小娜執媽的部落格

好忙o既一個晚上﹐我接生左兩個B!!如果唔忙通常一個shift唔會生到一個B﹐生一個等於普通忙﹐生兩個以上係好 忙﹐再加入院收症﹐outpatient等等。。。就會occupied左我12個鐘o既時間!!!好彩兩個都容易生﹐唔駛push好耐就生到!!其實最 累莫過於同patient一齊push o既時候﹐特別係第一胎﹐因為新手唔識點用力﹐加上用埋epidural就更加唔識用力!! 講開EPIDURAL﹐有好多patients都會有好多疑問。

EPIDURAL 即係硬脊膜外腔麻醉(無痛分娩)係用細針(但較脊椎麻醉的針粗)將麻醉藥注入硬脊膜外腔，直接作用於脊髓神經根，而達到止痛的效果。這種麻醉，只會將疼痛 的感覺阻擋掉，對病人的運動神經影響極輕微，病人多半仍能夠自行活動,不過90% o既病人都會出現下半身麻痺﹐好似隻腳唔屬於自己o既感覺!!所以生完之後第一次落床就要小心跌倒啦!

半身麻醉常見疑問:

接受半身麻醉之後是否較容易腰酸背痛?

半身麻醉後的背痛發生率與全身麻醉相同，而且絕大部分可自癒。脊椎麻醉的藥效通常在麻醉後兩個小時開始減退，八個小 時後才會完全回復所有知覺。若能在麻醉後的八個小時保持平躺，且能起床後多喝水，慢慢下床活動，較不會有腰酸背痛的狀況產生。一般較容易聽到孕婦提到這個 半身麻醉之後是否較容易腰酸背痛的疑問，其實孕婦容易腰酸背痛是因為孕婦懷孕，在腹部有一個胎兒及相關的重量，導致脊椎必須以與平常不同的彎曲弧度及姿勢 來保持全身的重量平衡。因此在懷孕較後期就容易有腰酸背痛的狀況開始出現。這是生理改變造成的背痛與半身麻醉並不相關。

好多patients以為做無痛分娩之後一定有腰痛﹐其實係唔o岩o既﹐好似上面o甘講﹐因為BB o既重量令到媽咪眼腰椎成受額外o既pressure先會有腰痛﹐都唔係好關打無痛o既原故﹐不過有時麻醉師手勢唔好都會有呢個問題架!!

幾時可以打無痛呢?

因為使用硬脊膜外麻醉，會使第1產程延遲，尤其是子宮頸一開始擴張的慢速期，所以一般的建議，等到子宮頸已經擴張到 3cm時，才開始使用無痛分娩；又因為第2產程時，產婦常因無法感受到子宮收縮，而無法有效用力，因而發生胎頭下降延遲甚或停頓的狀況，所以當子宮頸全 開，要開始靠產婦用力時，一般會建議停掉無痛分娩的使用。

一般第一胎都係3cm之後先 suggest打﹐第二胎就2cm都可以打﹐因為第二胎通常比第一胎快生D!! 點解呢?因為第一胎由陣痛到生o既時間可以長達24-36小時﹐如果太早打,麻葯用得太多會令下身完全麻痺﹐完全無法用力推BB出黎!!到最後push得 太耐﹐媽咪同BB都 tolerate唔到就會要開刀啦!!

確定不再使用硬脊膜外麻醉時，就會將管子移除，移除後需要平躺6～8小時，以防脊髓液外漏，造成嚴重頭痛。至於其他可能發生的併發症，包括短期的低血壓、尿液滯留解不出來、感染造成腦膜炎與較長期的腰痠背痛（一般會自行改善）、頭痛。

以我o既經驗﹐打係好過唔打!!其實打左無痛之後﹐因為整個人o既肌肉都會因為唔痛而放鬆﹐反而令子宮頸比較容易開﹐多數都開得快D! 而家科技發達﹐生仔點解仲要受十級痛呢?由0cm到3cm呢個階段其實都夠你痛架啦!!

不過由於打完無痛之後都下半身麻麻痺痺﹐唔可以落床走動同去廁所﹐所以打完無痛之後﹐我地會幫病人插尿管﹐到生之前先會拎走!!