呀菲正傳 @ 小娜執媽的部落格

由細到大我屋企除左媽咪之外都係狗痴﹐超級鍾意狗呢種動物!!成日都想擁有一隻狗仔﹐可惜媽咪話養我地都未養得掂仲養狗!!(大大大盆冷水)就係o甘我地o既童年就活響一個無狗o既年代! 到大個我去到悶蛋國讀書﹐有一次回港放假一返到屋企一大開門"叮叮叮叮" 一隻笨笨o既菲菲跑到我面前!!嘩!!!點解會有隻狗仔o既?

原來菲菲係舅父響大陸買o既一隻便宜狗(我唸唔駛三百蚊)﹐媽咪話菲菲一見到佢就走埋佢度o訓著左﹐好得意﹐於是就帶佢坐姨丈間benz偷渡落香港啦!!(偷渡都坐benz幾勁呀!!)當時佢只得一兩個月大好細仔﹐可以放落儲物格﹐於是成功屈蛇!!
響香港雖然都唔算過住富貴o既生活﹐不過每朝出窗台曬太陽﹐望下樓下會所d小朋友玩玩﹐夏天又有冷氣房o訓﹐都幾嘆!!

之後到小妹過埋黎悶蛋國讀書﹐因為唔捨得將菲菲送比人於是又去漁濃處申請又買埋機票﹐今次唔駛偷渡啦!!明正言順申請移民悶蛋國!!於是菲菲由大陸偷渡客搖身變成悶蛋國公民﹐住大屋坐bubu車,幾架勢!! 如果唔係媽咪執佢返黎﹐菲菲極有可能成為一隻流浪狗﹐或者已經餓死街頭啦!

看似好順利o既人生(應該係狗生)﹐不過響移民悶蛋國後o既一次絕育手術差D就將菲菲帶返去天父o個度啦!原來菲菲對手術用o既麻醉葯﹐心跳停頓﹐要醫生做CPR打埋強心針先起死回生!!嚇到我地死死下!!!好彩都救得返!!

打後o既日子幸運地都無咩大單野發生﹐只係間唔時又腰骨痛下行唔到路﹐隻眼仔又生下瘡仔又發下炎﹐唔覺唔覺又洗左姐姐幾百材睇下醫生je~~最近又咳咳.......唉﹗﹗

不過我都好感激菲菲比左我地一家o甘多歡樂﹐又陪伴左我渡過左好多人生大事!!希望你可以一直陪住姐姐渡過以後o既人生大事!!