小娜執媽的部落格

終於開封啦!!上次去日本買o既剪髮架生

剪髮前

媽媽剪到手震震

第一執髮

心知不妙

開始覺得唔對路啦!!!(鄒眉ing)

........任人魚肉

死囉!!攪成我o甘﹐以後我仲駛出去溝女o既?

側面睇

gel一gel都唔係太差je...Hee^^

是但啦!!唔剪都剪左囉(暗笑中﹐覺得都唔差je....)

媽媽話我個頭唔係o甘差je﹐可以去參加香港先生啦!!

即刻show下條事業線先

我得咩?

真係可以咩?

 傻左

Natto自出娘胎後﹐一直都無剪過一條頭髮!! 人地滿月要剃頭﹐我地都無做! 一直以來佢都係得幾條毛仔!!不過我覺得無頭髮o既B得意D﹐所以都無打過佢D頭髮o既主意! 但係最近佢D頭髮開始掂到隻眼仔﹐所以係時係要剪一剪!! 其實已經比我奶奶催左幾個禮拜話剪﹐不過我一直無動手因為我好怕剪到佢樣衰衰!!(本身已經一D都唔B樣架啦﹐萬一失手一定會變老人精) 但點都要剪一剪架啦﹐於是死就死啦﹐剪得衰希望Natto你唔好怪媽媽啦!!

剪 頭髮時其實己經夜晚十一點幾﹐係Natto o訓覺時間﹐不過我老公硬係話要剪埋先﹐錯有錯著﹐因為眼o訓﹐Natto成程都無咩郁! 初初覺得好得意﹐又好痕﹐因為有頭髮飛落塊面﹐不過後來越坐越唔耐煩!!如果唔係眼o訓一早反左台! 唔知係咪知道自己就黎樣衰衰﹐開頭都有D微笑﹐到最後越剪越鄒眉!!!哈哈~~ 我剪左前蔭﹐後來頂唔順好驚自己落錯手﹐於是爸爸接力剪兩旁+後面!!

死左我好多細胞呀!!! 出來效果比想像中好少少﹐都唔算好低能!!

Natto San﹐爸爸媽媽唔係pro架﹐張就下啦!!