小娜執媽的部落格

初初落水﹐有少少驚!

熱左身啦^_^

仲游得似模似樣

上堂時﹐教練會比小朋友揀一隻公仔陪落水!!今日Natto要Finding Nemo啦!

Yeah捉到﹐幾開心!!

教練叫D家長響水度吹波波

跟住叫Natto有樣學樣﹐結果Natto只係識狂飲泳池水

圍圈時間!! 大家每唱完一首歌就要浸落水(全身)

Natto的痛苦表情

游水果然係全身運動﹐你睇Natto一上車就斷片啦!

我真係好佩服又要湊仔又要煮飯做家頭細務仲要每日寫Blog o既媽媽!! 佢地真係超人媽媽!!我自己而家湊一個﹐仲要唔係成日煮飯都已經覺得D時間超唔夠用!!我已經好耐無去睇其他媽媽o既Blog啦!! 屋企個電視不知幾嘆﹐成日休息!!!
睇黎我真係要學下其他媽媽點善用時間(我老公話最好方法就係叫我o訓少D覺﹐呢樣我要慢慢黎,我係一個太陽落山後先有幹勁o既人﹐太早起身我會遊魂!!)

Natto今日去左醫生度做九個月例行檢查﹐ 體重退步(25%)我似乎要谷佢食多少少野啦! 其他都正常﹐只係醫生有點concern佢仲未識爬﹐轉介我地去睇therapist! 鬼咩~Natto細膽到死﹐一想跌就驚左﹐唔肯嘗試!! 唯有比佢練習多D﹐跌多D!

上 兩個禮拜我地帶左Natto去上BB游水班﹐Natto不知幾o甘happy﹐一D都唔怕水!! 我地想佢早D接觸游水呢個運動﹐訓練下佢膽量同順便比佢做下運動!! So far Natto都非常enjoy!!! 呢個游水班六個月以上就可以上﹐一班7-8人﹐由爸爸媽媽帶住游下玩下唱下歌仔﹐非常親子!!

如果唔係大肚淋dum(主要係身材暴脹驚嚇親街坊)﹐o甘鬼熱﹐我都想玩埋一份!!