小娜執媽的部落格

出發lu~~(點解唔見左Natto?)

Natto第二次搭飛機^_^

上機前嘆返包利賓賓先

一家四口，又飛啦

Natto見到飛機幾開心

由於唔爆，Natto可以自己一個霸一張飛機椅

一個鐘頭機，快到哩!!不過Natto仍然可以極速o訓左

第一餐:"老"第一餐:"老"水牛肉麵(太熱關係，無咩胃口!)

朋友仔介紹老牌台式奶茶，唔用奶精用鮮奶，聽講係第一代奶茶o既味道!!不過我都係鍾意似奶精沖個D，唔健康!

Natto@夜市(好明顯唔係佢杯茶)

夜晚朋友仔帶左我地去一間好UP DUP既小店食河鮮!!好得!!

隻蜆鮮到dum一聲

D蟹又爆羔!!

正!!

晚飯後再黎靚女老味AGAIN!

隻冰燻蛋係糖心蛋，食落有煙燻味，好特別!!臨走時我地又痴左線買左15隻返香港做手信

高雄，第二次去啦!!

有朋友響當地，每次我地都係自由行!!我其實喜歡高雄多於台北，高雄人比較熱情，買野食野都比台北平好多!!而且仲好近好方便，坐飛機一個鐘就到，真係連位都未坐熱就要落機!仲快過去長洲!

呢次高雄之旅係特別加插o既，因為上次我地(兩年前)去探朋友時，朋友仔知我地想生BB，於是帶左我地去"拜拜"(拜神)，話好多朋友想要BB幾年都唔得，一拜左就懷孕啦!我呢D師奶仔，唔蝕底架嘛，咪跟住去拜拜囉!!唔知係真係靈定巧合，拜拜後o既三個月就有左Natto啦!! 我雖然唔係迷信既人(o甘又拜??)，但我覺得求過人地o既野，一定要還!於是響我地個極 tight o既Schedule下都排左呢個高雄Trip!

由於唔係第一次黎(Natto就係)我地都無好遊客啦!!任由朋友仔帶我地去食去行下，輕輕鬆鬆過左三日! 不過高雄好熱，加上我開始黎料作嘔作悶無胃口，所以全程都無影相，全部都由Natto BaBa操刀啦!(係咪有唔同呢?)