小娜執媽的部落格

招牌咪眼笑

扮嬲

太婆同麻麻都錫到佢農

一企起身就開始 natural high架啦

不過總有喊既可憐樣

拍拍手

斯文look!!

Natto San........你可唔可以笑o既時候隻眼張開D﹐我就黎見唔到你眼朦豬眼啦!!

原來我已經好幾個月無記底Natto o既成長進程!!!再唔寫﹐我唸我實唔記得哂!!

NATTO 7-8個月:

返香港期間大進步﹐唔知係咪見得人多﹐醒目左!!

飲食方面: 比之前響悶蛋國大為進步﹐以前一係絕食﹐一係食得慢到死!!返香港後﹐餵食一口接一口﹐以前食到作嘔o既Baby food都食得非常順利!! 特別鍾意食大家食o既野!!飲茶時最喜歡食包包同埋腸粉﹐追住食!

活動能力: 識得自己響床上翻身!!成功左一次後﹐非常得戚地碌來碌去!!不過只限床上﹐硬地板上都係唔肯翻身﹐極之錫身o既Natto!! 十分保護自己個頭﹐盡一切能力唔比自己個頭撞到﹐一想撞就弓行條腰sit up!哈哈~~ 若然輕輕撞到頭仔就會炸嬌搵人呵返!!
坐得四平八穩啦﹐推都唔跌!!
手指非常靈活﹐可以捉住好細件o既野!有時一粒都可以拎到! 識得左手右手交換物件﹐食餅仔時食完左手又會比右手拎住再食過!

說話方面: 上機個日開始﹐忽然開始講好多BB話﹐例如:Nanana﹐Dadada﹐嗲嗲嗲﹐說話時仲有高低音好似人地朗誦o甘﹐好攪笑!!
識聽菲菲o個名!!一話菲菲呢菲菲呢?佢就周圍望﹐又望地下﹐知道菲菲o既存在!!同菲
菲亦好老死(單向佢同菲菲老死je﹐菲菲一D都唔enjoy!﹐成日去摸菲菲﹐不過有時
肉緊得滯會大力meet菲菲D毛﹐結果比菲菲怒啤!菲菲一郁﹐佢就大笑﹐好過癮)

咩人都跟﹐完全唔怕陌生人﹐不過初頭會比較慢熱﹐熟左就活潑返!

指令方面: 識得聽NO!通常佢做衰野我會同佢講NO然後擰頭示意唔好!!佢一聽到我話NO﹐佢又會擰埋個頭一份﹐然後笑騎騎﹐繼續再攪攪震!!



九至十個月:
返番悶蛋國之後﹐可能真係見得人少無o甘多互動﹐某D方面退步左!!

飲食方面: 開始食比較似大人食o既粥仔﹐不過都係偏食底﹐鍾意食就食得好快﹐十分鐘唔駛一碗粥﹐唔鍾意就慘啦﹐起碼大半個鐘!!仲要衰到含住!!!!真係好學唔學學埋媽媽細個D衰野!
飲水方面:怪人一個﹐始終無成功用過奶樽飲過奶以外o既野!!總之唔係奶o既野就一定要有Spoon餵先肯飲! 比Sippy cup佢就識拎住﹐會放入口不過只會用黎咬同用手玩奶咀!!!吹脹!!!

活 動能力: 九個零三個禮拜﹐終於克服心理障礙﹐踏出第一步﹐學識"冷"啦!!唔再只係向後冷﹐識得向前﹐不過係用腳子趾推行自己﹐唔識用膝頭哥!好鍾意行路﹐拖著佢 手仔就一步一步行﹐似模似樣﹐有時仲想推開你﹐以為自己真係識行o甘!! 仲未識得扶野企起身﹐不過你幫佢企起身先﹐佢就可以企好耐!

說話方面: 都係一大堆BB話!!不過有時大聲有時細聲﹐好似講緊野o甘﹐有語氣啦!嬲同不滿同開心時既BB話有好大分別!!

指令方面: 而家識得Byebye﹐拍手﹐同埋玩"嘩嘩嘩"(好手拍自己個咀發出嘩嘩聲),仲有識得自己拎奶樽飲奶(再唔係玩奶樽啦)﹐而家教緊佢飛吻!

o訓覺就退步左啦!!以前自己放床仔玩玩下就會自己o訓著!香港返黎後就一定要響我地大床訓﹐等到o訓著先抱返去床仔!!

現在體重:19磅(25%)
身高:74CM(50%)
頭圍:46CM(50%)

應該仲有D野我唔記得~~唉~小朋友大得太快啦﹐轉下眼又一歲﹐兩歲! 唔記低就係一下子就忘記啦!