好耐都無接過超過八磅o既BB啦﹐今日比我接到一個九磅四o既B仔﹐cuite到暈!! BB真係越肥越得意!!不過唔係個個大隻B都可以順產。一般黎講超過八磅半o既B (by ultrasound)大多數o既醫生會建意開刀生﹐因為BB太大可能無法通過媽咪o既產道出生﹐造成難產!
最危險o既莫過於肩難產(shoulder dystocia) 即係BB個頭出左但係肩膀卡住出唔到黎﹐後果可能係連臍連一齊被擠壓影響氧氣輸送比bb﹐造成bb有危險!其次係BB出黎o既時候可能會因為被壓得太厲害 而令到鎖骨碎裂!! 成因通常係BB太大﹐媽咪盆骨太細!! 我入行之黎都暫時未見過有肩難產﹐好好彩!!
一般有妊娠糖尿病﹐同埋本身過肥o既孕婦BB過重o既機會比較高!所以大肚婆都唔係奉旨增肥架﹐如果唔係難產就慘啦!!以前古代好多產婦都會難產而死﹐不過而家科技發達﹐發生難產o既機會已經好少﹐就算有都好少會有生命危險
全站熱搜
留言列表
環遊世界 (16)
