小娜執媽的部落格

中國真係一個迷信o既國家﹐大大小小奇奇怪怪o既迷信野都會有人 信! 好似生仔前同生仔後o既迷信(或誤解)o甘~生仔前o既我都唔係好清楚﹐因為自己一定唔信!產後成日聽老人家講話唔可以沖涼洗頭一個月﹐唔係會入頭風﹐老 左會頭痛!!我以為呢D野後生累累o既年輕產婦唔會信啦﹐點知真係有人o甘做!!我真係五體投地。。。生完仔一身臭汗﹐加上惡露﹐真係沖少一日涼都會成身 臭﹐而且係非常唔衛生!

今日我特登問左兩個中國人醫生﹐問下佢地生完左係咪唔可以沖涼!!佢地兩個都答我唔沖涼o既係傻o既!!根本就係古 時o既人因為無熱水爐無得沖熱水涼﹐所以唯有用凍水沖﹐結果傷風感冒病左﹐所以D古人就話生完仔沖涼洗頭會頭痛﹐其實係因為o甘o既原因!而家廿一世紀﹐ 唔會再有人因為無熱水沖涼而病﹐所以沖涼洗頭樣樣得!一般順產第二日就可以沖涼﹐剖腹就過多一兩日就可以啦! 唔沖涼一個月真係好唔衛生﹐好容易造成傷口發炎﹐下體潰漡!!大家千其唔好試~ 加上如果要抱BB或餵人奶﹐BB都會容易因為唔乾淨而受感染架!

至於產後進補﹐食人參中葯大保酒o個D﹐醫生都唔建義﹐因為中葯人參等都有少許薄血作用﹐容易產生產後大出血!!而食薑飯或雞酒就問題不大﹐兩者都係可以促進血液循環﹐無傷大雅o既!!