一個月真係好唔衛生﹐好容易造成傷口發炎﹐下體潰漡!!大家千其唔好試~ 加上如果要抱BB或餵人奶﹐BB都會容易因為唔乾淨而受感染架!
- Jun 25 Wed 2008 07:05
肩難產(Shoulder Dystocia)
好耐都無接過超過八磅o既BB啦﹐今日比我接到一個九磅四o既B仔﹐cuite到暈!! BB真係越肥越得意!!不過唔係個個大隻B都可以順產。一般黎講超過八磅半o既B (by ultrasound)大多數o既醫生會建意開刀生﹐因為BB太大可能無法通過媽咪o既產道出生﹐造成難產!
最危險o既莫過於肩難產(shoulder dystocia) 即係BB個頭出左但係肩膀卡住出唔到黎﹐後果可能係連臍連一齊被擠壓影響氧氣輸送比bb﹐造成bb有危險!其次係BB出黎o既時候可能會因為被壓得太厲害 而令到鎖骨碎裂!! 成因通常係BB太大﹐媽咪盆骨太細!! 我入行之黎都暫時未見過有肩難產﹐好好彩!!
- Jun 16 Mon 2008 06:33
無痛分娩
好忙o既一個晚上﹐我接生左兩個B!!如果唔忙通常一個shift唔會生到一個B﹐生一個等於普通忙﹐生兩個以上係好 忙﹐再加入院收症﹐outpatient等等。。。就會occupied左我12個鐘o既時間!!!好彩兩個都容易生﹐唔駛push好耐就生到!!其實最 累莫過於同patient一齊push o既時候﹐特別係第一胎﹐因為新手唔識點用力﹐加上用埋epidural就更加唔識用力!! 講開EPIDURAL﹐有好多patients都會有好多疑問。
EPIDURAL 即係硬脊膜外腔麻醉(無痛分娩)係用細針(但較脊椎麻醉的針粗)將麻醉藥注入硬脊膜外腔，直接作用於脊髓神經根，而達到止痛的效果。這種麻醉，只會將疼痛 的感覺阻擋掉，對病人的運動神經影響極輕微，病人多半仍能夠自行活動,不過90% o既病人都會出現下半身麻痺﹐好似隻腳唔屬於自己o既感覺!!所以生完之後第一次落床就要小心跌倒啦!
- Jun 14 Sat 2008 06:31
胎盤早期剝離（Abruptio placenta）
上次大出血patient患o既係 Placenta abruptio﹐即係認識胎盤早期剝離﹐對BB同媽
咪都會搆成生命危險!
環遊世界 (16)
