小娜執媽的部落格

剖腹生產(cesarean section/ c-section)即係經由開腹手術，將子宮打開，取出胎兒，稱之為剖腹生產!!

一般開刀手術從入手術室到BB出世通常少過半個鐘﹐整個手術就大概一個鐘頭! 事前準備同普通手術一樣﹐禁食至少8個鐘﹐剃毛﹐通常響美國只會剃一部份﹐唔會全剃﹐插尿管﹐飲胃葯!麻醉方面通常都係spinal(脊髓麻醉﹐都係令你下半身麻醉﹐但比無痛分娩o既麻醉強D)

開刀o既好處:

1.速戰速決， 減少待產及生產過程的疼痛

2.產道未經胎兒的擴張擠壓， 骨盆的韌帶，結締組織，肌肉比較唔會鬆弛， 日後發生生殖泌尿道脫垂的機會較低，有人話唔會影響日後性生活,我自己就覺得呢個問題好個人性﹐通常D孕婦都係驚陰道鬆馳﹐其實生完之後做陰道收緊運動有幫助(即係忍尿o甘)

3.可以選擇日子時間出世

好啦~到壞處啦.....

1. 產後疼痛較自然分娩明顯

2.出血量較多,產婦在手術過程出血就難免架啦， 若再加上子宮收縮不良，植入性胎盤(通常發生響多次開刀後﹐係非常危險o既)或子宮撕裂傷，流血量就會隨之增加， 甚至造成血流不止，必須切除子宮。

3.有疤

4.藥物過敏反應、休克反應、吸入性肺炎及脊椎性頭痛等。呢D併發症雖然很少發生，但一旦發生，甚至會造成產婦死亡。

5.內臟損傷,可能會響手術過程中唔小心整爆膀胱或者周圍o既器官(我就有patient試過﹐手尾都幾長)

6.傷口有機會感染

7.傷口復原較慢(自然分娩六個禮拜﹐開刀通常係三個月或再多D)

8.因為要插尿管至少兩日﹐尿道感染就會增加或者膀胱一時適應唔到就會短暫性唔能夠自己小便!

雖然開刀後遺症比順產多﹐不過自然分娩都有complications o既~好似產後大出血﹐餓到暈(因為入院之後就要禁食﹐有D產婦因為好耐都未生得出﹐攪到成廿四個或以上
無食野﹐餓到傻左!我建議大家都係食飽先去醫院)又或者子宮頸唔開,生唔出到最後都係要開刀等等﹐不過從醫學角度﹐自然分娩點都係好D o既~

無論係開刀或者順產﹐做人媽咪真係好勇敢﹐好偉大!生仔就好似一隻腳差左入鬼門關真係一D無錯!