小娜執媽的部落格

Baba你帶我去邊樹?

好驚呀!!好凍呀!!我唔要落水呀!!

其他狗仔好enjoy

抖抖先!!

成鼻沙!!

Natto第一次到海灘!

眠一眠先!!

全程菲菲都唔太enjoy我地今日為佢安排o既節目!

你似賣魚佬多過幫菲菲沖涼bor!

無奈但都要接受的菲菲!

好委屈o既樣子呀!!

禮成!!!靚仔哂!!!

未住未住!!!我都想佢快D黎﹐不過陣痛仲係一時有一時無!!但已經約左下個禮拜佢再唔出黎就入院催生啦!! 最遲下個禮拜就會見到呢粒豆啦!!但我地都希望佢自動自覺出黎!!

緩和一下緊張心情﹐講下我生日o既正日帶左菲菲去狗海灘玩!!

當 日陽光普照﹐但係去到沙灘居然大霧!!不過都無損我地興致~~響悶蛋國狗仔唔可以隨便落沙灘玩﹐一定要去指定o既沙灘先得!!去到見到好多狗仔呀﹐大狗同 細狗都唔少!!大狗玩得顛D﹐ 主人們拋波仔/飛碟落海﹐佢地就起勢o既追落海﹐執返個波比主人!細狗多數都係行行企企﹐聊下其他狗仔﹐好似菲菲o甘!!不過佢仲cool﹐唔騷其他狗﹐ 佢有佢行﹐開大開細﹐簡直當其他狗仔透明!!哈哈~ 我嘗試帶佢落水﹐不過嚇到佢向後走!!唉~香港城市狗真係城市狗﹐未見過世面!! 玩左一陣佢已經唔得要灘響D沙度抖抖!! 超嘆!!!

玩到污咀狗一身泥點算好? 比我地搵到一間自助式洗狗店!!! 悶蛋國有好多自助洗車店﹐比你拎出去比人洗平好多!!自助洗狗都係第一次聽~自己幫自己隻狗仔沖一次涼盛惠十五大洋﹐都唔平!!!不過好過佢整到成車沙泥!!!
佢地包你shampoo+ conditioner﹐專業吹風機﹐毛巾﹐梳仔﹐洗耳水棉花球仲有兩條狗餅!! 睇落都好企理同乾淨!!成個過程由Baba操刀﹐因為我個肚太大頂住左!! 菲菲都算合作﹐無點反抗!!

好開心o既一個生日天﹐雖然唔記得食蛋糕同埋無許願﹐但係感覺幸福!!!