小娜執媽的部落格

契爸爸終於同契仔初次見面﹐BB比我地攪醒左﹐順便食奶奶~ 多得周圍o既朋友仔一個又一個生BB﹐令呢個契爸爸而家抱B已經唔會再雞手鴨腳﹐70分啦!!而我就唔駛講啦﹐日日都幾乎要抱B架啦!可能BB仲未消腫﹐睇落好似個老人家o甘﹐仲有D似我呀爺tim!!哈哈~

前兩個禮拜﹐ 一直想去一間居酒屋食飯﹐不過嫌遠﹐ 一直都無起行﹐今日的起心

十級熱o既一日!!!!!!!!!!

熱到無辦法訓到覺﹐冷氣又壞左﹐攪到兩日都係訓到三四粒鐘!!!人都顛埋!!! 唔明白點解十月天都仲o甘熱﹐前日又無啦啦落雨﹐今日菲菲又無神神慘

今日我做左人地契媽咪~~哈哈~

當我收到BB老豆電話話就生得時﹐我有種莫明o既興奮﹐雖然每日都幾乎會見証好多BB出世﹐不過自己o既好朋友要生﹐ 感覺就有D唔同~於是我 即時飛車去醫院啦!!點知個護士唔比我入﹐話push緊﹐費事我朋友仔分心x__x 我自己間醫院就無o甘嚴﹐只要個patient ok就可以入去! 最後我同幾個朋友企左響hallway度等﹐好似拍戲o個D 爸爸響產房門口等個仔出世﹐好攪笑!! 最後BB都順利出世﹐健健康康仲好得意tim﹐似媽咪好大隻眼仔!! 大家都好開心﹐爭住同BB影相!! 我都好登我個朋友仔開心^^之後我又衝衝忙忙o甘返工﹐好彩唔係好忙﹐嘻嘻~

親愛的出trip了!!留低我同菲菲(其實係留低菲菲至真﹐因為我呢幾日都會忙工作)! 不過我覺得有時分開幾日都幾好﹐可以掛住下對方﹐增進感情!! 通常我o既另一半出trip﹐我都會變左個師奶仔行下market同埋買下生活用品! 今日我走左去一蚊店買野﹐買左好多清潔用品﹐務求響十月尾之前清潔好成間屋攪House warming!!!

曾幾何時我會幫自o既男朋友剪頭髮。我係完全無受過訓練﹐只係睇過我個髮型師表哥剪過好多次頭髮﹐膽粗粗下刀﹐哈哈~有一次唔小心剪到我個ex後面D頭髮齊輯﹐好似小學生o甘!o個次真係好大穫﹐次次佢出街都比朋友笑﹐我都好過意唔去!!嘻~

今日唔知係幾耐無拎起把較剪之後﹐我又再出手!!我Honey因為要出trip好趕又唔想出去salon只係修一修 ﹐於是我又係膽粗粗地下刀了!! 好彩今次無出事﹐仲好滿意tim~~ 每次我幫人剪頭髮我都好大壓力﹐又驚剪到好樣衰﹐又驚剪到隻耳仔!! 雖然只係剪少少頭髮﹐但係我已經成身大汗!!不過幫你自己喜歡o既人剪髮其實都幾sweet o既~

記得以前讀書好多假﹐間唔中都會去下小旅行﹐有時會去Vegas﹐三藩市都係我地成日去o既地方!唔知有一年o既紀 念日﹐我地去左沙漠慶祝!!哈哈~PALM SPRING-->一個比Vegas仲要沙漠o既地方!!好熱又好乾﹐除左響室內shopping都唔知做咩好!!我地唔係好Shopping o既人﹐所以終日留響酒店!(應該係旅館)

呢間野係響網上無啦啦搵到o既﹐全間野只得四間房﹐係日式o既小旅館!!後來先知原來係一個美國伯伯同佢個日本老婆退 休之後開o既!! 係一間完全唔新但係都算乾淨o既一間旅館﹐包一個日式早餐﹐好似唔駛一百蚊美金一晚﹐裡面仲有泳池﹐不過我地無游! 都係一間幾得意o既Motel﹐同平時成日住o既酒店好唔同﹐個owner都幾friendly﹐唔錯又大膽o既新嘗試!!

一個工作環境o既好與壞真係好影響做野o既人o既心情!!我做產房o既﹐時時都會面對好多突如其來o既事﹐例如產婦一 入黎就生得﹐BB出世響馬桶﹐大出血﹐BB心跳唔好要即時緊急開刀等等。。。因為要應付呢D﹐工作壓力變得大左係可以理解o既﹐所以我D同事(包括我自 己)有時都會幾燥下~ 不過燥還燥﹐都唔可以當係老馮o甘﹐鍾意就發人脾四或者講難聽o既說話!!我有D同事真係好鍾意令到人人都響一個極度精神緊張o既工作環境下共事﹐好鍾意 為難新人或者好烚o既人!我唔明白佢地點解要o甘做﹐對大家有咩好處﹐唔通大聲講野就係可以話事而唔講道理? 今日我為左幫一個同事出頭而同一個好唔識尊重人o既charge nurse吵大穫!!氣結!!!

由於聖誕節去馬爾代夫係天文數字﹐所以我地決定先去北海道當小蜜月﹐等下年淡季再去過馬爾代夫! 雖然又係要等﹐不過好過無得去啦!!

北海道都應該可以relax一下﹐浸下溫泉﹐睇下風景﹐不過我最有興趣係去海鮮市場海鮮﹐哈哈~ 之後會再去東京玩幾日﹐因為上次去得太短時間!!同埋再浸多次溫泉!由於係Honeymoon﹐我會同我honey去一間好D o既溫泉旅館同埋食懷石料理~係一個surprise﹐我唔會話比佢知我地去邊間酒店, 不過我仲未知會去邊間架﹐仲做緊資料搜集﹐有幾間自己房有露天溫泉o既旅館真係好靚好靚﹐不過都幾貴﹐加上旺季仲貴!!鬼叫我要響旺季結婚咩。。。。。不 過唔緊要啦﹐一世人一次je。。。(已經有好多一世人一次﹐嘻嘻~)