小娜執媽的部落格

前幾日流產o既媽咪患o既係一種叫子宮頸內口鬆弛症(incompetent cervix) o既病﹐通常出現響本身子宮頸先天發育不良﹐又或者人工流產手術做得唔好導致子宮頸受到創傷而鬆弛﹐特別係如果14週後用forcep(產鉗)做人工流產 o既話﹐子宮頸會更容易受傷導致日後有機會鬆弛!!

一般正常健康o既子宮頸係可以承受懷孕所帶來o既重量同壓力﹐但係有子宮頸內口鬆弛症o既媽咪只要搬下重野﹐做少少粗重野就會令子宮頸受唔住壓﹐BB就跌左出黎!

準媽咪盡量唔好響懷孕頭三四個月做太多粗重野﹐多D休息﹐家務留返比老公做啦!!如果本身有慣性流產o既媽咪就更加 要小心﹐必要時要o訓床休息tim!!有嚴重宮頸鬆弛o既媽咪為左保住個B就要去做子宮頸縫扎手術(Cerclage)﹐將子宮頸縫埋先﹐等到要生o個時 先再拆線分娩!

不過唔係個個做左子宮頸縫扎手術之後就可以順利保住個B﹐我呢個patient亦響兩個禮拜前做左子宮頸縫扎手術﹐但係突然下體流血不止﹐個B就o甘無左!所以如果準媽咪突然有見紅跡象就要立刻搵醫生睇睇到底有咩問題啦!流血可能係其中一個子宮頸內口鬆弛症o既先兆!

picture from: http://www.i-am-pregnant.com/encyclopedia/Pregnancy/Incompetent-Cervix