close
響屋企做慣大爺,一去到醫生度就變左隻雞仔!!
有問題o既係後三節尾龍骨同埋肚仔一大堆氣,覺到肚都痛埋!
自上個禮拜Natto Baby shower後,菲菲開始有D唔妥!!成日唔願郁,鍾意匿埋,對任何事都好似無哂興趣,好彩對食物仲有反應!!我唸佢可能係Party後太"支力"全日無o訓晏覺所以先o甘!!
結 果幾日後,一樣係自閉無厘神氣仲好似有背痛tim! 星期五半夜仲喊,我第一次比菲菲o既喊聲嘈醒,好心痛!!!於是第日即刻帶佢去睇醫生!!醫生話佢老毛病發作!!!唉.......又背"隻"痛! "隻"骨與"隻"骨之間o既軟骨夾扁左,壓到神經所以痛到死死下!!醫生話如果食葯唔好,有機會要做手術,將扁左既軟骨拎走,盛惠一萬蚊美金!!! o下? o甘貴???
菲菲今年7歲,正值中年,但係卻係弱雞一名,成日呢度痛o個度病!! 我地全家商量過後,萬一菲菲要做手術,就會賣左架車仔比手術費!!好彩第日覆診,醫生話菲菲食左葯好左好多,唔駛做手術啦!!!! 真係放下心頭大石!!!
呀菲哥,唔該唔好成日整鬼我地啦!! 睇醫生照X-Ray,少少地盛惠三百大元!!!
全站熱搜
留言列表