小娜執媽的部落格

今日睇一個blog友仔o既 blog﹐大家都係度分享緊到底自然分娩好定係開刀生好? 無何否認近年開刀o既人比以前多左好多﹐而大部份o既都係elective o既﹐即係patient自己request要開刀!特別係香港d明星﹐咩張拍芝﹐徐子淇等等都係開刀﹐攪到開刀變左一個潮流!響以前開刀通常係緊急情況 或者孕婦唔可以自然生o既情況下先會開刀(例如子宮頸唔開﹐產程過長﹐穿羊水太耐﹐催生失敗﹐孕婦本身有病影響生產好似心臟病高血壓﹐BB過大等等)而家 好多人(99。9%中國人)為左怕痛﹐唔想個蘿pat變大﹐擇良晨吉日﹐一o訓醒就可以見到BB﹐仲有D更離譜o既係唔想BB經過產道整大"下面"影響日 後性生活驚老公嫌棄!!!

我自己本身都係好怕痛o既人﹐如果唔係讀醫﹐我唸我都會選擇開刀生!不過當我知道開刀背後o既危險之後﹐我 都係自己生啦!!而家好多醫生好唔道德﹐成日郁D就開刀﹐明明個patient係可以順產o既都要佢地開刀﹐點解??因為保險會比多D錢佢地﹐對佢地黎講 開刀快靚正﹐又有預算唔駛半夜比人叫醒去醫院接仔!!我響產科一段時間見左好多呢D無良醫生!!當然仲有D醫生係比較有醫德﹐好有耐性幫patient接 生﹐會清楚解釋開刀可能發生o既後遺症!當然自然生都有佢o既危險﹐最常見o既都係大出血!不過一個健康正常o既孕婦係好少出現呢種情況!反而開刀之後大 出血就好多﹐有D仲為左要救媽咪而要割左個子宮tim!

聽日先再講下開刀與自然生o既好與壞﹐因為我要返工啦!!今晚又唔知要接幾多個B啦
!