小娜執媽的部落格

問返當日照顧o個位不幸patient o既同事先知道原來媽咪係無見過BB一眼就走左!當BB響媽咪個肚度出黎之後﹐patiento既血壓急降﹐仲無埋心跳﹐而當時BB個爸爸仲坐響邊睇住個 老婆出事﹐真係好慘!通常開刀都係半身麻醉o既﹐即係話媽咪之前都仲係清醒﹐突然出事!!唉。。。一秒間﹐生同死一齊發生﹐邊個會接受到哩!!到而家都未 知真正o既死因﹐要做解剖先知!!不過就好似一種產科一號殺手--->羊水栓塞

羊水栓塞(Amniotic fluid embolism)即係羊水﹐或者胎兒細胞、頭髮、或者係羊水中的其他物質進入了母體的循環，塞住左d血管﹐進而導致母體心肺機能衰竭!!呢個係產科o既 一個大殺手﹐媽咪一旦有呢個病(或者應該叫做反應﹐因為係一剎那發生o既事)死亡率係80%﹐不過病發率係八千至三萬分之一﹐好少人會有呢個 complication﹐其實有就真係好唔好彩﹐可以話係命中注定!發病o既原因仍然係unknown!通常病發前係完全無徵象﹐但係一秒間個媽咪就己 經可以呼吸困難﹐全身抽筋﹐心跳停止!!多數都係分娩o既時候發生~有D research就話開刀生就比較容易發生羊水栓塞﹐因為剖腹產提供左大量羊水進入媽媽血液的機會。

羊水栓塞係無得預防o既﹐所以唔係話食葯更者檢查多D就得! 如果病發時BB仲響媽咪個肚度﹐o甘分分鐘BB都會保唔住﹐但係大多數o既Case都係生完之後出現o既!既然防不勝防﹐都係唔好唸o甘多黎嚇自己。學D老人家話齋:要死唔駛病!!